Vision

အမြင်မတူရင် အမြင့်မတူဘူး။လူတိုင်း ကမ္ဘာကြီးကိုမြင်တဲ့model of the world ရှိတယ်။ အဖြစ်အပျက်တွေကိုဘယ်လို အဓိပ္ပာယ်ဖွင့်မလဲ။ဘယ်လို ခံစား၊ ဆုံးဖြတ်မလဲ။ဘာတွေလုပ်ဆောင်မလဲ။ဒါတွေက လူတစ်ယောက်ရဲ့လောကအမြင်အပေါ်မှာ မူတည်တယ်။ ကိုယ့်ခေါင်းထဲလည်ပတ်နေတဲ့လောက အမြင်ကို ပြောင်းနိုင်ဖို့ကအတွင်းကိုပြန်ကြည့်နိုင်စွမ်း introspection လိုတယ်။ဒါမှပဲ ကိုယ့်ကိုကိုယ် သတိပြုမိမှာ။ ကိုယ့်ကိုကိုယ် သမ္မဓိဌာန်ကျကျပြန်လည်မသုံးသပ်နိုင်တဲ့သူတွေကစိတ်ညစ်စရာကို ရှောင်လွဲတတ်သူတွေဖြစ်တတ်ကြတယ်။ စိတ်ညစ်စရာရှိရင်စိတ်ပူလိုက်တာ၊ စိတ်ညစ်လိုက်တာ၊ငါ့ကို ဒါတွေပဲပြောနေတော့မှာလား၊ဒါငါ့ကို မပြောနဲ့တော့ဒီစကားလုံးတွေနဲ့ ရှောင်ဖယ်တတ်ကြတယ်။​ ကိုယ့်အမြင်ကို မပြောင်းနိုင်ရင်အမြင့်ကို မပြောင်းနိုင်ဘူး။ လူဆိုတာ စွမ်းအားရှိတဲ့သတ္တဝါပါ။ဒါပေမယ့် ကိုယ့်အတွေးကိုယ်မပြောင်းနိုင်ရင်ခံစားချက်ကို မပြောင်းနိုင်ဘူး။ခံစားချက်မပြောင်းနိုင်ရင်လုပ်ရပ်ကို မပြောင်းနိုင်ဘူး။လုပ်ရပ်မပြောင်းနိုင်ရင်ရလဒ်မပြောင်းနိုင်ဘူး။ရလဒ်မပြောင်းရင် ဘဝမပြောင်းဘူး။ ရောက်နေတဲ့အမြင့်ကိုပြောင်းနိုင်ဖို့လိုအပ်လာရင် ကိုယ့်အမြင်ကိုပြောင်းနိုင်ဖို့လိုတယ်။ Phyo Paing @ Derek

Risk အန္တရာယ်ကို မြင်တဲ့ကျွန်တော့်အမြင်လေး နည်းနည်းပြောကြည့်မယ်။ လုပ်သင့်တဲ့အချိန် လုပ်သင့်တဲ့အရာမလုပ်လိုက်မိတာက အန္တရာယ်ပဲ။ မလုပ်သင့်တဲ့အချိန် မလုပ်သင့်တဲ့အရာကို လုပ်လိုက်မိတာကလဲ အန္တရာယ်။ မထင်မှတ်ထားတဲ့အရာက မထင်မှတ်ထားတဲ့နေရာကမထင်မှတ်ထားသလို ဖြစ်လာတာကလဲအန္တရာယ်။ အန္တရာယ်ဆိုတာ ကိုယ်သတိမထားမိမပြင်ဆင်လိုက်လို့ ကြိုတင် မလုပ်ဆောင်မိလို့ဖြစ်လာတဲ့အရာ။ လူမှုကွန်ယက် social media ခေတ်မှာသူ့ကို လုပ်ငန်းအတွက် သုံးလိုက်တာကမသုံးလိုက်တာထက် အန္တရာယ်ပိုနည်းတယ်။ အလားတူပဲ အနာဂတ်မှာအန္တရာယ်တွေ အများကြီးရှိတယ်။ပထမတစ်ခုက ငွေကြေး၊ ဒုတိယတစ်ခုက နည်းပညာ။ ငွေကြေးအနေနဲ့ကြည့်မယ်ဆို ငွေကြေးဖောင်းပွမှုနှုန်းဆိုတာ နိုင်ငံသားတိုင်းအတွက် အခွန်တစ်ခုပဲ။ သွယ်ဝိုက်ပြီးပေးနေရတဲ့ အခွန်။ နိုင်ငံကြီးတွေအတွက် ငွေကြေးဆိုတာ ထုတ်ကုန်၊ ပို့ကုန်တစ်ခုဖြစ်လာနေတယ်။ ကမ္ဘာကြီးက အမေရိကန်ဦးဆောင်တဲ့နောက်လိုက်ရတယ်။ခုနောက်ပိုင်း တရုတ်ကနည်းနည်းနေရာရလာတော့ဒေါက်ဖြုတ်တဲ့အချိန်။ အမေရိကန်ရဲ့အကြွေးက $38 trillion ရှိတယ်။တစ်ပတ်ကို $50 billion ချေးနေရတယ်လို့ဆိုတယ်။ အမေရိကန်အစိုးရက တစ်နှစ်အသုံးစရိတ် ဒီနှစ် ၂၀၂၅

ဘဝမှာ အခက်အခဲဆုံးက ကိုယ့်ရဲ့အထင်အမြင်၊အိုင်ဒီယာနဲ့ခံစားချက်တိုင်းကို အမှန်လို့မထင်လိုက်ဖို့ပဲ။ အချိန်နဲ့အမျှ အတွေးအခေါ်၊အိုင်ဒီယာ၊ အထင်အမြင်၊ ခံစားချက်တွေက လူကိုလွမ်းမိုးနေတယ်။ တခါတလေ ဒါကြီးကို အလုံးစုံအမှန်တရားလို့ထင်လိုက်တဲ့အခါလူက မောဟတွေများနေနိုင်တယ်။ လောကမှာ ကိုယ်ထင်တာကိုယ်ထင်တာပဲ။ရလဒ်ကပဲ ကိုယ်ထင်တာ မှန်တယ်မှားတယ်အဆုံးအဖြတ်ပေးတာ။ Phyo Paing @ Derek

အမြင့်မတူရင်အမြင်မတူနိုင်ဘူး။ စာတော်တဲ့ကလေး စာအပေါ်အမြင်နဲ့ချာတူးလန်ရဲ့အမြင် မတူနိုင်ဘူး။ Phyo Paing @ Derek