မနက်ထတိုင်းမေးတဲ့မေးခွန်းတစ်ခုကမနေ့က ငါလုပ်ခဲ့တဲ့ဂုဏ်ယူတဲ့အရာတစ်ခုဆိုဘာများဖြစ်မလဲ။ နေ့စဥ် ကိုယ်ဂုဏ်ယူတဲ့အလုပ်တွေလုပ်ရင်ကိုယ့်ရဲ့ ဖြစ်တည်မှုကိုလဲဂုဏ်ယူလာမယ်။ Phyo Paing @ Derek
မနက်ထတိုင်းမေးတဲ့မေးခွန်းတစ်ခု Read More »
အကောင်းဆုံး မော်တီဗေးရှင်းကအောင်မြင်မှုပဲ။ အောင်မြင်လေလေပိုတက်ကြွပြီး အလုပ်လုပ်ချင်လေလေ။ စာတော်တဲ့သူတွေက ပိုတော်ပြီးငွေရှိတဲ့သူတွေက ငွေပိုရှာချင်တယ်။ ပါဝါရှိပြီးသူတွေက ပါဝါပိုရှိချင်တယ်။ ကားအကောင်းကြိုက်တဲ့သူတွေကကားအကောင်းပိုရချင်တယ်။ လူတွေက အောင်မြင်မှုအရသာတွေ့သွားရင်မော်တီဗေးရှင်းဆိုတာ အလိုလိုဖြစ်လာတယ်။ ခက်တာက ဒီအောင်မြင်မှုအရသာကိုစတွေ့ဖို့ကလဲ မော်တီဗေးရှင်းကလိုပြန်တယ်။ ဒါကြောင့် အစပဲခက်တာ။အောင်မြင်မှုလမ်းကြောင်းတစ်ခုတွေ့လေလေပိုလွယ်လာလေေပဲ။ Phyo Paing @ Derek
အကောင်းဆုံး မော်တီဗေးရှင်းက
အောင်မြင်မှုပဲ။ Read More »
ကိုယ်နဲ့မထိုက်တန်သေးတာကိုလိုချင်တဲ့အခါနာကျင်မှုဖြစ်တတ်တယ်။ ဒီနာကျင်မှုကို ကိုင်တွယ်နိုင်ပြီးအဖြေရှာနိုင်ရင်ထိုက်တန်သွားလိမ့်မယ်။ ကိုယ်ချစ်တဲ့သူကကိုယ်နဲ့ ဘဝအခြေအနေကွာနေတာမျိုးဖြစ်ရင်ဖြစ်မယ်။ ကိုယ်လိုချင်တဲ့အိမ်မက်ကကိုယ့်ထက်အရမ်းမြင့်နေတာဖြစ်ရင်ဖြစ်မယ်။ ဒီခါးသီးမှုတချို့ကိုခါးဆီးခံပြီးအခိုက်အတန့်တွေကိုအကောင်းဆုံးခိုင်းနိုင်ရင်အခွင့်အခါကောင်းတွေဖြစ်လာမှာပဲ။ ဘဝမှာ ကိုယ်နဲ့မထိုက်တန်တာတွေကိုထိုက်တန်အောင်လုပ်ခဲ့ဖူးတယ်။ ကျန်းမာကြံ့ခိုင်ရေး၊အလုပ်စီးပွား၊အချစ်၊ မိသားစု၊အသိုင်းအဝိုင်း၊တိုးတက်မှုတွေ။ မထိုက်တာတွေထိုက်တန်လာအောင်အခိုက်အတန့်တော့နာကျင်မှုတွေနဲ့ခဏလောက် နေရနိုင်တယ်။ဒါက ခဏတာပါပဲ။ Phyo Paing @ Derek
ကိုယ်နဲ့မထိုက်တန်သေးတာကို
လိုချင်တဲ့အခါ
နာကျင်မှုဖြစ်တတ်တယ်။ Read More »
