နေ့စဥ် “တော်၊ ပျော်၊ ပွား၊ ပေး”။

တစ်နှစ်ကို ဝင်ငွေ ဒေါ်လာ ၁ သိန်း
ဒီအထိက
ဝင်ငွေတိုးတက်လာလေ ပျော်လေလို့
သုတေသနအများစုက
တွေ့ရှိထားကြတယ်။

ဒီထက်ကျော်သွားတဲ့အခါ
များများတိုးတက်သလောက်
များများပျော်တာနည်းသွားတယ်။
ဒါကို diminishing return လို့ခေါ်တယ်။

ဒါက ဝင်ငွေများတဲ့
high income economy တွေမှာ။

တချို့ social democracy ကျင့်သုံးတဲ့
Finland (ဖင်လန်), Denmark (ဒိန်းမတ်),
Norway (နော်ဝေ) နှင့် Sweden (ဆွီဒင်)
Scandinavian နိုင်ငံတွေက
လူနေမှုအဆင့်အတန်း အမြင့်မားဆုံးထဲပါပြီး
ပျော်ကြတယ်။

မြန်မာနိုင်ငံအတွက်ဆိုရင်
အခြေခံစားဝတ်နေရေးအတွက် $250
အလယ်အလတ်ဆို $500 – $1000
ပေါပေါများများနေဖို့ဆို $2500
တစ်နှစ် $20000 – $30000 လောက်လိုတယ်။

ပျော်ရွင်မှုကို အထူးခံစားဖို့ အမှတ်တွေက
မြန်မာအတွက်
$30,000
ထိုင်းအတွက်ဆို တစ်နှစ်
$60,000 USD
မလေးအတွက်ဆို
$70,000
ဂျပန်အတွက်ဆို
$100,000
စလုံးအတွက်ဆို
$120,000 လိုတယ်။

သံသရာတစ်ကွေ့ ဒီတစ်နေ့မှာ
အသက်လာရှင်တာ
လူတွေကို အသက်ရှင်ပြီး
အသက်ဝင်ချင်တယ်။

ဒီလိုဖြစ်ဖို့ အရေးကြီးတာ
ပျော်ရွင်မှု။

ပျော်ရွင်မှုအတွက်
အခြေခံစားဝတ်နေရေးနဲ့
ဘဝမှာ ရွေးချယ်နိုင်ခွင့်တစ်ခုလိုတယ်။

ဒါကြောင့်လဲ အလုပ်လုပ်
ငွေကြေးအတွက် ငွေရှာရတယ်။

ငွေရှာတဲ့အခါ အဓိကရည်ရွယ်ချက်ကပျော်ဖို့။
ဒါကို မမေ့သွားဖို့လိုတယ်။

Aristotle က ပျော်ရွင်မှု (Happiness/Eudaimonia) ဆိုတာ
ရုပ်ပိုင်းဆိုင်ရာ အပျော်အပါးတွေ၊
ငွေကြေးဥစ္စာတွေ သို့မဟုတ်
ဂုဏ်သိက္ခာတွေမှ မဟုတ်ဘူး။

ပျော်ရွင်မှုဆိုတာ

၁။ ကိုယ်ပိုင်စွမ်းရည်များကို
အပြည့်အဝ အသုံးချနိုင်ခြင်းကလာနိုင်တယ်။
လူတစ်ယောက်ရဲ့ ပင်ကိုယ်စွမ်းရည်နဲ့
အရည်အချင်းတွေကို အကောင်းဆုံး
အသုံးချနိုင်တဲ့ ဘဝမျိုး ဖြစ်ရပါမယ်။

၂။ ကျင့်ဝတ်နဲ့ညီတဲ့ ဘဝနေထိုင်မှုကလာတယ်။
ကောင်းမွန်တဲ့ အကျင့်စရိုက်နဲ့
ကိုယ်ကျင့်တရားတွေကို
လိုက်နာကျင့်သုံးခြင်းဖြင့် ပျော်ရွင်မှုကို ရရှိနိုင်တယ်။

၃။ အသိဉာဏ်ပညာ ရှာမှီးခြင်းက လာတယ်။
အသိဉာဏ်ပညာကို တိုးပွားစေမယ့်
လုပ်ဆောင်မှုတွေနဲ့ တွေးခေါ်မှုတွေဟာ
ပျော်ရွင်မှုရဲ့ အရင်းအမြစ် ဖြစ်ပါတယ်။

၄။ လူမှုဆက်ဆံရေးကလာတယ်။
သူတစ်ပါးနဲ့ ကောင်းမွန်တဲ့ ဆက်ဆံရေး
တည်ဆောက်ခြင်းဟာလည်း
ပျော်ရွင်မှုအတွက် အရေးကြီးပါတယ်။

အသက်ရှင်ပြီး အသက်ဝင်ဖို့
အခြေခံစားဝတ်နေရေးအပြင်
diminishing returns
ငွေဝင်တိုင်ပျော်တဲ့ အမှတ်ကျော်အောင်လုပ်။

ဒါကိုလုပ်နေရင်း
လူတွေမမှတ်မိလောက်အောင်
တိုးတက်ပြောင်းလဲဖို့
နေ့စဥ် တော်အောင်
ကိုယ့်ကိုကိုယ် ပြုစုပျိုးထောင်။

နေ့တိုင်းကိုယ့်ကိုကိုယ် ပျော်အောင်ထား။
သေးသေးလေးအရာတွေကနေ
ပျော်ရွင်မှုတွေရယူ။

နေ့စဥ် ဒီနေ့နဲ့ အနာဂတ်
ဝင်ငွေတိုးပွားအောင်အားထုတ်။

တခြားသူတွေကို ကိုယ်ရက်ရောတဲ့အရာတွေ
မျှဝေပေး။

နေ့စဥ် “တော်၊ ပျော်၊ ပွား၊ ပေး”။

တိုက်ရိုက်ပြိုင်စရာမလိုဘူး။
မပြိုင်ဘဲနိုင်အောင်လုပ်လို့ရတယ်။
နေ့စဥ် စိတ်ချမ်းသာနေတာ
ဘဝကစားပွဲမှာ နိုင်နေတာပဲ။

Phyo Paing @ Derek
#drphyopaing