ကိုယ့်ကိုကိုယ် ချစ်ပါ။

ငယ်ငယ်က ကိုယ့်ကိုကိုယ် အမြဲ အပစ်တင်တယ်။
တခြားသူတွေ နဲ့ နှိုင်းယှဉ်ပြီး ကိုယ့်ကိုကိုယ်
ဘယ်တော့မှ အားမရခဲ့ဘူး။
အိမ်ကမေမေကလည်း တခြားသူတွေထက်သာအောင်
အမြဲ နှိုင်းယှဉ်တယ်။

ဘဝဟာ တော်တော် နေမပျော်ခဲ့ဘူး။

နောက်ပိုင်း ဆုံးဖြတ်ချက်တစ်ခုချတယ်။
ကိုယ့်ကိုကိုယ် အရင်ဆုံး အရမ်းချစ်လိုက်မယ်။

ကိုယ်ကိုကိုယ် ဒုက္ခခံရမည့် အရာတွေကို ရှောင်တယ်။
အသဲကွဲရမှာတွေ၊ စိတ်ညစ်ရမှာတွေ သိပ်မတွေးဘူး။
ကိုယ့်ကို လာဝေဖန်ရင်လည်း လျစ်လျူရှုလိုက်တယ်။
အရင်းနှီးဆုံးသူတွေက ဘလိုင်းကြီးလာဝေဖန်နေရင်
နားလည်ပေးလိုက်တယ်။
ဒါမှ မမှတ်သေးဘူးဆို သိပ်အဆက်အသွယ်မလုပ်တော့ဘူး။

ကျွန်တော်တို့လူတိုင်းမှာ ဦးနှောက်ရှိတယ်။
စဉ်းစားတတ်တယ်။ တွေးတတ်တယ်။
ကိုယ့်ကိုကိုယ် ဘာဖြစ်နေတယ်ဆိုတာ သိကြတယ်။

ကိုယ့်ကိုကိုယ် ချစ်တတ်လာပြီးနောက် အမြဲစဉ်းစားတာ
နှစ်ခုပဲ ရှိတယ်။

၁. ကိုယ်အခုရချင်တဲ့ ရလဒ်ကဘာလဲ?

၂. အနာဂတ်မှာရချင်တဲ့ ရလဒ်ကဘာလဲ?

Jay-Z ပြောသလို Nobody built like you. You design yourself.

ကိုယ့်ကိုကိုယ်ချစ်ပါ။

Phyo Paing @ Derek