learning

အကြိုက်ဆုံးဝါသနာထဲမှာ “သင်ယူခြင်း learning” ပါတယ်။ သင်ယူရင်း တိုးတက်တယ်။တိုးတက်ရင် ပျော်ရွင်တယ်။ သင်ယူဖို့အတားအဆီက “ငွေကြေး”။အကြွေးတွေများ စိတ်ဖိဆီးနေရင်သင်ယူမှုကို ကောင်းကောင်းမလုပ်နိုင်ဘူး။ငွေကြေး ကြပ်တည်းနေရင်သင်ယူမှုကောင်းကောင်းမလုပ်နိုင်ဘူး။အလုပ်မရှိဝင်ငွေမရှိရင်သင်ယူမှုကောင်းကောင်းမလုပ်နိုင်ဘူး။ သင်ယူမှုကို ဒုက္ခပေးနိုင်တဲ့အရာတွေကိုရှောင်တယ်။ လူတစ်ယောက်ရဲ့ တန်ဖိုးအရှိဆုံးစွမ်းဆောင်ရည်နှစ်ခုဆိုရင်“သင်ယူခြင်း” နဲ့ “ပြန်လည်သင်ကြားပေးနိုင်ခြင်း”ပဲ။ Phyo Paing @ Derek

စဉ်ဆက်မပြတ် လေ့လာနေခြင်းသည်အနာဂတ် အန္တရာယ်ကို ရှောင်ရှားဖို့risk management တစ်ခုပဲ။ Phyo Paing @ Derek

ပညာရပ်တစ်ခုလေ့လာတယ်ဆိုတာ အပင်စိုက်သလိုပဲ။ချက်ချင်းကြီး ကြီးလာတာတွေ့ရချင်မှ တွေ့ရလိမ့်မယ်။ “မှန်ကန်တဲ့နည်း”နဲ့ပုံမှန်ရေလောင်းရင် အချိန်ရောက်ရင် တဖြည်းဖြည်းကြီးလာတာ တွေ့ရလိမ့်မယ်။ ကံကောင်းရင် ပိုက်ဆံဆိုတာ ချက်ချင်းရှာလို့ ဖြစ်သွားနိုင်ပေမယ့်ကံကောင်းလို့ ချက်ချင်းပညာတတ်သွားတာအဲ့လိုတော့မရှိသေးဘူး။ ဦးနှောက်က ချိတ်ဆက်သင်ယူမှုအတွက်အချိန်တော့ပေးရသေးတယ်။ Phyo Paing @ Derek

ဒီနေ့ခေတ်မှာ ဘယ်လောက်မြန်မြန်လေ့လာနိုင်တယ်။ ဘယ်လောက်မြန်မြန်အသုံးချနိုင်တယ်။ဘယ်လောက်မြန်မြန် သင်ခန်းစာယူနိုင်တယ်။ဘယ်လောက်မြန်မြန် လဲရာကပြန်ထနိုင်တယ်။ဒါက ပိုအရေးကြီးသွားမယ်။ အနာဂတ်မှာ polymath တွေပိုထွက်လာမယ်။ Polymath ဆိုတာ ပညာရပ်တစ်ခုထက်ပိုပြီးပညာရပ်တွေကို ထဲထဲဝင်ဝင်ပိုသိတဲ့လူတွေ။ အနာဂတ် စွန့်ဦးတီထွင်တွေကလဲဒီ polymath ထဲကလာမယ်။ ကျွန်တော်ကတော့ ဒီတစ်ခုပဲကျွမ်းကျင်တယ်။ကျန်တာဘာမှ မသိဘူးလုပ်လို့က အဘိုးခေတ်မှာရမယ်။ ဒီနေ့ခေတ်က T-shaped လိုကျွမ်းကျင်မှုကအခြေခံဖြစ်လာမယ်။ မားကတ်တင်းပဲ နားလည်တယ်။လူတွေရဲ့ စိတ်ပညာနားမလည်ဘူး။ ဦးနှောက်အလုပ်လုပ်ပုံမသိဘူး။ အတွေးအခေါ်ပညာမသိဘူး။ စဉ်းစားပုံမသိဘူး။စီမံခန့်ခွဲမှုမသိဘူး။ အဲ့လိုမဟုတ်တော့ဘူး။ ခေတ်တွေက ပြောင်းနေပြီ။ မြန်မြန်သင်ယူနိုင်စွမ်းအရေးကြီးလာပြီ။ Better, Smarter နဲ့ Faster ဖြစ်ဖို့လိုလာပြီ။ Phyo Paing @ Derek

မြန်မာပြည်မှာ ဆင်ရဲတွင်းက ထွက်ဖို့ ဖော်မြူလာကတော့ဒါလေးဖြစ်မလားမသိဘူး။ အတွေးအခေါ်မှန်ဖို့ လုပ်။ နေ့စဥ် သင်ခန်းစာယူ။အပြစ်တင်တတ်တဲ့စိတ်ဖျောက်။ ကိုယ့်ရည်မှန်းချက်ပန်းတိုင်ကိုယ်ရှင်းရှင်းလင်းလင်းသိ။ ကိုယ့်အတွေးအခေါ်နဲ့ ကိုယ့်ကိုယ်ကို မကန့်သတ်ထားနဲ့။ ကိုယ်နဲ့ပေါင်းတဲ့သူတွေကို ဂရုစိုက်။ တစ်ဖက်ပိတ်အမြင်နဲ့ အသက်မရှင်နဲ့။ နေ့စဥ် သင်ယူ။ သင်ယူထားတာကို ချရေးမှတ်သား။ ပြန်လည်အသုံးချ။ ပိုကောင်းတဲ့ အခွင့်အလမ်းအမြဲရှာဖွေ။ ကိုယ့်ကိုယ်ကို အပြစ်မတင်နဲ့။ ဘဝကြီးကို ကျေးဇူးတင်တတ်တဲ့စိတ်နဲ့နေ။ ဘာသာစကားအသစ်သင်။ လူတွေကို လေ့လာ။ဘူနေတဲ့သူ၊ သာမာန်လူ၊ အောင်မြင်သူ၊အရမ်းအောင်မြင်သူ သူတို့ရဲ့ အတွေးအခေါ်ဘာကွာလဲ၊ အမူအကျင့်ဘာကွာလဲလေ့လာ။ အတုယူလို့ရတာတွေကိုကိုယ့်ဘဝမှာ ပြန်လည်အသုံးချ။ Phyo Paing @ Derek