အခြေအနေဘယ်လိုပဲဖြစ်ဖြစ်
ကိုယ့်အပေါ်ကိုယ်ထားတဲ့ မျှော်လင့်ချက်ကို မမေ့လိုက်ပါနဲ့။

ဒီနိုင်ငံမှာ လူလာဖြစ်လို့လဲ ဘယ်တုန်းကမှ
ကံဆိုးလိုက်တာလို့ မစဥ်းစားခဲ့ဖူးဘူး။

ကိုယ့်ကိုကိုယ်ရဲ့ performance နဲ့
ကိုယ့် လက်တစ်ဆုပ်စာရှိတဲ့ team ရဲ့
performance တိုးတက်ဖို့လုပ်တာတောင်
ဘယ်လိုရှိလဲဆိုတဲ့ သိတဲ့လူတိုင်းအတွက်
တစ်နိုင်ငံလုံးကို ဦးဆောင်ပြီး
အရင်းအမြစ်နည်းနည်းနဲ့ သွားရတဲ့ကိစ္စ
ဘယ်လောက်ခက်မလဲဆိုတာ နားလည်တယ်။

အဖွဲ့အစည်းတစ်ခုကိုမှ မဟုတ်ဘူး
ကိုယ့်ဘေးနားက ဘယ်သူ့ဆီမှာမှ
မျှော်မှန်းချက် expectation မထားတတ်တာ
ကျင့်သားရနေပြီဖြစ်တဲ့အတွက်
မျှော်လင့်ချက်မဲ့တယ်ဆိုတဲ့
ခံစားချက်ဘယ်လိုဆိုတာလဲ မသိတော့ဘူး။

လူတွေက အခြေအနေကို
ပြောင်းလို့မရတဲ့အခါ
ကိုယ့်ကိုကိုယ် ပြောင်းလဲတတ်ကြတယ်လို့
ပြောကြတယ်။

ဘောလုံးပွဲတစ်ပွဲမှာ မိနစ်ကိုးဆယ်အတွင်း
အနိုင်အရှုံးပေါ်ပေမယ့်
ဘဝမှာ အနိုင်အရှုံးက ကိုယ်သေမှသိရတာမျိုး။

အဆိုးဆုံးထိတွေးထားလိုက်တယ်။
အကောင်းဆုံးအတွက်လဲ ပြင်ဆင်ထားလိုက်တယ်။
အခြေအနေဘယ်လိုပဲဖြစ်ဖြစ်
ကိုယ့်အပေါ်ကိုယ်ထားတဲ့ မျှော်လင့်ချက်ကို
မမေ့လိုက်ပါနဲ့။

ရှင်သန်ခြင်းရဲ့အဓိပ္ပာယ်က
သေဆုံးခြင်းလို့ဆိုကြတယ်။
ဒါကြားဖြတ်သန်းမှု ဖြစ်စဥ်က
ကိုယ်နဲ့ပဲဆိုင်တယ်။

Phyo Paing @ Derek