Pro တစ်ယောက်ဖြစ်ဖို့
စိတ်ခံစားမှုတွေရဲ့အလွန်ကို
သွားဖို့လိုတယ်။

နေ့တိုင်း အိုင်ဒီယာတစ်ခုထိုင်ရေးတော့
ရေးချင်ချင်၊ မရေးချင်ချင်
စိတ်ခံစားမှုရှိမှ လုပ်တဲ့အဆင့်ကို
ကျော်လွန်ပြီး ရေးဖြစ်သွားတယ်။

ဖောက်သည်နဲ့တွေ့တဲ့အခါ
စိတ်ပျော်သည်ဖြစ်စေ၊ စိတ်ညစ်သည်ဖြစ်စေ
ပြုံးပြပြီးသူတို့အဆင်ပြေအောင်လုပ်ပေးတာ
စိတ်ခံစားမှုကို ကျော်လွန်ပြီးလုပ်ဆောင်တဲ့
အဆင့်ဖြစ်သွားတယ်။

ကိုယ့်လုပ်ငန်းအတွက် စီမံကိန်းရေးဆွဲတာ
ရင်ခုန်စရာကောင်းသည်ဖြစ်စေ၊
ပျင်းစရာကောင်းသည်ဖြစ်စေ
တကယ် စီမံကိန်းရေးဆွဲဖြစ်သွားတာ
စိတ်ခံစားမှုရဲ့ အလွန်ဖြစ်တယ်။

စိတ်ပါသည်ဖြစ်စေ၊ စိတ်မပါသည်ဖြစ်စေ
ကမ္ဘာ့ထိပ်တန်းဘော်လုံးသမားတစ်ယောက်က
လေ့ကျင့်ခန်းပုံမှန် ဆင်းနေတယ်။

Phyo Paing @ Derek