တချို့လူတွေကိုသင်ပေးဖို့အခက်ဆုံးအရာကသင်က အကောင်းဆုံးနဲ့ထိုက်တန်တယ်။ ဒီအတွေးအခေါ်ကိုတော်တော်လေးသင်ပေးရခက်တယ်။ ငွေကြေးဘယ်လောက်ရှိရှိတချို့လူတွေအတွက်အကောင်းနဲ့မထိုက်တန်ဖူးလို့အမြဲတွေးနေတတ်တဲ့သူတွေရှိတယ်။ အဲ့လိုလူတွေအတွက်ကိုယ်ရှာပြီး ကိုယ်မသုံးလိုက်ရတာမျိုးတွေအမြဲဖြစ်တတ်တယ်။ ဘဝကို ကောင်းကောင်းဖြတ်သန်းဖို့ကိုယ့်ကိုကိုယ် အကောင်းဆုံးနဲ့ထိုက်တန်တယ်ဆိုတာအမြဲယုံကြည်ထားဖို့လိုတတ်တယ်။ ကိုယ့်ကိုကိုယ် ဆုလာဘ်လို့မြင်ပြီးအဲ့လိုဖြစ်အောင်လဲနေ့တိုင်းပြုမူနေထိုင်ဖို့လိုတယ်။ “သင်ဟာ တခြားသူတွေအတွက်ဆုလာဘ်တစ်ခုပဲ။” Phyo Paing @ Derek
“သင်ဟာ တခြားသူတွေအတွက်
ဆုလာဘ်တစ်ခုပဲ။” Read More »
ဘဝမှာ ဒုက္ခအပေးဆုံးစကားလုံးက“အရင်လို”။အားရှိစေမည့်စကားလုံးက“အရင်ထက်”။ ငါအရင်လို ပြန်ဖြစ်ချင်တယ်ဆိုပစ္စုပ္ပန်က အတိတ်လောက်ပျော်စရာမကောင်းတော့လို့။ “အရင်လို” ကို “အရင်ထက်”နဲ့အစားထိုးလိုက်။ Phyo Paing @ Derek
“အရင်လို” ကို “အရင်ထက်”နဲ့
အစားထိုးလိုက်။ Read More »
လူအများစုကနေ့စဥ်လုပ်နေကျ၊ သွားနေကျ၊ဝေယျာဝိစ္စတွေနဲ့အသက်ရှင်နေပေမယ့်အသက်မဝင်နေဘူး။ အသက်ရှင်ပြီးအသက်ဝင်တဲ့အချိန်တချို့ရှိတတ်ကြတယ်။ အရမ်းလိုချင်တဲ့ ပစ္စည်းလေးရလိုက်တဲ့အချိန်။အချစ်နဲ့ တွေ့တဲ့အချိန်။လုပ်ငန်းအသစ်စတဲ့အချိန်။မထင်မှတ်ထားတဲ့ ဒုက္ခကြီးကြီးကြုံတဲ့အချိန်။လောကမှာ အရင်မမြင်နဲ့အရာကိုနားလည်သဘောပေါက်သွားတဲ့အချိန်။ကိုယ့်ကိုကိုယ် ပိုပိုနားလည်သဘောပေါက်လာတဲ့အချိန်။ ဒီအချိန်တွေဟာအသက်ရှင်ပြီး အသက်ဝင်စေတယ်။ ပတ်ဝန်းကျင်အခြေအနေဆိုးတာဖြစ်ဖြစ်၊ ကောင်းတာဖြစ်ဖြစ်အသက်ရှင်ပြီး အသက်ဝင်နေသူတွေရှိတယ်။ ကိုယ်အခု အသက်မငင်ရပဲအသက်ကို ဝဝလင်လင် ရှူနေရတာဒါဆန်းကြယ်မှုတစ်ခုပဲ။မျက်စိတွေမြင်နေရတာဒါကောင်းချီးတစ်ခုပဲ။နာတာရှည်ရောဂါတွေနဲ့မဖြစ်ဘဝကို ကျန်းမာနေတာဒါကျေးဇူးတင်စရာတစ်ခုပဲ။ အသက်ရှင်ပြီး အသက်ဝင်ဖို့ဖြတ်လမ်းတစ်ခုကတော့ကျေးဇူးတင်စိတ်နဲ့ ဘဝကိုအသက်ရှင်တာပဲ။ စေတသိတ် ၅၂ ပါးမှာသောဘဏသာဓာရဏစေတသိတ်ရဲ့သဒ္ဓါ (ယုံကြည်မှု)နှင့်အဒေါသ (မပြင်းထန်မှု) စေတသိတ်နှစ်ခုပေါင်းစည်းမှုလို့ပြောလို့ရတယ်။ ကျေးဇူးတင်စိတ် gratitude ကစိတ်ကို ကြည်လင်စေတယ်။ကောင်းမွန်သော အကျိုးရလဒ်ကို ဖြစ်ပေါ်စေတယ်။မွန်မြတ်သော စိတ်နေစိတ်ထားကို ဖော်ပြတယ်။ သိပ္ပံပညာအရလဲ ကျေးဇူးတင်စိတ်ကဦးနှောက်မှာ ဒိုပါမင်းနဲ့ ဆီလိုတိုနင်ထုတ်လောက်မှုကိုနှိုးဆွပေးတယ်။ကျေးဇူးတင်တတ်တဲ့စိတ်ကစိတ်ကို ကြည်လင်းနှိုးကြားစေတယ်။အသက်ရှင်ပြီး အသက်ဝင်စေတယ်။ ဒါကြောင့် ကျေးဇူးတင်တတ်တဲ့စိတ်ထားပါ။ Phyo Paing @ Derek
ကျေးဇူးတင်တတ်တဲ့စိတ်ထားပါ။ Read More »
ကိုယ့်ကိုကိုယ် အားမရဘူးဆိုတာ၁။ အတွေး၂။ အကြံ၃။ အလုပ်တစ်သားတည်းမကျလို့။ တွေးတာ၊ ကြံတာ၊ လုပ်တာတစ်သားတည်းကျရင်အားရသွားလိမ့်မယ်။ Phyo Paing @ Derek
ရွေးချယ်မှုက ကြိုးစားမှုထက်အရေးပိုကြီးတယ်။အရှေ့အရပ်သွားချင်ပြီးအနောက်အရပ်ကိုပြေးနေရင်ခရီးတွင်မှာ မဟုတ်ဘူး။ နေတဲ့နေရာ၊လုပ်တဲ့အလုပ်၊အပေါင်းအသင်း၊ခေါင်းထဲထည့်တဲ့အတွေး၊ အကြံ၊နေ့စဉ်လုပ်တဲ့အလုပ်ရွေးချယ်မှုတွေမှန်ဖို့လိုတယ်။ Phyo Paing @ Derek
ရွေးချယ်မှုတွေမှန်ဖို့လိုတယ် Read More »
ကိုယ့်ဘဝ၊ အလုပ်စီးပွါးပြဿနာကိုယ်ဖြေရှင်းနိုင်သလောက်ပဲတိုးတက်မှာပဲ။ကိုယ့်ပြဿနာကိုယ် မဖြေရှင်းနိုင်တာမတွေးတတ်၊ မကြံတတ်၊ မလုပ်တတ်သေးလို့။ဒါကြောင့် သင်၊ မြင်၊ ပြင်ဖို့လိုတာ။သင်ယူ၊ အမြင်ဖွင့်၊ ပြင်သင့်ရင်ပြင်။ Phyo Paing @ Derek
သင်၊ မြင်၊ ပြင်ဖို့ Read More »
ဘဝကြီးအထာကျတယ်ဆိုတာဒုက္ခမရှိတာ မဟုတ်ဘူး။ဒုက္ခအပေါ်မြင်တဲ့အမြင်ပြောင်းသွားတာ။ဘဝဆိုတာ ရှိနေသမျှဒုက္ခက ရှိနေမှာပဲ။လိုချင်တာကို ရအောင်ယူနိုင်တဲ့အစွမ်းအစရှိတဲ့အခါဒုက္ခက နည်းသွားမယ်။ဒါကြောင့် ဘဝမှာ အစွမ်းအစတွေတိုးတက်နေဖို့ နေ့စဉ်သတိပြုဖို့လိုတယ်။ Phyo Paing @ Derek
အစွမ်းအစတွေ တိုးတက်နေဖို့ နေ့စဉ်သတိပြုဖို့လိုတယ် Read More »
