Relationship

ဆက်ဆံရေးတိုင်းမှာ ကိုယ်က သူ့ကိုလိုတာနဲ့သူက ကိုယ့်ကိုလိုတာ ဘယ်သူပိုများလဲကြည့်။ ပိုလိုတဲ့သူက အလျော့ပေးရမှာပဲ။ မျှတနေရင် ဒီဆက်ဆံရေးကတည်မြဲမှာပဲ။ မမျှတရင် တည်မြဲမှာမဟုတ်ဘူး။ ဒါက လူအချင်းချင်း ဆက်ဆံရေးတိုင်းမှာ အသက်တစ်ဝက်ရောက်လာတော့နားလည်လာတဲ့ သင်ခန်းစာတစ်ခုပဲ။ Phyo Paing @ Derek

အချစ်ရေးတင်မဟုတ်ဘူး။မိဘနဲ့ သားသမီးကြားဆက်ဆံရေးလဲပါတယ်။ဘဝ အရည်အသွေးတစ်ခုပဲ။ ကိုယ့်ကိုနားလည်တဲ့မိဘနဲ့ကိုယ့်ကိုနားမလည်တဲ့မိဘနှစ်ယောက်ကြားဖြတ်သန်းရတဲ့ဘဝပုံစံကတူမှာမဟုတ်ဘူး။ ကိုယ်က လောကုတ္တရာမှာ တရားမရသေးဘူး၊တစ်ယောက်တည်းနေ၊တစ်စိတ်တည်းမထားတတ်သေးဘူးဆိုရင်လူတွေနဲ့ဆက်ဆံရမှာပဲ။လူတွေနဲ့ပေါင်းသင်းဆက်ဆံမှုမပြုရရင်အထီးကျန်မှာပဲ။ Relationship ဆက်ဆံရေးတိုင်းကတစ်ယောက်နဲ့ တစ်ယောက်နားလည်မှုရှိရင် အရာရာဆိုပြေတယ်။ အရင်က ဒီ relationship လျှို့ဝှက်ချက်codes တွေကို မရှာဖွေနိုင်စဥ်ကနှစ်ပေါင်းများစွာ တိုင်ပတ်ခဲ့တယ်။ Relationship ဆိုတာ လူတွေနဲ့ဆက်ဆံရေးတည်ဆောက်ရတာဖြစ်တဲ့အတွက်လူ့အကြောင်း၊ လူ့သဘောမနော၊ ဖြတ်သန်းကြီးပြင်းလာတဲ့ ယဥ်ကျေးမှု၊ကမ္ဘာကြီးကိုမြင်တဲ့ပုံစံ mental model တန်ဖိုးထားမှု values နဲ့ တွန်းအားပေးတဲ့ motivation ခေါင်းထဲထည့်ထားတဲ့အတွေးအခေါ်၊ ယုံကြည်မှု၊ တုန့်ပြန်မှု ဒါတွေ အကုန်လုံးသိထားဖို့လိုနိုင်တယ်။တပြိုင်တည်းမှာ မိဘ၊ သားသမီး၊ သမီးရည်းစား၊ လင်မယားကတန်ဖိုးထားမှု၊ လောကအမြင်တွေတူရင်ဘယ်လောက်ခက်ခဲတဲ့ ဒုက္ခကြားဖြစ်ဖြစ်ဘဝအရည်အသွေး quality of life က ကောင်းနေမှာပဲ။ The quality of your relationship isthe quality of

လူတွေက အချစ်ကိုရှာတဲ့အခါငယ်ငယ်က ကိုယ့်စိတ်ကူးထဲမှာလိုချင်တဲ့ အဖေ ဒါမှမဟုတ် အမေရဲ့ပုံစံရှာတတ်ကြတယ်။ အိမ်မှာ ဒရာမာတွေ များလေလေ၊ဒရာမာတွေ များလေလေအချစ်ကို ကိုးကွယ်တတ်လေလေပဲ။ တချို့ အိမ်မှာ “စိတ်ပိုင်းဆိုင်ရာ လိုအပ်ချက်အရမ်းပြည့်စုံတော့”အချစ်ဆိုတာ အရမ်းမတောင့်တ တတ်ကြဘူး။ တချို့က အကုန်လုံးပြီးပြည့်စုံနေလဲ“စိတ်ပိုင်းဆိုင်ရာ လိုအပ်ချက် မပြည့်စုံတဲ့အခါ”အချစ်ကို ပိုကိုးကွယ်တတ်ကြတယ်။ ဘာကြောင့်လဲဆိုတော့လူတိုင်း ကမ္ဘာလောကထဲကိုမျက်စိသူငယ်နားသူငယ်နဲ့ ရောက်လာပြီးအားကိုးရှာတဲ့အခါအဖေ ဒါမှမဟုတ် အမေ၊အဒေါ်တို့ဆီက အားကိုးမှုယူကြတယ်။ ဒီပေါ်မှာ မူတည်ပြီး လောကကို မြင်တဲ့ အမြင်တွေ ဖြစ်လာတတ်တယ်။နောက်မိဘ၊ အဘိုးအဘွားရဲ့မျိုးရိုးဗီဇကလဲ ပါမယ်။ လူတွေရဲ့ စိတ်က ထူးဆန်းတတ်တယ်။ မသိမသာ လေ့လာကြည့်ရင်လူတွေမှာ သူတို့ ပြောနေတဲ့ပုံပြင်တွေရှိတတ်တယ်။ တချို့က အမြဲ ခံရတဲ့ဖက်ကကြီး။ တချို့က အမြဲ ကြေကွဲနေတယ်။တချို့က အမြဲ တက်ကြွနေတယ်။တချို့က အချစ်နဲ့စတွေ့ရင် အရမ်းတက်ကြွ။နောက်ပိုင်း အကြောင်းစုံသိလာတဲ့အခါတက်ကြွမှုတွေ နည်းလာတယ်။