Advice

ဘဝရဲ့ ပြဿနာတွေက ဘဝရဲ့ လက်ဆောင်တွေပဲ။ မြင်အောင်ကြည့်လေ ရှင်းလေပဲ။ အမေကြောင့်၊ အဖေကြောင့်၊ မိဘ၊ မောင်နှမ၊ ဆွေမျိုးကြောင့်၊ သားကြောင့်၊ သမီးကြောင့်၊လင်ကြောင့်၊ မယားကြောင့်၊သူငယ်ချင်း၊ အသိမိတ်ဆွေကြောင့်၊သူဌေးကြောင့်၊ ဝန်ထမ်းကြောင့်၊ ဘယ်သူ့ကြောင့်ပဲဖြစ်ဖြစ်ဖြစ်လာတဲ့ပြဿနာက လက်ဆောင်တစ်ခုပဲ။ ပြဿနာကို ဖြေရှင်းခြင်းကလက်ဆောင်ကို အထုပ်ဖြည်ခြင်းပဲ။ အထုပ်အပြင်ကသာ အခက်အခဲအတွင်းထဲမှာ အခွင့်အလမ်းရှိတယ်။ ဒါကြောင့် အခက်အခဲရဲ့တစ်ဖက်ခြမ်းမှာအခွင့်အလမ်းရှိတယ်။ အန္တရာယ်နဲ့အတူ အခွင့်အလမ်းကတွဲပါတယ်။ တရုတ်စကားလုံးမှာ 危机 ဝိန်းကျီးဆိုတာရှိတယ်။危 ဝိန်းဆိုတာ အန္တရာယ်။机 ကျီးဆိုတာ အခွင့်အလမ်း။ ဒီ 危机 ဝေးကျီးအဓိပ္ပာယ်က crisis အကျဥ်းအကျပ်။ ဒါကြောင့် အခက်အခဲ၊ အန္တရာယ်ကြုံတိုင်း“အပြစ်မတင်ဘဲ အဖြေရှာကြည့်”ပါ။ လက်ဆောင်တွေကို ဖောက်ကြည့်ပါ။ အခက်အခဲရဲ့တစ်ဖက်ခြမ်းမှာအခွင့်အလမ်းတွေရှိပါတယ်။ Phyo Paing @ Derek

ပေးတာက ကံယူနိုင်တာက ဥာဏ်။ကံဘယ်လောက်ရှိရှိဥာဏ်မရှိရင်ပေးလိုက်တာကိုယူနိုင်မှာ မဟုတ်ဘူး။ကံရှိ ဥာဏ်မရှိတိုင်းမွဲ။ ရွှေသီးတဲ့ မြေကြီးပေါ်နေလဲဥာဏ်မရှိရင် တူးပြီးသန့်စင်တတ်မှာမဟုတ်ဘူး။ Phyo Paing @ Derek

ဆေးမြီးတိုကို မယုံဘူး။ ရေရှည်ကိုပဲကြည့်တယ်။ပထမငါးနှစ်၊ ဆယ်နှစ်လောက်သည်းငြီးခံပြီး လုပ်မယ်။ အခြေခိုင်အောင် အခြေခံကိုလုပ်မယ်။ အနာဂတ်က ကြာလေပိုကောင်းရမယ်။ အဲ့လို ခံယူချက်နဲ့ပဲလုပ်တယ်။ လူအများစုက အခုရေတွင်းတူး အခုရေကြည်သောက်ချင်တယ်။တခြားသူတွေဖြစ်နေတာကိုကြည့်ပြီးသူတို့လိုဖြစ်ချင်တတ်ကြတယ်။ Strategic Patience မဟာဗျူဟာကျကျ စိတ်ရှည်မှုကတော်တော်လေး အရေးကြီးတယ်။ တရုတ်ရဲ့မဟာဗျူဟာတည်ဆောက်မှုကလဲစိတ်ရှည်ရှည်အကွက်ချပြီးသည်းခံစောင့်ဆိုင်းနိုင်မှုအပေါ်အခြေခံတယ်။ရပ်ရင်းစောင့်မဟုတ်ဘူး။ လုပ်ရင်းစောင့်။ သူများလုပ်တိုင်း လိုက်မလုပ်နဲ့။လူများနဲ့နောက်လိုက်ရင် ဖုန်ပဲရှူရလိမ့်မယ်။ မပြိုင်ဘဲနိုင်လို့ရတဲ့လမ်းကိုရွေး။ Phyo Paing @ Derek