Reading

စာဖတ်ခြင်း အလေ့အကျင့်ကအမြင်ကျယ်စေတယ်။ လူအများစုက စာမဖတ်တတ်ကြဘူး။ ဒါကြောင့် စာဖတ်ခြင်းအနှစ်သာရကိုမသိဘူး။ စာဖတ်တယ်ဆိုတာ ဦးနှောက်ကို အစာကျွေးတာပဲ။ အတွေးတွေကို တချက်တချက်အလင်းတွေ ဖွင့်ပေးတယ်။ ပြဿနာအများစုရဲ့အဖြေဟာစာအုပ်တွေထဲမှာ ရှိပြီးသား။ ChatGPT နဲ့ AI တွေက ဒါကို ၆ တန်းအရွယ်နားလည်နိုင်တဲ့ဘာသာစကားနဲ့ပြန်ပြောတယ်။ တခါတလေ စာရေးသူသုံးလိုက်တဲ့စကားလုံး၊ စာကြောင်းက အလင်းဖွင့်ပေးတာ။ ဒါပေမယ့် အေအိုင်မှာ ဒီစကားလုံးတွေက ပါချင်မှပါမှာ။ စာဖတ်ခြင်းဟာ စာရေးသူနဲ့စကားပြောခြင်းပဲ။ စာအုပ်တွေမှာတောင်AI-generated, AI-assisted သို့လူရေး အဲ့လိုရှိသေးတာမဟုတ်လား။ စာဖတ်ခြင်းက အရေးကြီးသေးတယ်လို့ထင်တယ်။ အရမ်းတော်တဲ့ အင်္ဂလိပ်အဖိုးကြီးတစ်ယောက်တွေ့ဖူးတယ်။ ကိုယ်နဲ့လဲတော်တော်ခင်တယ်။ သူလုပ်တဲ့အလုပ်အကြောင်းမှာ အကုန်သိတယ်။ တစ်ခုပဲ အလုပ်အပြင်ကို မသိဘူး။ စာဖတ်တာကို မယုံဘူး။ သိချင်ရင် အင်တာနက်မှာရှာလို့ရတယ်။ ကိုယ်ကျွမ်းကျင်တာကိုပဲသိတာကကိုယ့်ကို တခြားနယ်ပယ်တွေကိုမမြင်စေနိုင်ဘူး။ Myopia အမြင်ကျဉ်းစေနိုင်တယ်။ စာဖတ်ခြင်းအတွက် အချိန်ပေးဖို့လိုတယ်။ […]

နည်းပညာကုမ္ပဏီနဲ့ နည်းပညာမဟုတ်တဲ့ သန်း ၁၀၀ အထက် တန်ဖိုးရှိတဲ့ကုမ္ပဏီအကုန်လုံးကို ဦးဆောင်တဲ့သူတွေ အကုန်လုံးဘာလုပ်ကြသလဲ? မတူညီတဲ့ အချက်တွေ အများကြီးရှိတယ်။ တူညီတဲ့အချက်တစ်ခုက စာအများကြီး ဖတ်ကြတယ်။ တစ်ကမ္ဘာလုံးကိုပဲ ကြည့်ကြည့်၊တရုတ်ကိုပဲ ကြည့်ကြည့် အတူတူပဲ။ သူတို့နဲ့ သက်ဆိုင်တဲ့နယ်ပယ်ပဲ မဟုတ်ဘူး။မသက်ဆိုင်တဲ့ နယ်ပယ်ကပါ လေ့လာတယ်။

စာဖတ်တိုင်းအောင်မြင်ရင်စာဖတ်တာကြိုက်လွန်းလို့ စာကြည့်တိုက်မှူးအလုပ်လုပ်တဲ့သူတွေ၊စာအုပ်ဆိုင်ဖွင့်ထားတဲ့သူတွေ “အကုန်”အရမ်းအောင်မြင်နေမှာပေါ့။ ကိုယ့်ရည်မှန်းချက်ကဘာလဲ၊ ဘာစာဖတ်လဲ၊ဘယ်လိုဖတ်သလဲ၊ဦးနှောက်ထဲဘယ်လောက်ဝင်လဲ၊ ဘယ်လောက်ပြန်အသုံးချလဲ၊ အသုံးချတဲ့အပေါ် ဘယ်လောက်ပြန်သုံးသပ်လဲ၊သုံးသပ်ပြီး အပြုအမူကိုဘယ်လိုပြန်ပြင်သလဲ။ ဒီအချက်တွေ အပေါ်မူတည်ပြီးကိုယ့်ရဲ့ ဘဝလားရာကွာသွားတာ။ စာဖတ်တယ်ဆိုတာ ကိုယ့်ရည်မှန်းချက်ရောက်အောင်သွားမည့်နည်းလမ်းကောင်းတွေ လိုက်ရှာတာ။ အမြင်သစ်တွေ လိုက်ရှာတာ။ လုပ်ရပ်အသစ်တွေ လုပ်ဖို့လိုက်ရှာတာ။ ဒါကတော့ သုတစာပေအတွက်။ဘယ်သူ့မှ စော်ကားလိုစိတ်မရှိပါ။ကျွန်တော့်အမြင်လေးပြောပြတာပါ။ Phyo Paing @ Derek