Energy

တချို့လူတွေကအမြဲတက်ကြွနေတယ်။ တချို့ကျ နွမ်းနယ်နေတယ်။အိပ်ချိန်တူရင်တောင် စွမ်းအင်မတူကြဘူး။ စွမ်းအင်က ဘဝတည်ဆောက်ရေးအတွက်အခရာကျပါတယ်။ စွမ်းအင် = (ဇီဝဗေဒ × စိတ်ပညာ × ပတ်ဝန်းကျင်)လို့အကြမ်းမှတ်လို့ရနိုင်တယ်။ ကိုယ်ဘယ်လိုစားသောက်တယ်၊ဘယ်လောက်ကြာကြာအိပ်စက်တယ်ဒီနှစ်ခုနဲ့ပဲဆိုင်တာမဟုတ်ပါဘူး။ ကိုယ့်ခန္ဓာကိုယ်၊ စိတ်နဲ့ ပတ်ဝန်းကျင်ဒီသုံးခု အလုပ်လုပ်ပုံပေါ်မူတည်ပါတယ်။ 🧬 ဇီဝဗေဒ (Biology) ကိုယ့်ရဲ့ ဇီဝကမ္မဖြစ်စဉ်၊ ဟော်မုန်းတွေ၊ အာဟာရနဲ့ လှုပ်ရှားမှုတွေက ကိုယ့်ရဲ့ ရုပ်ပိုင်းဆိုင်ရာ စွမ်းအင်အခြေခံကို ဖန်တီးပေးတယ်။ 🧠 စိတ်ပညာ (Psychology) ကိုယ့်ရဲ့ စိတ်ခံစားမှု၊ အာရုံစိုက်မှုနဲ့ ရည်ရွယ်ချက်ရှိရှိ နေထိုင်မှုတို့က စွမ်းအင်တွေ စီးဆင်းစေနိုင်သလိုယိုစိမ့်ပျောက်ကွယ်သွားစေနိုင်ပါတယ်။ 🌍 ပတ်ဝန်းကျင် (Environment) ကိုယ့်ပတ်ဝန်းကျင်က လူတွေ၊ နေရာ၊ အလင်းရောင်နဲ့ အသံတွေက ကိုယ့်ကို အားပြန်ဖြည့်ပေးနိုင်သလို၊ ကိုယ့်စွမ်းအင်တွေကို ကုန်ခန်းသွားအောင်လည်း လုပ်နိုင်ပါတယ်။ စွမ်းအင်ပြည့်ဝ နိုးကြားတက်ကြွဖို့သေချာ

ကိုယ့်ကိုကိုယ်ပြောတဲ့စကားလုံးသူများကိုပြောတဲ့ စကားလုံးတွေကလဲအင်နာဂျီစွမ်းအင်ပဲ။ ဒါက ဝဇီကံ။ ကိုယ်နေ့စဥ်လုပ်တဲ့အလုပ်တွေကလဲအင်နာဂျီ စွမ်းအင်တွေပဲ။ ဒါက ကာယကံ။ တခါတလေ အလုပ်ကြောင့်ပင်ပန်းတာမဟုတ်ဘူး။အတွေးအကြောင့်ပင်ပန်းတာ။ တခါတလေ အလုပ်ကြောင့်ပင်ပန်းတာမဟုတ်ဘူး။စကားလုံးတွေကြောင့်ပင်ပန်းတာ။ တခါတလေ အလုပ်ကြောင့်ပင်ပန်းတာမဟုတ်ဘူး။ကိုယ်နဲ့သဟဇာတမဖြစ်တဲ့အလုပ်လုပ်နေရလို့ပင်ပန်းတာ။ ဒီကံသုံးပါးကို တစ်သားတည်းဖြစ်ဖို့၁။ မှန်ကန်တဲ့အမြင် ၂။ မှန်ကန်တဲ့ အတွေးအာရုံ ရည်ရွယ်ချက်၃။ မှန်ကန်တဲ့အပြောအဆို ၄။ မှန်ကန်တဲ့ အလုပ်၅။ မှန်ကန်တဲ့ အသက်မွေးမှု၆။ မှန်ကန်တဲ့ အားထုတ်မှုဝိရိယ၇။ မှန်ကန်တဲ့ သတိ၈။ မှန်ကန်တဲ့ သမာဓိ ဒီရှစ်ချက်နဲ့ ဘဝကိုနေထိုင်ဖို့ ဗုဒ္ဓက မဂ္ဂင်ရှစ်ပါးမှာ ဟောကြားခဲ့တယ်။ မှန်ကန်တဲ့အမြင်ဆိုတာ ဘဝမှာ စိတ်ဆင်းရဲခြင်း၊ ကိုယ်ဆင်းရဲခြင်းတွေရှိတယ်။ ဒါက တပ်မက်မှုငါအစွဲကြောင့်ဖြစ်တယ်။ဒီဒုက္ခက လွတ်မြောက်လို့ရတယ်။ ဒါကို နိဗ္ဗာန်လို့ခေါ်တယ်။ဒါကို မဂ္ဂင်ရှစ်ပါးနဲ့သွားတယ်။ ဒါကိုနားလည်နှလုံးသွင်းနိုင်တာကိုမှန်ကန်တဲ့အမြင်လို့ခေါ်တယ်။ မှန်ကန်တဲ့ရည်ရွယ်ချက်ဆိုတာ တခြားသူတွေကို ဒုက္ခရောက်အောင်မကြံစည်ပဲ မေတ္တာဂရုဏာထားခြင်းနဲ့ဘဝကိုနေထိုင်တာကိုဆိုလိုတယ်။ မှန်ကန်တဲ့ အပြောအဆိုဆိုတာ