တစ်ရက် ၂၄ နာရီကို ဒီဇိုင်း လုပ်တာက ပညာ တစ်ခုပဲ
ဒီ ၂၄ နာရီ ထဲမှာ
လေ့လာတာ ရှိတယ်။
လေ့ကျင့်ခန်း လုပ်တာ ရှိတယ်။
စားဖို့ သောက်ဖို့ ရှိတယ်။
လမ်းမှာ အချိန် ကုန်တာ ရှိတယ်။
အလုပ် လုပ်တာ ရှိတယ်။
စိတ်ဝင်စားတဲ့ ဖျော်ဖြေရေး ရှိတယ်။
မိသားစု ရှိတယ်။
လူမှုရေး ရှိတယ်။
အိပ်စက် အနားယူတာ ရှိတယ်။
ဒါတွေ အကုန်လုံး ၂၄ နာရီ ထဲ ဝင်ရတယ်။
ဒီ ၂၄ နာရီ ကို ဖြစ်သလို ထားရင် ဘဝ ရှုပ်ထွေးတယ်။
ဒီဇိုင်း လုပ်ရင် ဘဝ ရှင်းလင်းတယ်။
ဘာကြောင့် ဒီဇိုင်း လိုတာလဲ
၂၄ နာရီ ဆိုတာ လူတိုင်း အတူတူ ရတယ်။
ကုမ္ပဏီ အမှုဆောင်ချုပ် လည်း ၂၄ နာရီ ရတယ်။
ဝန်ထမ်း လည်း ၂၄ နာရီ ရတယ်။
ချမ်းသာတဲ့ သူ လည်း ၂၄ နာရီ ရတယ်။
ဆင်းရဲတဲ့ သူ လည်း ၂၄ နာရီ ရတယ်။
ကွာခြားချက်က ၂၄ နာရီ ရှိ မရှိ မဟုတ်ဘူး။
၂၄ နာရီ ကို ဘယ်လို ဒီဇိုင်း လုပ်လဲ ဖြစ်တယ်။
ဖြစ်သလို နေတဲ့ သူက
မနက် နိုးတယ်။ ဖုန်း ကြည့်တယ်။
ပြီးရင် ဘာ လုပ်ရမှန်း မသိဘူး။
ပြီးရင် အလုပ် ကို ဖိလုပ်တယ်။
ပြီးရင် ပင်ပန်းလို့ အောက်ကို ဆွဲကြည့်နေတယ်။
ပြီးရင် “ဒီနေ့လည်း ဘာမှ မလုပ်ဖြစ်ဘူး” ပြောတယ်။
ပြီးရင် အိပ်တယ်။
နေ့တိုင်း ဒီလို။
ရက်သတ္တပတ် တိုင်း ဒီလို။
လ တိုင်း ဒီလို။
နှစ် တိုင်း ဒီလို။
ပြီးရင် “ဘဝ ဘာကြောင့် မပြောင်းတာလဲ” မေးတယ်။
ဘဝ မပြောင်းတာ မဟုတ်ဘူး။
ဘဝ ကို ဒီဇိုင်း မလုပ်ထားလို့ ဖြစ်တယ်။
မြို့ကြီးတွေ ဘယ်လို ဒီဇိုင်း လုပ်ကြလဲ
တကယ့် မြို့ကြီးတွေကို စနစ်တကျ ဒီဇိုင်း လုပ်တဲ့ အခါ
“၁၅ မိနစ် အတွင်း အကုန် ရနိုင်အောင်” စဉ်းစားကြတယ်။
ဈေးဝယ်စင်တာ ရောက်ရမယ်။
ကျောင်း ရောက်ရမယ်။
ဆေးရုံ ရောက်ရမယ်။
ပန်းခြံ ရောက်ရမယ်။
ဒါကို “၁၅ မိနစ် မြို့တော်” အယူအဆ လို့ ခေါ်တယ်။
ဒီ အယူအဆ ရဲ့ အခြေခံက ရိုးရှင်းတယ်။
လူတွေ ရဲ့ အချိန် ကို မဖြုန်းဖို့
အရာရာ ကို နီးနီးကပ်ကပ် ဒီဇိုင်း ထားတာ ဖြစ်တယ်။
မြို့ ကို ဒီဇိုင်း လုပ်သလိုပဲ
ကိုယ့် ၂၄ နာရီ ကိုလည်း ဒီဇိုင်း လုပ်လို့ ရတယ်။
ကိုယ့် ၂၄ နာရီ ကို ဘယ်လို ဒီဇိုင်း လုပ်မလဲ
ပထမ အဆင့်က အချိန် အပိုင်းအခြား ခွဲပါ။
၂၄ နာရီ ကို အပိုင်းကြီး ၅ ခု ခွဲပါ။
ကိုယ့်အတွက် အချိန်
လေ့ကျင့်ခန်း လုပ်ပါ။
လေ့လာပါ။
တရားထိုင်ပါ။
ရည်မှန်းချက် ပြန်ကြည့်ပါ။
ဒါ ကိုယ့် စွမ်းအား ကို အားဖြည့်တဲ့ အချိန် ဖြစ်တယ်။
ဒီ အချိန် ကို နေ့ ရဲ့ အစမှာ ထားပါ။
ဘာကြောင့်လဲ စွမ်းအား အမြင့်ဆုံး အချိန် ဖြစ်လို့။
အာရုံစိုက် အလုပ် လုပ်တဲ့ အချိန်
အရေးကြီးဆုံး အလုပ် ၁ ခု ၂ ခု လုပ်ပါ။
ဖုန်း ပိတ်ပါ။
အသိပေးချက် ပိတ်ပါ။
အာရုံ တစ်ခုတည်း ထားပါ။
