ရည်မှန်းချက်ရှိတာနဲ့ ပန်းတိုင်ရှိတာ မတူဘူး။
လူတိုင်းမှာ ရည်မှန်းချက် ရှိတယ်။
ချမ်းသာချင်တယ်။
ကျန်းမာချင်တယ်။
လွတ်လပ်ချင်တယ်။
ဒါပေမယ့် —
ရည်မှန်းချက်ရှိတာနဲ့ ပန်းတိုင်ရှိတာ မတူဘူး။
ရည်မှန်းချက်က ဆန္ဒ။
ပန်းတိုင်က ဆုံးဖြတ်ချက်။
ဆန္ဒက — “ဖြစ်ချင်တယ်” လို့ ပြောတယ်။
ဆုံးဖြတ်ချက်က — “ဘယ်အချိန်မှာ ဘယ်လို ဖြစ်မယ်” လို့ ပြောတယ်။
“ငွေ ပိုရချင်တယ်” — ဒါ ဆန္ဒ။
“လာမယ့် ၆ လအတွင်း လစဉ်ဝင်ငွေ ၃၀% တိုးမယ်” — ဒါ ပန်းတိုင်။
“ကျန်းမာချင်တယ်” — ဒါ ဆန္ဒ။
“လာမယ့် ၃ လအတွင်း ၁၀ ပေါင် ချမယ်” — ဒါ ပန်းတိုင်။
“လုပ်ငန်းကြီးချင်တယ်” — ဒါ ဆန္ဒ။
“ဒီနှစ်ကုန်မတိုင်မီ ဝန်ထမ်း ၅ ဦး ခန့်ပြီး delegation လုပ်မယ်” — ဒါ ပန်းတိုင်။
Seneca က ပြောခဲ့ပါတယ် —
“If a man knows not to which port he sails, no wind is favorable.”
ဘယ်ဆိပ်ကမ်းကို သွားမယ်ဆိုတာ မသိရင်
ဘယ်လေကောင်းကောင်းလည်း အသုံးမဝင်ဘူး။
ပန်းတိုင် မရှိဘဲ ကြိုးစားတာ
ရေစီးကြောင်း မရှိတဲ့ လှေလိုပါပဲ။
ကြိုးစားနေတယ်။
ဒါပေမယ့် ဘယ်ကိုမှ မရောက်ဘူး။
ဗုဒ္ဓက သမ္မာဒိဋ္ဌိကို
မဂ္ဂင်ရှစ်ပါးထဲမှာ ပထမဆုံး အဆင့်အဖြစ် ထားခဲ့ပါတယ်။
မှန်ကန်တဲ့ အမြင် — ဒါ အစပါ။
ဘယ်ကို သွားမယ်ဆိုတာ ရှင်းမှ
ဘယ်လို သွားမယ်ဆိုတာ ရှင်းမယ်။
ဘယ်လို သွားမယ်ဆိုတာ ရှင်းမှ
ဘယ်အချိန် ရောက်မယ်ဆိုတာ ရှင်းမယ်။
ဒါကြောင့် ပန်းတိုင်ချမှတ်ရတာ။
ဒါပေမယ့် လူအများစု ပန်းတိုင် မချတာ
မသိလို့ မဟုတ်ဘူး — ကြောက်လို့။
ပန်းတိုင်ချရင် တာဝန်ယူရမယ်။
တိုင်းတာခံရမယ်။
မအောင်မြင်ရင် ရင်ဆိုင်ရမယ်။
ဒါကြောင့် “ဖြစ်ချင်တယ်” နဲ့ပဲ ရပ်ထားတယ်။
“ဖြစ်မယ်” ကို မပြောရဲဘူး။
ပြီးတော့ —
“အချိန်မရလို့” လို့ ထင်တယ်။
“ကံ မကောင်းလို့” လို့ ထင်တယ်။
တကယ်က —
ပန်းတိုင် မချမိလို့ပါ။
ပန်းတိုင်ချမှတ်ဖို့ ခက်ခဲစရာ မလိုပါဘူး။
ရိုးရိုးလေးပါ —
ကိုယ် ဘာဖြစ်ချင်လဲ — ရှင်းအောင် ရေးပါ။
ဘယ်တော့ ဖြစ်ချင်လဲ — deadline ချပါ။
ဘယ်လို တိုင်းတာမလဲ — ကိန်းဂဏန်းနဲ့ ပြောပါ။
ပြီးရင် ကိုယ့်ကိုကိုယ် ကတိပြုပါ။
ဒီအဆင့်တွေကို လွယ်လွယ်ကူကူ လုပ်နိုင်ဖို့
tool တစ်ခု တည်ဆောက်ထားပါတယ် —
ဒီမှာ ကိုယ့်ရဲ့ Big Dream ကနေ
SMART ပန်းတိုင် ၃ ခု ချမှတ်ပြီး
Action Plan အထိ ပြည့်ပြည့်စုံစုံ ရေးဆွဲလို့ ရပါတယ်။
ပြီးရင် PDF report အနေနဲ့ သိမ်းထားလို့ ရပါတယ်။
ဆန္ဒကို ပန်းတိုင် ပြောင်းပါ။
ပန်းတိုင်ကို အစီအစဉ် ပြောင်းပါ။
အစီအစဉ်ကို လုပ်ရပ် ပြောင်းပါ။
ဒါက
ရည်မှန်းချက်ကို အကောင်အထည်ဖော်တဲ့ နည်းလမ်းပါ။
Phyo Paing @ Derek