People

၁။ နာစီဆစ် (Narcissist)ကိုယ့်ကိုယ်ကိုယ် အရမ်းကြီးထင်တခြားသူတွေကို အထင်သေးကိုယ့်အမှားကို လက်မခံတတ် ၂။ ဘော်ဒါလိုင်း (Borderline)စိတ်ခံစားမှု အရမ်းပြင်းထန်ဆက်ဆံရေးတွေ မတည်မငြိမ်ဖြစ်အလွန်အကျွံ တုန့်ပြန်တတ် ၃။ လူမှုဆန့်ကျင် (Antisocial)လူ့ကျင့်ဝတ်တွေ ဂရုမစိုက်စာနာမှု ကင်းမဲ့လိမ်ညာလှည့်ဖျားတတ် ၄။ ပါရာနွိုက် (Paranoid)သံသယအရမ်းများလူတိုင်းကို မယုံကြည်အမြဲတမ်း ခြိမ်းခြောက်ခံရသလို ခံစား ၅။ ဟစ်စထရီယွန်းနစ် (Histrionic)အာရုံစိုက်မှု အမြဲလိုချင်အရမ်းဒရာမာဆန်လူတွေရဲ့ အာရုံကို ဆွဲဆောင်ဖို့ ကြိုးစား “ဘူကောင်တွေ တွေးနည်း” ၁။ အဖြူ-အမဲ တွေးခြင်း – အလယ်အလတ်မရှိ။ ကိုယ်ပဲမှန်၊ သူများအမှားလို့ မြင်။ ၂။ စိတ်ခံစားမှု မထိန်းနိုင် – အခြေအနေနဲ့ မကိုက်လောက်အောင် ပြင်းထန်စွာ တုံ့ပြန်။ ၃။ အစွန်းရောက်အပြုအမူ – နှုတ်ဖြင့်ထိခိုက်စေခြင်း၊ မဟုတ်မမှန်စွပ်စွဲခြင်း၊ အများရှေ့အရှက်ခွဲခြင်း၊ တရားစွဲခြင်းတို့ […]

ရောင်းတာဝယ်တာ တတ်တဲ့သူကအရောင်းအဝယ်နဲ့ ငွေရှာတယ်။လူကြောနပ်လွန်းတဲ့သူကအပေါင်းအသင်းနဲ့ ငွေရှာတယ်။ ချိပ်ဆက်တတ်သူက ပွဲစားလုပ် ငွေရှာတယ်။ အသစ်တွေ ဖန်တီးတတ်သူကဖန်တီးမှုနဲ့ ငွေရှာတယ်။ လူတိုင်းမှာ အရင်းအနှီးအတွေရှိတယ်။ ငွေကြေးအရင်းအနှီး။မိတ္တဗလအရင်းအနှီး။ဥာဏ အရင်းအနှီး။ ကိုယ်က ဘယ်အရင်းအနှီးတွေသုံးနေလဲ။ သုံးနေတဲ့ အရင်းအနှီးကို ပိုကြီးအောင်လုပ်ဖို့လိုနိုင်တယ်။ Phyo Paing @ Derek

အချိန်အများစု ခံယူချက်နဲ့ အလုပ်လုပ်တဲ့သူ။နောက်တစ်မျိုးက ခံစားချက်နဲ့ပဲ အသားပေးအလုပ်လုပ်တဲ့သူ။ ရေရှည်တိုးတက်ချင်တယ်ဆို ကိုယ့်အလုပ်ကိုခံယူချက်နဲ့လုပ်ဖို့လိုတယ်။ ခံယူချက်နဲ့အလုပ်လုပ်တဲ့အခါပျင်းရိတာ၊ငြီးငွေ့တာ၊မလုပ်ချင်မကိုင်ချင်ဖြစ်တာ၊ အချိန်ဆွဲတာ၊ ပြဿနာတွေပဲထိုင်ပြောနေတာ၊ဇွဲမရှိတာ၊ မဖြစ်နိုင်တာတွေပဲထိုင်စဥ်းစားနေတာ၊တခြားသူကို အပြစ်တင်ချင်စိတ်ဖြစ်တာဒါတွေနည်းလာမယ်။ ဘဝကို အထာကျကျဖြတ်သန်းဖို့ကခံယူချက်က ခံစားချက်ထက်ကျော်လွန်ဖို့လိုတယ်။ ရတောင့်ရခဲ ခြေလက်အစုံအကြား၊ အမြင်၊ ဥာဏ်၊ငယ်ရွယ်နုပျိုမှု ရရှိထားတဲ့ လူ့ဘဝကို တန်ဖိုးထားခြင်း။အချိန်ကို တန်ဖိုးထားခြင်း။ ကိုယ့်ကိုယ်ကိုယ်လေးစားခြင်း။ ပြဿနာကို အဖြေရှာတတ်ခြင်း။အကောင်အထည်ဖော်မှုသေသပ်ခြင်း။အလုပ်ကြိုးစားခြင်း။ အမြဲမပြတ်သင်ယူမှုရှိခြင်း။ ဘဝရဲ့ ခံယူချက်က ခံစားချက်တွေရဲ့အရင်လာဖို့ အရေးကြီးတယ်။ Phyo Paing @ Derek

