Dr. Phyo Paing

Marketing Trainer and Consultant helping people and
businesses to increase productivity and profit.

Marketing Trainer and Consultant helping people and businesses to increase
productivity and profit.

မေတ္တာပွားများတတ်မှ
ဘဝက နေပျော်နိုင်မယ်။

မတ်ေတာ

မြန်မာနိုင်ငံသားအချင်းချင်း
လိုင်စင်မရှိဘဲဆိုင်ဖွင့်လို့
ထိုင်းရဲကို တိုင်တယ်တို့၊
အချင်းချင်း ရဲတိုင်တယ်တို့
မကြာခဏ ကြားလာရတဲ့အခါ
စိတ်မကောင်းဖြစ်ရတယ်။

ကျွန်တော်တို့ ကိုးကွယ်တယ်ပြောပြီး
ကျင့်သုံးဖို့ မေ့နေတာ
ဗုဒ္ဓဘာသာများဖြစ်မလားစဥ်းစားမိတယ်။

ဗုဒ္ဓဘာသာဆိုတာ ဗုဒ္ဓအဆုံးအမဖြစ်တယ်။

ဗုဒ္ဓက သတ္တာဝါအချင်းချင်း
မေတ္တာထားတတ်ဖို့သင်ပေးခဲ့တယ်။

မတ်ေတာဆိုတာ
မိတ္တ (မိတ်ဆွေ) မှ ဆင်းသက်လာပြီး
မိတ်ဆွေကဲ့သို့ ချစ်ခင်မြတ်နိုးခြင်းလို့အဓိပ္ပာယ်ရတယ်။

မေတ္တာဆိုတာ စေတသိတ် ၅၂ ပါးမှာ
သောဘဏစေတသိက် ၂၅ ပါးမှာပါဝင်တယ်။
အတိုင်းအဆမရှိ၊ အကန့်အသတ်မရှိ
ရှုမှတ်ခြင်း၊ သိမှတ်ခြင်း ပွားများနိုင်တဲ့
အပ္ပမည္ညာစေတသိက် ၂ ပါးထဲကတစ်ပါးဖြစ်တယ်။

မေတ္တာသုတ်ရဲ့အနက်အဓိပ္ပာယ်ကို
ပါဠိနဲ့ မြန်မာအဓိပ္ပာယ်တခါတည်းဖော်ပြလိုက်ပါမယ်။

ယနေ သုတ်တနေ ဘဂဝါ ဘိက်ခူ သီမာသမ်မုတိ ကရဏကာလေ ရက်ခဏတ်ထာယ ဥဂ်ဂဏှာပသေိ။ |

ဘုရားရှင်သည် သီမာသတ်မှတ်ခြင်း ပြုရာကာလ၌ ရဟန်းတော်များအား အန္တရာယ်ကင်းစေရန် ဤသုတ်တော်ကို သင်ယူစေတော်မူ၏။

၁။ ကရဏီယမထန္တဿ၊ | အကျင့်သိက္ခာနှင့် ပြည့်စုံလိုသော ပုဂ္ဂိုလ်သည်၊
ယန္တ သန္တံ ပဒံ အဘိသမေစ္စ၊ | ငြိမ်းအေးသော နိဗ္ဗာန်တရားကို သိမြင်နိုင်ရန်၊
သက္ကော ဥဇူ စ သူဇူ စ၊ | စွမ်းဆောင်နိုင်သူ၊ ဖြောင့်မတ်သူ၊ အလွန်ဖြောင့်မတ်သူ ဖြစ်ရမည်။
သုဝစော စဿ မုဒု အနတိမာနီ။ | ဆုံးမရလွယ်သူ၊ နူးညံ့သိမ်မွေ့သူ၊ ထောင်လွှားခြင်းကင်းသူ ဖြစ်ရမည်။

