Mindset

ဘဝမှာ ဒူနေ၊ ဘူနေတာအမုန်းဆုံးပဲ။ ကိုယ်လဲ အရင်က ဒူတယ်။တော်တော်လေးလဲ ဘူတယ်။ ပထမဆုံးဒူကိုကျော်လွှားဖို့ဦးနှောက်ကောင်းဖို့နည်းလမ်းရှာတယ်။ မှတ်ဥာဏ်ကောင်းအောင်ဘယ်လိုလုပ်မလဲ၊ဦးနှောက်ကို စဥ်းစားတာမြန်အောင်ဘယ်လိုလုပ်မလဲနည်းလမ်းတွေရှာ လေ့ကျင့်မှုတွေလုပ်တယ်။ လူရှေ့သူရှေ့စကားထွက်ပြောခြင်းသင်တန်းတွေတက်တယ်။ ကိုယ်တိုင်လဲ အခွင့်အခါသင့်တိုင်းလူရှေ့ထွက်စကားပြောကြည့်တယ်။ နေ့စဥ်စာဖတ်တယ်။ မေးခွန်းတွေမေးတယ်။ အဖြေတွေရှာတယ်။ ဒူတာနည်းလာတယ်။ ဘူတာကို ကျော်လွှားဖို့ကအပြစ်မတင်ဘဲ အဖြေရှာတယ်။ဘဝမှာ ထိန်းချုပ်လို့မရတဲ့ “ကံ”ရှိတယ်။ ထိန်းချုပ်လို့ရတဲ့ “ကံ” ရှိတယ်။ ထိန်းချုပ်လို့ရတဲ့ “ကံ” က အလုပ်။ အဲ့တော့ MYOB လုပ်တယ်။Mind Your Own Business အားရင်အများဆုံးစဥ်းစားတာကိုယ့်အကြောင်း။ ဘာဆက်လုပ်မလဲ၊ ကိုယ်ဘယ်လိုစဥ်းစားလဲ၊ မနက်ဖြန်ကို ဒီနေ့ထက်ပိုကောင်းအောင်ဘယ်လိုလုပ်မလဲ။ လုပ်မိတဲ့အမှားတွေကို ကိုယ့်ကိုကိုယ် ခွင့်လွတ်တယ်။ သင်ခန်းစာယူတယ်။ ကိုယ်နဲ့တွေ့တဲ့ လူတွေ၊ နေရာတွေ၊ အိုင်ဒီယာတွေကိုဂရုစိုက်ရွေးချယ်တယ်။ ဘူကောင်၊ ဘူနေရာ၊ ဘူအိုင်ဒီယာကိုရှောင်တယ်။ ဒီနည်းနဲ့ ဒူတာနဲ့ ဘူတာကိုတဖြည်းဖြည်းကျော်လွှားလာခဲ့တယ်။ […]

လူအများစု ဘဝတိုင်ပတ်နေတာပိုက်ဆံကြောင့်မဟုတ်ဘူး။ အတွေးအခေါ်ကြောင့်။ အတွေးအခေါ်ဘေးချော်ရင်အရေးပေါ်ပြင်နိုင်ဖို့လိုတယ်။ ဒီလိုပြင်ဖို့ကလဲ ကိုယ်မှားနေတာသိဖို့လိုတယ်။ ကိုယ်မှားနေတာ ဘယ်လိုသိနိုင်မလဲဆိုကိုယ်လိုချင်တာ ရလာမနေဘူးဆိုမှားတာပဲ။ ကိုယ်လိုချင်တာကို မထိန်းထားနိုင်ဘူးဆိုမှားတာပဲ။ ကိုယ်လိုချင်တာကို အခုရပြီးအနာဂတ်မှာနောင်တရမယ်ဆိုလဲ မှားတာပဲ။ မှန်တယ်ဆိုတာ ဘယ်လိုသိနိုင်မလဲ။လိုချင်တာရရင်။ ထိန်းထားနိုင်ရင်။ကိုယ့်နည်းလမ်းက နောင်တမရစေရင်။ Phyo Paing @ Derek

