ရောင်းချင်တာပဲ ထိုးရောင်းမနေပါနဲ့။
စီးပွားရေးဆိုတာ ဖောက်သည် ပြဿနာဖြေရှင်းပြီးအကျိုးအမြတ်ရှာဖွေတာ။ မားကတ်တင်းဆိုတာ ကိုယ်ဖြေရှင်းတဲ့ပြဿနာကို ကိုယ်ရည်ရွယ်တဲ့သူတွေသိရှိစိတ်ဝင်စားပြီး ဝယ်ယူအားပေးချင်အောင်လုပ်တာ။ ကိုယ်ရောင်းတဲ့ပစ္စည်းကို စိတ်ဝင်စားအောင်လုပ်တာကြော်ငြာကို စိတ်ဝင်စားအောင်လုပ်တာဒါတွေက အပေါ်ယံဆန်တယ်။ မားကတ်တင်းဆိုတာ ဒီထက်အများကြီးပိုနက်နဲတယ်။ စိတ်ပညာဆန်တယ်။ နည်းပညာဆန်တယ်။ အတွေးအခေါ်ဆန်တယ်။Identity politics တို့၊ Identity marketing တို့၊ ကုန်ပစ္စည်းမထွက်သေးဘူးငွေကြိုလွဲထားတာမျိုးတို့။ ဒီတွေဟာ နေ့စဥ်မျက်စိရှေ့ဖြစ်ပျက်နေတာတွေ။ကမ္ဘာ့အအောင်မြင်ဆုံး brand တိုင်းကဝယ်ပါဝယ်ပါ ထိုးရောင်းမနေဘူး။ ကိုယ့်အထာနဲ့ကိုယ် ဆက်သွယ်မှုလုပ်တယ်။တကယ်ဖြစ်သင့်တာ ကိုယ်ရောင်းတဲ့ကုန်ပစ္စည်းဖြေရှင်းပေးတဲ့ပြဿနာက ဝယ်ယူသူတွေတကယ်ကြုံတွေ့နေတဲ့ပြဿနာဟုတ်ရဲ့လား ရှာဖွေဖော်ထုတ်ဖို့လိုတယ်။ အဲ့ဒါကို ကြီးကြီးကျယ်ကျယ်ဆို Research သုတေသနလုပ်တယ်လို့ခေါ်တယ်။တချို့တွေက ပြောကြတယ်ဆယ်တန်းအောင်စရာမလိုဘူးအလိုက်သိဖို့လိုတယ်တဲ့။ အလိုက်သိတယ်ဆိုတာ marketing ရဲ့စကားလုံးပဲ။ ဒီလိုအလိုက်သိဖို့ ကိုယ်ချင်းစာတရားလိုတယ်။Empathy ဆိုပါတော့။ ရောင်းချင်တာပဲ ထိုးရောင်းမနေပါနဲ့။ဝယ်သူလိုချင်တဲ့၊ လိုအပ်တဲ့ပစ္စည်းဟုတ်ရဲ့လားနည်းနည်း ခံစားသုံးသပ်ကြည့်ပါအုံး။ Phyo Paing @ Derek
ရောင်းချင်တာပဲ ထိုးရောင်းမနေပါနဲ့။ Read More »