productive asset

ကျွန်တော်ကတော့ productive asset တွေမှာ
ရင်းနှီးဖို့ကိုပဲ အဓိက စိတ်ဝင်စားတယ်။

Productive Asset ဆိုတာ
ဝင်ငွေ သို့မဟုတ် တန်ဖိုးကို
ဆက်တိုက်ဖန်တီးပေးနိုင်တဲ့
ပိုင်ဆိုင်မှုပစ္စည်းတွေပါ။
ဥပမာအနေနဲ့ ကိုယ်ပိုင်လုပ်ငန်း၊
ငှားရမ်းခရတဲ့အိမ်ခြံမြေ၊
စတော့ရှယ်ယာများ၊ မူပိုင်ခွင့်များ စသည်ဖြင့်ပေါ့။

ဒါပေမယ့် ရင်းနှီးမြှုပ်နှံမှုတွေထဲမှာ
အကောင်းဆုံးက ကိုယ့်ကိုယ်ကိုယ်
ရင်းနှီးမြှုပ်နှံတာပါ။

ဘာကြောင့်လဲဆိုတော့…

၁။ ကိုယ့်ဗဟုသုတနဲ့ အတွေ့အကြုံတွေဟာ
ဘယ်တော့မှ ပျောက်ဆုံးသွားမှာ မဟုတ်ပါဘူး။
တခြား asset တွေက ပျက်စီးသွားနိုင်ပေမယ့်
ကိုယ့်အသိပညာက ထာဝရ ကိုယ်နဲ့အတူ ရှိနေမှာပါ။

၂။ ကိုယ့်ကိုယ်ကိုယ် ရင်းနှီးမြှုပ်နှံလေ၊
ကိုယ့်စွမ်းဆောင်ရည်တွေ တိုးတက်လေ ဖြစ်ပြီး
ပိုကောင်းတဲ့ အခွင့်အလမ်းတွေ၊
ပိုမြင့်တဲ့ဝင်ငွေတွေ ရလာနိုင်ပါတယ်။

၃။ ဗဟုသုတကြွယ်ဝလာတာနဲ့အမျှ
အတွေးအခေါ်တွေ ပိုကျယ်ပြန့်လာပြီး
ပိုကောင်းတဲ့ဆုံးဖြတ်ချက်တွေ ချနိုင်လာပါတယ်။

၄။ တခြားရင်းနှီးမြှုပ်နှံမှုတွေက
ပြင်ပအကြောင်းတရားတွေကြောင့်
ရှုံးနိုင်ပေမယ့် ကိုယ့်ကိုယ်ကိုယ်
ရင်းနှီးမြှုပ်နှံထားတဲ့ အသိပညာက
ဘယ်သူမှ မခိုးယူနိုင်ပါဘူး။
ကိုယ့်ထိန်းချုပ်မှုအောက်မှာပဲ ရှိပါတယ်။

ဒါကြောင့် ကျွန်တော်ကတော့ စာဖတ်ခြင်း၊
သင်တန်းတွေတက်ခြင်း၊
အတွေ့အကြုံကောင်းတွေရှာခြင်းနဲ့
ကိုယ့်ကိုယ်ကိုယ် စဉ်ဆက်မပြတ်
တိုးတက်အောင် ရင်းနှီးမြှုပ်နှံနေပါတယ်။
ဒါဟာ အမြတ်အစွန်းအများဆုံးရနိုင်တဲ့ ရင်းနှီးမြှုပ်နှံမှုပဲ။

Phyo Paing @ Derek