ဒါ ရလဒ် ထုတ်တဲ့ အချိန် ဖြစ်တယ်။
ဒါ ဝင်ငွေ ဖန်တီးတဲ့ အချိန် ဖြစ်တယ်။
စီမံခန့်ခွဲရေး နှင့် ဆက်သွယ်ရေး အချိန်
အီးမေးလ် ပြန်ပါ။
စာတို ပြန်ပါ။
အစည်းအဝေး တက်ပါ။
ဖုန်း ပြောပါ။
ပုံမှန် အလုပ်တွေ လုပ်ပါ။
ဒါ လုပ်ငန်း လည်ပတ်မှု ထိန်းတဲ့ အချိန် ဖြစ်တယ်။
ဆက်ဆံရေး အချိန်
မိသားစု အတွက်။
ချစ်ခင်ရသူတွေ အတွက်။
ဖျော်ဖြေရေး အတွက်။
လူမှုရေး အတွက်။
ဒါ စိတ်ပိုင်းဆိုင်ရာ စွမ်းအား ကို အားဖြည့်တဲ့ အချိန် ဖြစ်တယ်။
အိပ်စက် အနားယူတဲ့ အချိန်
၇ မှ ၈ နာရီ။
ဒါ ညှိနှိုင်းလို့ မရတဲ့ အချိန် ဖြစ်တယ်။
ဒီ အချိန် ကို ဖြတ်တိုင်း
နောက်နေ့ စွမ်းဆောင်ရည် ကျတယ်။
ဒုတိယ အဆင့်က အကူးအပြောင်း အချိန် ကို ဒီဇိုင်း လုပ်ပါ။
လမ်းမှာ အချိန် ကုန်တယ်။
ဆုံးဖြတ်ချက် ချရာမှာ အချိန် ကုန်တယ်။
“ဘာ လုပ်ရမှန်း မသိ” တာမှာ အချိန် ကုန်တယ်။
ဒါကြောင့် ညနေ ကးက နောက်နေ့ အစီအစဉ် ချထားပါ။
“မနက် နိုးရင် ဘာ လုပ်မလဲ” ဆိုတာ ညနေ ကတည်းက ဆုံးဖြတ်ထားပါ။
ဒါဆိုရင် မနက် နိုးတာနဲ့ စနိုင်တယ်။
တတိယ အဆင့်က စွမ်းအား စီးဆင်းမှု နဲ့ ကိုက်ညီအောင် စီပါ။
စွမ်းအား အမြင့်ဆုံး အချိန်မှာ ကိုယ့်အတွက် အချိန် နဲ့ အာရုံစိုက် အလုပ် ထားပါ။
စွမ်းအား အလယ်အလတ် အချိန်မှာ စီမံခန့်ခွဲရေး အလုပ် ထားပါ။
ညနေမှာ မိသားစု နဲ့ လူမှုရေး အချိန် ထားပါ။
ညမှာ အိပ်စက် အနားယူပါ။
ဒီလို စီလိုက်ရင် တူညီတဲ့ ၂၄ နာရီ ထဲမှာပဲ ရလဒ် ပိုထွက်လာတယ်။
ဒီဇိုင်း ရဲ့ စည်းမျဉ်း ၃ ခု
အရေးကြီးဆုံးကို အရင် ထားပါ။
ကိုယ့်အတွက် အချိန် အရင်။
အာရုံစိုက် အလုပ် ဒုတိယ။
အီးမေးလ် နဲ့ အစည်းအဝေး နောက်မှ။
ကြားခံ အချိန် ထားပါ။
အချိန်ဇယား ကို တင်းကျပ်လွန်းအောင် မလုပ်ပါနဲ့။
၁၅ မိနစ် မှ ၃၀ မိနစ် ကြားခံ အချိန် ထားပါ။
ဘဝ ဆိုတာ အစီအစဉ် အတိုင်း အမြဲ မဖြစ်ဘူး။
ပြန်သုံးသပ်ပါ။
တစ်ပတ် ပြီးတိုင်း ကိုယ့် ဒီဇိုင်း ကို ပြန်ကြည့်ပါ။
ဘာ အလုပ်ဖြစ်လဲ ဆက်လုပ်ပါ။
ဘာ အလုပ် မဖြစ်လဲ ပြင်ပါ။
ဘာ ထပ်ထည့်ရမလဲ ထည့်ပါ။
ဘာ ဖြုတ်ရမလဲ ဖြုတ်ပါ။
ဒီဇိုင်း ဆိုတာ တစ်ခါ လုပ်ပြီး ပြီးတာ မဟုတ်ဘူး။
ဒီဇိုင်း လုပ်ပါ။
အသုံးချပါ။
ပြန်သုံးသပ်ပါ။
တိုးတက်အောင် ပြင်ဆင်ပါ။
နောက်ဆုံး
မြို့ကြီးတွေလိုပဲ
ကိုယ့် ဘဝကို ကိုယ် တည်ဆောက်ချင်တဲ့ ပုံစံ ရဖို့ ဒီဇိုင်း လုပ်ဖို့ လိုတယ်။
ပုံစံ မဆွဲဘဲ “လှပတဲ့ အိမ် ဆောက်ချင်တယ်” လို့ ပြောလို့ မရဘူး။
ပုံစံ ဆွဲမှ အိမ် ဖြစ်တယ်။
ဒီဇိုင်း လုပ်မှ ဘဝ ဖြစ်တယ်။
ကိုယ့် ၂၄ နာရီ ကို ကိုယ် ဒီဇိုင်း လုပ်ပါ။
ဒါ ကိုယ့် ဘဝ ကို ကိုယ် ဒီဇိုင်း လုပ်တာ ဖြစ်တယ်။
Phyo Paing @ Derek