၂။ သန္တုဿကော စ သုဘရော စ၊ | ရောင့်ရဲလွယ်သူ၊ ကျွေးမွေးရလွယ်သူ ဖြစ်ရမည်။
အပ္ပကိစ္စော စ သလ္လဟုကဝုတ္တိ။ | အလုပ်ကိစ္စနည်းပါးသူ၊ ပေါ့ပါးသော အကျင့်ရှိသူ ဖြစ်ရမည်။
သန္တိန္ဒြိယော စ နိပကော စ၊ | ငြိမ်းအေးသော ဣန္ဒြေရှိသူ၊ ပညာရှိသူ ဖြစ်ရမည်။
အပ္ပဂဗ္ဘော ကုလေသု အနနုဂိဒ္ဓေါ။ | မရွှင်ပျလွန်းသူ၊ အိမ်ထောင်စုများ၌ မတွယ်တာသူ ဖြစ်ရမည်။

၃။ န စ ခုဒ္ဒံ သမာစရေ ကိဉ္စိ၊ | အနည်းငယ်မျှသော မကောင်းမှုကိုမျှ မပြုရ။
ယေန ဝိညူ ပရေ ဥပဝဒေယျုံ။ | ပညာရှိတို့ ကဲ့ရဲ့နိုင်သော အမှုကို မပြုရ။
သုခိနော ဝါ ခေမိနော ဟောန္တု၊ | သတ္တဝါအားလုံး ချမ်းသာကြပါစေ၊ ဘေးကင်းကြပါစေ။
သဗ္ဗေ သတ္တာ ဘဝန္တု သုခိတတ္တာ။ | သတ္တဝါအားလုံး စိတ်ချမ်းသာကြပါစေ။

၄။ ယေ ကေစိ ပါဏဘူတတ္ထိ၊ | မည်သည့် သက်ရှိသတ္တဝါမဆို၊
တသာ ဝါ ထာဝရာ ဝါ အနဝသေသာ။ | တုန်လှုပ်ခြင်းရှိသည်ဖြစ်စေ၊ တည်ငြိမ်သည်ဖြစ်စေ၊ ကြွင်းကျန်ခြင်းမရှိစေရ။
ဒီဃာ ဝါ ယေ မဟန္တာ ဝါ၊ | ရှည်သောကိုယ်ရှိသည်ဖြစ်စေ၊ ကြီးမားသောကိုယ်ရှိသည်ဖြစ်စေ၊
မဇ္ဈိမာ ရဿကာ အဏုကထူလာ။ | အလတ်စားကိုယ်ရှိသည်ဖြစ်စေ၊ သေးငယ်သောကိုယ်ရှိသည်ဖြစ်စေ၊ ပိန်သည်ဖြစ်စေ၊ ဝသည်ဖြစ်စေ။

၅။ ဒိဋ္ဌာ ဝါ ယေ ဝါ အဒိဋ္ဌာ၊ | မြင်ဖူးသည်ဖြစ်စေ၊ မမြင်ဖူးသည်ဖြစ်စေ၊
ယေ စ ဒူရေ ဝသန္တိ အဝိဒူရေ။ | ဝေးရာ၌နေသည်ဖြစ်စေ၊ နီးရာ၌နေသည်ဖြစ်စေ၊
ဘူတာ ဝါ သမ္ဘဝေသီ ဝါ၊ | ဖြစ်ပြီးသည်ဖြစ်စေ၊ ဖြစ်လတ္တံ့သည်ဖြစ်စေ၊
သဗ္ဗေ သတ္တာ ဘဝန္တု သုခိတတ္တာ။ | သတ္တဝါအားလုံး စိတ်ချမ်းသာကြပါစေ။