ကိုယ့်ထမင်းကျွေးအလုပ်ကို တာဝန်ကျေရမယ်။ ကိုယ့်အသက်မွေးဝမ်းကျောင်းအလုပ်ကိုနေ့စဥ် နှစ်နာရီလောက်တော့ လေ့လာရမယ်။ကိုယ်လုပ်တဲ့အလုပ်မှာ တစ်ဖက်ကမ်းခပ်ကျွမ်းကျင်ရမယ်။ ဘာအလုပ်ပဲ လုပ်လုပ် သာမန်ဆိုတာ ကျဆုံးမှုလို့ပဲခံယူတယ်။ လောဘအစွန်းနဲ့ ဒေါသအစွန်းမရောက်ဖို့ဗုဒ္ဓရဲ့အဆုံးအမဖြစ်တဲ့ “မဇ္ဈိမပဋိပဒါ” ကို သာမန်ဘဝမှာပဲနေလို့ အဓိပ္ပာယ်ဖွင့်မှားတတ်ကြတယ်။ ကွန်ဖြူးရှပ်ယဥ်ကျေးမှုနဲ့ကြီးလာတော့အလုပ်ကို တန်ဖိုးထားရမယ်။ပညာကို လေ့လာလိုက်စားရမယ်။ကြီးသူကိုရိုသေရမယ်။ ကိုယ်အသက်ရှင်နေတဲ့အချိန်ကိုယ့်ဘေးနားကလူတွေ အကျိုးရှိရမယ်။ ကိုယ့်အမျိုးကိုချစ်ရမယ်။ ဒီ အဆုံးအမနဲ့ ကြီးလာတယ်။ လူတွေရဲ့ တန်ဖိုးထားမှုအရေးကြီးတယ်။ ဘိုးဘွားတွေကလဲ ဒီလိုပဲလက်ဆင့်ကမ်းဆုံးမလာကြတယ်။ Phyo Paing @ Derek

လူတွေကို စိတ်ဒုက္ခအပေးဆုံးစကားလုံးတစ်လုံးက“အရင်တုန်းကလို”။ ကယ်တင်တဲ့စကာလုံးတစ်ခုက“ဘာပဲဖြစ်ဖြစ်”။ Phyo Paing @ Derek

ဘယ်နေရာရောက်ရောက်လူတွေ ကိုယ့်ကိုကူညီစေချင်ရင်အထာနပ်ဖို့လိုတယ်။လူတိုင်းက လူတွေရဲ့အကူအညီလိုတာပဲ။ ပြောတဲ့စကားလုံး။လေယူလေသိမ်း၊ကိုယ်နေဟန်ထား၊ယဉ်ကျေးမှုနဲ့ အထာအထူးအရေးကြီးတယ်။ လူတွေကြား လူဝင်ဆံ့ဖို့တော်တော်ကြိုးစားရပြန်တယ်။ Phyo Paing @ Derek

သူတို့ ငယ်ဘဝ ဖြတ်သန်းမှုကို ပြန်ကြည့်။ ကြမ်းတမ်းတဲ့ဘဝ ဖြတ်သန်းလာတာချင်းတူရင်တောင် အဓိပ္ပာယ်ဖွင့်ဆိုမှုချင်းမတူကြဘူး။ ဘယ်အရာက ကွာသွားစေသလဲ။ သူတို့ရဲ့ ရှင်သန်မှု မဟာဗျူဟာ။ တချို့တွေက လိုချင်တာရဖို့လူတွေအပေါ် nice ဖြစ်ရတယ်။ဆက်ဆံရေးကောင်း လူတွေလိုအပ်ချက်နားလည်ရတယ်။ဒီတော့ social ကောင်းသူကြီးတွေဖြစ်လာတယ်။ တချို့က လူတွေအပေါ်ကောင်းလို့မရဘူး။ချီကျမှ ရတယ်။ ညစ်မှ ရတယ်။ လွယ်လွယ်နဲ့ ပေးမှာ မဟုတ်ဘူး။အညစ်ကြီးတွေ ဖြစ်လာတယ်။ တချို့က လိုချင်တာရဖို့ တခြားသူတွေကို ဂရုအရမ်းစိုက်နေရင်ခံစားချက်တွေများပြီး အလုပ်မလုပ်နိုင်ဘူး။ကိုယ့်ဘဝ ကိုယ်တိုင်တည်ဆောက်မှရတာ။ တချို့က သတင်းတွေ ထိန်းချန်ထားမှရတာ။အကုန်ပေးမသိနဲ့။ မလိမ့်တပတ်လုပ်။ တချို့က တောက်ပထူးချွန်ပြမှရမှာ။ဒါမှ လူတွေငါလိုချင်တာပေးမှာ။ တချို့က ကိုယ်က စိတ်ဓာတ်ကျပြမှလူတွေ ဂရုစိုက်မှာ။ တချို့က လူတွေကို ကူညီမှ လူတွေကို ကိုယ့်ကိုချစ်မှာ။ လူတွေက ဘဝဂိမ်းကို မတူညီတဲ့ မဟာဗျူဟာတွေနဲ့ ပလေးနေကြတယ်။