ဘဝဆိုတာ စစ်ပွဲတစ်ခုဆိုရင်

အဝတ်တစ်ထည်ကိုယ်တစ်ခုနဲ့
အာဖရိကရောက်သွားရင်
ဘာလုပ်စားမလဲ။
ဒါမှမဟုတ် တိုးတက်ပြီးနိုင်ငံတွေ
ရောက်ရင် ဘာလုပ်မလဲ။
အသက် ၃၅၊ ၄၀၊ ၅၀၊ ၆၀၊ ၇၀
အဲ့လို အချိန်မျိုးမှာ
ဘဝကို သုညက ပြန်စရရင်
ဘာတွေ လုပ်မလဲ။

စိတ်ပိုင်းဆိုင်ရာအရ
ကြိုတင်ပြင်ဆင်ထားလိုက်တယ်။
ခြေထောက်ကျိုးသွားခဲ့ရင်၊
မျက်လုံးကန်းသွားခဲ့ရင်၊
နားကန်းသွားခဲ့ရင်
ဘာတွေ ဆက်လုပ်မလဲ။
အမြဲ စိတ်ဓာတ်ရေးရာအရ
negative visualization လုပ်
ကြိုတင်ပြင်ဆင်ထားတဲ့အတွက်
လောကဓံကို အနည်းငယ်
ပိုခံနိုင်လာတယ်လို့ဆိုရမယ်။

တနေ့ ကိုယ်အရင်မသေရင်
ကိုယ်ချစ်တဲ့သူတွေ အရင်သေလိမ့်မယ်။
အဲ့ဒီအတွက်လဲ စိတ်ဓာတ်ရေးရာအရ
ကြိုတင်ပြင်ဆင်ထားရတယ်။

ဘဝဆိုတာ စစ်ပွဲတစ်ခုဆိုရင်
ဖြစ်နိုင်ခြေ ဆိုးရွားတဲ့ scenario တွေအတွက်
စိတ်ဓာတ်ရေးရာအရ ကြိုတင်ပြင်ဆင်
ထားတာ မမှားဘူးလို့ ဆိုရမယ်။

Phyo Paing @ Derek