၆။ န ပရော ပရံ နိကုဗ္ဗေထ၊ | တစ်ယောက်ကို တစ်ယောက် မလှည့်စားရ၊
နာတိမညေထ ကတ္ထစိ နံ ကဉ္စိ။ | မည်သည့်နေရာ၌မဆို တစ်စုံတစ်ယောက်ကို မထီမဲ့မြင် မပြုရ။
ဗျာရောသနာ ပဋိဃသညာ၊ | ပြစ်မှားလိုသော စိတ်ဖြင့်လည်းကောင်း၊ ဒေါသစိတ်ဖြင့်လည်းကောင်း၊
နာညမညဿ ဒုက္ခမိစ္ဆေယျ။ | တစ်ယောက်နှင့်တစ်ယောက် ဆင်းရဲဒုက္ခ ရောက်စေလိုသော စိတ်မထားရ။

၇။ မာတာ ယထာ နိယံ ပုတ္တံ၊ | မိခင်သည် မိမိ၏သားကို
အာယုသာ ဧကပုတ္တမနုရက္ခေ။ | အသက်ဖြင့် တစ်ဦးတည်းသော သားကို စောင့်ရှောက်သကဲ့သို့၊
ဧဝမ္ပိ သဗ္ဗဘူတေသု၊ | ထို့အတူ သတ္တဝါအားလုံးတို့၌
မာနသံ ဘာဝယေ အပရိမာဏံ။ | အတိုင်းအဆမရှိ မေတ္တာစိတ်ကို ပွားများရမည်။

၈။ မေတ္တဉ္စ သဗ္ဗလောကသ္မိံ၊ | တစ်လောကလုံး၌ မေတ္တာကို
မာနသံ ဘာဝယေ အပရိမာဏံ။ | အတိုင်းအဆမရှိ ပွားများရမည်။
ဥဒ္ဓံ အဓော စ တိရိယဉ္စ၊ | အထက်အရပ်၊ အောက်အရပ်၊ ဘေးအရပ်၌လည်း၊
အသမ္ဗာဓံ အဝေရံ အသပတ္တံ။ | ကျဉ်းမြောင်းခြင်းမရှိ၊ ရန်ငြိုးဖွဲ့ခြင်းမရှိ၊ ရန်သူပြုခြင်းမရှိ။

၉။ တိဋ္ဌံ စရံ နိသိန္နော ဝါ၊ | ရပ်လျက်ဖြစ်စေ၊ သွားလျက်ဖြစ်စေ၊ ထိုင်လျက်ဖြစ်စေ၊
သယာနော ဝါ ယာဝတဿ ဝိဂတမိဒ္ဓေါ။ | လဲလျောင်းလျက်ဖြစ်စေ၊ ငိုက်မျဉ်းခြင်းကင်းသမျှ ကာလပတ်လုံး၊
ဧတံ သတိံ အဓိဋ္ဌေယျ၊ | ဤမေတ္တာသတိကို တည်ထောင်ရမည်။
ဗြဟ္မမေတံ ဝိဟာရံ ဣဓမာဟု။ | ဤမေတ္တာဝိဟာရဓမ္မကို မြတ်သော နေခြင်းဟု ဆိုကြ၏။

၁၀။ ဒိဋ္ဌိဉ္စ အနုပဂမ္မ သီလဝါ၊ | မှားယွင်းသော အယူအဆများကို မစွဲလမ်းဘဲ၊ သီလနှင့် ပြည့်စုံလျက်၊
ဒဿနေန သမ္ပန္နော။ | မှန်ကန်သော အမြင်နှင့် ပြည့်စုံလျက်၊
ကာမေသု ဝိနေယျ ဂေဓံ၊ | ကာမဂုဏ်တို့၌ တပ်မက်ခြင်းကို ပယ်ဖျောက်လျက်၊
န ဟိ ဇာတု ဂဗ္ဘသေယျံ ပုနရေတီတိ။ | စင်စစ် သံသရာ၌ ပဋိသန္ဓေနေခြင်းသို့ ပြန်လည်ရောက်ရှိရတော့မည် မဟုတ်ချေ။

မေတ္တာပွားများတတ်မှ
ဘဝက နေပျော်နိုင်မယ်။

Phyo Paing @ Derek

Share Your Idea!​