အရာရာရှားပါးတယ်လို့ထင်တတ်တဲ့ Scarcity mindset ဆိုတာရှိတယ်။ တကယ်တမ်းလောကမှာ ငွေလဲမရှားဘူး။ အခွင့်အလမ်းလဲမရှားဘူး။ မရှာလို့မတွေ့တာ။ ဒါနဲ့ပြောင်းပြန်က Abundance Mindsetကြွယ်ဝမှုရှိတဲ့စိတ်။ ကိုယ့်အနေနဲ့ Scarcity Mindset နဲ့ကြီးလာတယ်။ နောက်မှသိလာတာက ဥာဏ်ကောင်းရုံနဲ့ ငွေကြေးနဲ့အခွင့်အလမ်းရမလာဘူး။ အရာရာရှားပါး ဒုက္ခများတဲ့ Scarcity Mindset ကနေကြွယ်ဝမှုဆိုတာရှိတယ်၊ ငါနဲ့ထိုက်တန်တယ်ဆိုတဲ့Abundance Mindset က အရာရာကို အပြောင်းအလဲဖြစ်စေတာပဲ။ ဥာဏ်ပဲကောင်းလို့မရဘူး။ ကံကောင်းဖို့ အတွေးအခေါ်ကလဲဗုဒ္ဓဟောကြားခဲ့သလို မှန်ကန်တဲ့အမြင်ကို မြင်နိုင်ဖို့လိုတယ်။ Phyo Paing @ Derek

စေတနာ ဝေဒနာ ဖြစ်ဖူးလား။ ကူညီချင်လို့ ကူညီတယ်။ပေးချင်လို့ ပေးတယ်။ကောင်းစေချင်လို့ ပြောတယ်။ ပြီးတော့ ကိုယ်ပဲ နာသွားတယ်။ သူငယ်ချင်းကို ငွေချေးတယ်။ စေတနာနဲ့။ပြန်တောင်းရတော့ ကိုယ်က လူဆိုးဖြစ်သွားတယ်။ Team အတွက် ညမအိပ်ဘဲ လုပ်ပေးတယ်။ကျေးဇူးတင်တဲ့သူ တစ်ယောက်မှ မရှိဘူး။ ဝန်ထမ်းကို ယုံကြည်မှုအပြည့်ပေးအလုပ်အကုန် အပ်လိုက်တယ်။သူ မပြောမဆို ထွက်သွားတော့ဒုက္ခတွေရောက်တယ်။ ပြီးတော့ ကိုယ့်ကိုကိုယ် မေးမိတယ်။“စေတနာ ထားတာ မှားသွားတာလား” မမှားပါဘူး။စေတနာ ထားပုံ မှားသွားတာပါ။ စေတနာ ဝေဒနာ ဖြစ်ရတဲ့ အကြောင်းရင်း ၃ ခု ရှိပါတယ်။ ပထမ — နယ်နိမိတ် မရှိဘူး။ ပေးတယ်။ဒါပေမယ့် ဘယ်လောက်ထိ ပေးမလဲသတ်မှတ်မထားဘူး။ကူညီတယ်။ဒါပေမယ့် ဘယ်အထိ ကူညီမလဲ မပြောထားဘူး။ နယ်နိမိတ် မရှိတဲ့ စေတနာကကိုယ့်ကိုကိုယ် ဒုက္ခပေးတာပါ။ဝေဒနာတွေပဲ

10x – 100x ဖြစ်ချင်ရင်လက်ရှိရှိနေတဲ့အတွေးအခေါ်အမြင်ကို နောက်တစ်ဆင့်မြင့်ဖို့လိုနိုင်တယ်။ လူတွေကို အတားအဆီးလုပ်ထားတာအတွေးအခေါ်နဲ့ ကိုယ့်အပေါ်ကိုယ်ထားတဲ့အမြင်ပဲ။ လူတစ်ယောက်ဘယ်လောက်တော်တော်ကိုယ့်ကိုကိုယ် မျှော်လင့်ထားတဲ့မျှော်မှန်းချက်နည်းနေရင် ဘဝမှာရမှာ နည်းနိုင်မှာပဲ။ တခြားသူတွေဆီက မျှော်လင့်တာထက်ကိုယ့်ကိုကိုယ် မျှော်လင့်ပြီးအနာဂတ်ကိုတစ်ဆင့်ချင်းတည်ဆောက်တာကတော့အကောင်းဆုံးပဲ။ Phyo Paing @ Derek

အမြင်မတူရင် အမြင့်မတူဘူး။တခါတလေ ဒီအမြင်ကတော်တော်လေးပြင်ဖို့ခက်တယ်။ပြတိုင်းလဲ မြင်ချင်မှမြင်တာ။မြင်နိုင်တဲ့ဥာဏ်ရှိဖို့အချိန်ပေးရတာလဲဖြစ်နိုင်တယ်။ Phyo Paing @ Derek