လောကမှာ ကိုယ်ထိန်းချုပ်လို့မရတဲ့
တွန်းအားတွေ၊ အဖြစ်အပျက်တွေရှိတတ်တယ်။

Covid-19, Coup အပြင်
ကိုယ် ထိန်းချုပ်မရတဲ့ အဖြစ်အပျက်တွေကြောင့်
ဖြစ်ပေါ်တဲ့ ဒုက္ခတွေရှိတယ်။

ဗုဒ္ဓဘာသာမှာတော့
ဒုက္ခ ဆိုတာ ဆင်းရဲခြင်းသဘော၊
ဝေဒနာ၊ ဝမ်းနည်းမှု၊
သောကဖြစ်စေသောအကြောင်းလို့ဆိုတယ်။

ဒုက္ခ(၈)ပါးရှိတယ်။

(၁)ဇာတိဒုက္ခ=ပဋိသန္ဓေနေရခြင်းဆင်းရဲ။
(၂)ဇရာဒုက္ခ=အိုမင်းရင့်ရော်ရခြင်းဆင်းရဲ။
(၃)ဗျာဓိဒုက္ခ=နာမကျန်းဖြစ်ရခြင်းဆင်းရဲ။
(၄)မရဏဒုက္ခ=စုတေလွန်ရခြင်းဆင်းရဲ။
(၅)အပိယေဟိသမ္ပယောဂဒုက္ခ=မချစ်မနှစ်သက်သောသတ္တဝါနှင့်အတူကြုံရခြင်းဆင်းရဲ။
(၆)ပိယေဟိဝိပ္ပယောဂဒုက္ခ=ချစ်အပ်သူနှင့်ကွဲနေရခြင်းဆင်းရဲ။
(၇)ယံပိစ္ဆံနလဘတိဒုက္ခ=လိုသည့်အရာကိုမရသောဆင်းရဲ။
(၈)ပဉ္စုပါဒါနက္ခန္ဓဒုက္ခ=ခန္ဓာငါးပါးဖြစ်ပေါ်နေရခြင်းဆင်းရဲစသည်တို့ဖြစ်သည်။

ဒီဒုက္ခတွေကို ကျော်လွန်နိုင်ဖို့
စိတ်ထားတတ်ဖို့လိုတယ်။
နည်းစနစ်သေချာရှိဖို့လိုတယ်။

လောကဓံရှစ်ပါးကို ကြံ့ကြံံံ့ခံနိုင်ဖို့လိုတယ်။

လောကဓံရှစ်ပါးဆိုတာကတော့

(၁) လာဘ – လာဘ် ပေါများ၍ တက်ကြွတုန်လှုပ်ခြင်း၊
(၂) အလာဘ – လာဘ်နည်း၍ညှိုးငယ်တုန်လှုပ်ခြင်း။
(၃)ယသ – အခြံအရံများ၍တက်ကြွတုန်လှုပ်ခြင်း၊
(၄) အယသ – အခြံအရံနည်း၍ ညှိုးငယ် တုန်လှုပ်ခြင်း၊
(၅) ပသံသာ – ချီးမွမ်းခံရ၍ ဝမ်းမြောက်တုန်လှုပ်ခြင်း၊
(၆) နိန္ဒ – အကဲ့ရဲ့ခံရ၍ဝမ်းနည်း တုန်လှုပ်ခြင်း၊
(၇) သုခ – ချမ်းသာကိုစွဲ၍ ဝမ်းသာတုန်လှုပ်ခြင်း၊
(၈) ဒုက္ခ – ဆင်းရဲကိုစွဲ၍ ညှိုးငယ်ပူပြင်း စိုးရိမ်တုန်လှုပ်ခြင်း။

လူရယ်လို့ဖြစ်လာရင်
ဒုက္ခနဲ့ မကင်းကြဘူး။
စိတ်ထားတတ်ဖို့ကတော့
လောကဓံရှစ်ပါးကို မတုန်မလှုပ်ဖြတ်ကျော်ခြင်းပဲ။

ဒီလိုလုပ်နိုင်ဖို့ ကိုယ်ထိန်းချုပ်လို့ရတာနဲ့
မရတာကို သေချာခွဲသိ။
ထိန်းချုပ်လို့ရတာကိုပဲ ထိန်းချုပ်။

Phyo Paing @ Derek