သင်ယူနည်း ၅ မျိုး ရှိပါတယ်။
ကိုယ် ဘယ်နည်းနဲ့ သင်ယူနေသလဲ ဆိုတာ
ကိုယ့် ရလဒ်ကို ဆုံးဖြတ်ပါတယ်။
ပထမ — Feynman Technique။
Nobel ဆုရ Richard Feynman ရဲ့ နည်းလမ်းပါ။
ရိုးရှင်းပါတယ်။
သင်ယူပြီးတာကို ကလေးတစ်ယောက်ကို ရှင်းပြကြည့်ပါ။
ရှင်းပြလို့ ရရင် — သိပြီ။
ရှင်းပြလို့ မရရင် — မသိသေးဘူး။
လူအများစု ဖတ်ပြီးရင် “သိပြီ” ထင်ပါတယ်။
ဒါပေမယ့် ပြန်ရှင်းပြခိုင်းရင် ပိတ်သွားပါတယ်။
ပိတ်တဲ့ နေရာက ကိုယ် မသိသေးတဲ့ နေရာပါ။
ဖတ်ရုံနဲ့ မပြီးပါဘူး။
ကိုယ့်စကားနဲ့ ပြန်ရေးပါ။ ပြန်ရှင်းပြပါ။
ဒါမှ ကိုယ့်ဟာ ဖြစ်ပါတယ်။
ဒုတိယ — Spaced Repetition။
Hermann Ebbinghaus ရဲ့ သုတေသနအရ
ဖတ်ပြီး ၂၄ နာရီအတွင်း မပြန်ကြည့်ရင်
၇၀% မေ့သွားပါတယ်။
ဒါကြောင့် တစ်ခါတည်း အကုန် ကျက်တာထက်
ကြားကာလ ခံပြီး ပြန်ပြန် ကြည့်တာ ပိုထိရောက်ပါတယ်။
ဒီနေ့ ဖတ်တယ်။ မနက်ဖြန် ပြန်ကြည့်တယ်။
၃ ရက်ကြာရင် ထပ်ကြည့်တယ်။ ၁ ပတ်ကြာရင် ထပ်ကြည့်တယ်။
ဒီနည်းနဲ့ ဦးနှောက်ထဲ အမြဲတမ်း ကျန်ပါတယ်။
တတိယ — Active Recall။
စာအုပ် ဖတ်ပြီးရင် စာအုပ် ပိတ်ပါ။
ပြီးရင် ကိုယ့်ဘာသာ ပြန်ရေးပါ။ ဘာမှ မကြည့်ဘဲ။
ဒါ ခက်ပါတယ်။
ဘာကြောင့်လဲ ဆိုတော့ ဦးနှောက်က
“ပြန်ကြည့်ရင် ပိုလွယ်တယ်” ပြောပါတယ်။
ဒါပေမယ့် ခက်ခက်ခဲခဲ ပြန်ဆွဲထုတ်မှ
ဦးနှောက်ထဲ အမြစ်တွယ်ပါတယ်။
ပြန်ကြည့်တာ — recognition ပါ။ “အင်း ဒါ ငါ ဖတ်ဖူးတယ်”
ပြန်ဆွဲထုတ်တာ — recall ပါ။ “ဒါ ဒီလို ဒီလို ဖြစ်တယ်”
Recognition လွယ်ပါတယ်။ ဒါပေမယ့် အလုပ်မဖြစ်ပါဘူး။
Recall ခက်ပါတယ်။ ဒါပေမယ့် ဒါပဲ အလုပ်ဖြစ်ပါတယ်။
စတုတ္ထ — Interleaving။
တစ်ခုတည်း ထပ်ခါထပ်ခါ လေ့ကျင့်တာထက်
အကြောင်းအရာ ၂ ခု ၃ ခု ရောပြီး လေ့ကျင့်တာ ပိုထိရောက်ပါတယ်။
ဥပမာ
သင်္ချာ တစ်မျိုးတည်း ၂ နာရီ လုပ်တာထက်
သင်္ချာ ၃၀ မိနစ် + ရူပဗေဒ ၃၀ မိနစ် + သင်္ချာ ၃၀ မိနစ်
ဒီနည်းက ပိုမှတ်မိပါတယ်။
ဘာကြောင့်လဲ ဆိုတော့
ဦးနှောက်က ပြောင်းလဲမှုကြားမှာ ပိုအလုပ်လုပ်ရလို့
ပိုနက်နဲစွာ မှတ်မိသွားပါတယ်။
ပဉ္စမ — Teaching (သင်ပေးခြင်း)။
ဒါ အထိရောက်ဆုံးပါ။
သင်ပေးတဲ့ အခိုက်မှာ
ကိုယ် ဘာသိတယ် ဘာမသိဘူးဆိုတာ
အရှင်းဆုံး မြင်ရပါတယ်။
ပြောရင်း စီးသွားတဲ့ နေရာ — ဒါ ကိုယ် တကယ် သိတဲ့ နေရာ။
ပြောရင်း ပိတ်သွားတဲ့ နေရာ — ဒါ ကိုယ် မသိသေးတဲ့ နေရာ။
သင်ပေးတာ သူများအတွက် မဟုတ်ပါဘူး။
ကိုယ့်အတွက်ပါ။
ဖတ်တာ — input ပါ။
ကိုယ့်စကားနဲ့ ရေးတာ — processing ပါ။
သင်ပေးတာ — mastery ပါ။
ဒီ ၅ ခုထဲက ဘယ်ဟာမဆို တစ်ခု ယူပါ။
ဒီနေ့ကတည်းက စသုံးပါ။
သင်ယူနည်း တတ်တဲ့သူ
ဘယ်ခေတ် ရောက်ရောက် နောက်မကျပါဘူး။
Phyo Paing @ Derek