ယူဆချက်အမှားတွေကို မေးခွန်းထုတ်ပါ။

ယူဆချက်အမှားတွေကို မေးခွန်းထုတ်ပါ။

ဝန်ထမ်း ဘယ်နှစ်ယောက်ရှိသလဲ ?
ရုံးခန်း ဘယ်လောက်ကျယ်သလဲ ?
လူတွေ အထင်ကြီးအောင်
ဘယ်လောက်လုပ်နိုင်သလဲ ?

တခါတလေကျရင် လူအများစု
ယုံကြည်ထားတဲ့
ယူဆချက်အမှားတွေကြောင့်
တချို့လူတွေ လမ်းလွဲသွားတတ်ကြတယ်။

အောင်မြင်မှုတစ်ခုကို တိုင်းတာတဲ့အခါ
ဝန်ထမ်းများမှ၊ ရုံးခန်းကြီးမှ၊
ဆိုင်ခွဲတွေ အများကြီးရှိမှ၊
လူရှိန်အောင် Billboard တွေထောင်မှ
necktie တွေ၊ suit တွေနဲ့မှ
အောင်မြင်မှုလို့ သတ်မှတ်တတ်ကြတယ်။

ဒီ society က သတ်မှတ်ထားတဲ့
အယူအဆမှားတွေနဲ့ အထင်မြင်မှားတွေကို
မေးခွန်းထုတ်ဖို့လိုတယ်။

ပတ်ဝန်းကျင်က သတ်မှတ်ချက်အမှားတွေက
ကျွန်တော်တို့နှလုံးသားထဲက သွားချင်တဲ့
လမ်းကြောင်းတွေကို လမ်းလွဲစေနိုင်တယ်။

ကောင်းမွန်တဲ့ ဘဝတစ်ခုအတွက်
မေးခွန်းကောင်းတွေ လိုတယ်။

ကိုယ့်အလုပ်က လူတွေရဲ့ဘဝကို
ဘယ်လောက် ကောင်းမွန်တဲ့ သက်ရောက်မှု
ရှိစေမလဲ ?

လူတွေရဲ့ ဘဝ ပိုကောင်း၊ ပိုလှ၊ ပိုပျော်အောင်
ဘာတွေလုပ်ပေးရမလဲ ?

လူတွေလုပ်နေကျ ဘယ်အမှားတွေကို
မှန်အောင် လုပ်ပေးမလဲ?

ကိုယ် ဒီနေ့ လုပ်လိုက်တဲ့အလုပ်က
ကိုယ့်ဘဝ တစ်လျှောက်လုံးနဲ့
ကိုယ်မရှိတော့တဲ့အခါ နောက်လူတွေကို
အကျိုးပြုနေအောင် ဘာတွေလုပ်မလဲ ?

အဆိုးဆုံး အခြေအနေရောက်သွားတောင်
ကိုယ့်ဖန်တီးမှုတွေ ဆက်လက်ရှင်သန်နေအောင်
ဘယ်လို စီမံထားမလဲ ?

ဒီမေးခွန်းတချို့က သင်ဘယ်လောက်လူရှိန်အောင်
လုပ်နိုင်လဲဆိုတဲ့ မေးခွန်းထက်
အနှစ်သာရပိုရှိတယ်လို့ ခံစားရတယ်။

ကောင်းမွန်တဲ့အပြောင်းအလဲ တစ်ခုဖန်တီးတဲ့အခါ
လူရှိန်အောင်လုပ်ဖို့ အချိန်ကုန်မခံပါနဲ့။

AkyanPay.com
ကိုယ်မပါဘဲ လည်ပတ်တဲ့ လုပ်ငန်းတွေ တည်ဆောက်ပါ။ #Akyanpay