GMC

လူအများစုInternet Explorer ကနေFirefox နောက်Chrome ဘာကြောင့်ဒီလိုတွေ ဖြစ်လာလဲ? မားကတ်တင်းကလူတွေချစ်အောင်လုပ်တဲ့ပညာ။ နည်းပညာတီထွင်ဆန်းသစ်မှုကလူတွေ မရှိမဖြစ်၊ မသုံးမဖြစ်ဖြစ်အောင်လုပ်တဲ့ပညာ။ Pebble Watch ကိုဘယ်လောက်ချစ်ချစ်ဒီနေ့မှာတော့ တခြားနာရီတွေဖြစ်သွားပြီ။ နည်းပညာမားကတ်တင်းမှာလူတွေ အသုံးပြုရလွယ်ကူအောင်လုပ်နိုင်တာက မားကတ်တင်းပဲ။ Myspace တို့၊Friendster တို့၊16 နှစ်ကျော်ခံခဲ့တဲ့ Gtalk တို့ဒီနေ့မသုံးကြတော့ဘူး။ ဒါက အပြောင်းအလဲပဲ။ ဘဝမှာ နေ့စဥ် မရှိမဖြစ်တကယ့်အသုံးပြုနေရတဲ့နည်းပညာကုန်ပစ္စည်းတွေအတွက်အကောင်းဆုံးမားကတ်တင်းက“သိ”၊ “သုံး”၊ “သင်”ပဲ။ သိအောင်လုပ်။သုံးအောင်လုပ်။တခြားသူတွေကို သုံးအောင်ပြန်သင်ပေးခိုင်း။Snapchat တို့လိုပေါ့။ #GMC

မားကတ်တင်းရဲ့ အဓိပ္ပာယ်ဖွင့်ဆိုချက်တွေကိုမတူညီတဲ့ဆရာတွေကိုမေးကြည့်မတူညီတဲ့ အဓိပ္ပာယ်ဖွင့်ဆိုချက်တွေကိုတွေ့လိမ့်မယ်။ တချို့က ဖောက်သည်ရဲ့လိုချင်တာလိုအပ်တာကို နှစ်ဦးနှစ်ဖက်အကျိုးရှိရှိ ဖြည့်ဆည်းပေးတာ။ တချို့က ဖောက်သည်နဲ့ အကျိုးအမြတ်ရမည့်ရေရှည်ဆက်ဆံရေး တည်ဆောက်တာ။ တချို့က စိတ်ဝင်စားအောင်လုပ်တာ။ တချို့က သူစိမ်းတွေကို အသိ၊အသိကိုဖောက်သည်၊ဖောက်သည်ကို အမာခံ၊အမာခံပရိသတ်ကို အတွင်းလူအဖြစ်ပြောင်းတာ။ တချို့က မားကတ်တင်းဆိုတာအမြင်ပြောင်းပညာ။ တချို့က မားကတ်တင်းဆိုတာစျေးကွက်ရှာဖွေမှု ပညာ။ အဓိပ္ပာယ်ဖွင့်ဆိုချက် နောက်တစ်ခုရှိတယ်။ ဒါနဲ့ ဂေါ်ရဲလား?

မားကတ်တင်း မိုးလင်းသိမယ် 😀 ဒီကိုးဆင့်ကိုလုပ် ၁။ ဘာရောင်းမလဲ?၂။ ဘယ်သူဝယ်မလဲ?၃။ ဘာကြောင့်ဝယ်သင့်သလဲ?၄။ ဝယ်သင့်တာကို ဘယ်လိုပြောမလဲ?၅။ ဘယ်ကနေပြောမလဲ?၆။ လာမေးရင် ဘယ်လိုဖြေပြီးရောင်းမလဲ?၇။ ဘယ်လိုပို့မလဲ?၈။ ဘယ်လို စိတ်တိုင်းပိုကျအောင်လုပ်ပေးလို့ရမလဲ?၉။ ဘာလိုကုန်ပစ္စည်းတွေနဲ့ဖောက်သည်ဘဝပိုကောင်းအောင်လုပ်ပေးမလဲ? #GMC

လုပ်ငန်းတွေ ဘာကြောင့်မအောင်မြင်လဲ? ၁။ လူသိအောင်မလုပ်နိုင်လို့၂။ လူကြိုက်အောင်မလုပ်နိုင်လို့၃။ လူတွေယုံကြည်အောင် မလုပ်နိုင်လို့၄။ လူတွေ ဆက်သွယ်မေးမြန်းအောင် မလုပ်နိုင်လို့၅။ လူတွေ ဝယ်အောင်မလုပ်နိုင်လို့၆။ လူတွေ ထပ်ဝယ်အောင် မလုပ်နိုင်လို့၇။ လူအချင်းချင်းကြား ကောင်းသတင်းပြန်ပြောအောင် မလုပ်နိုင်လို့။ #GMC

မားကတ်တင်းလုပ်တဲ့အခါလူများများ သိလေလေကောင်းလေလေဆိုပြီးလူအများစုထင်တတ်ကြတယ်။ လူများများ သိအောင်မလုပ်ပဲမားကတ်တင်းလုပ်တဲ့ နည်းတစ်ခုရှိတယ်။ဒါကို ဒိုင်လျိုမားကတ်တင်းလို့ခေါ်တယ်။အင်္ဂလိပ်လိုဆို Niche Marketing ပေါ့။ ဒိုင်လျိုမားကတ်တင်းရဲ့သဘောတရားအရလူတိုင်းဝယ်နေတာကို ငါတို့မဝယ်ဘူး။ငါတို့က လူအများစုစဥ်းစားတာနဲ့မတူဘူး။ တဖြည်းဖြည်းချင်း ဒီ ဒိုင်လျိုဂေဟစနစ်ထဲကိုရောက်လာတဲ့အခါတခြားအုတ်ရောရော ကျောက်ရောရောတွေကိုကုန်ပစ္စည်းတွေကိုတစ်သက်လုံးစိတ်မဝင်စားတော့ဘူး။ ဒိုင်လျိုမားကတ်တင်းကစိတ်ရှည်ရတယ်။ဥာဏ်သုံးရတယ်။ဖောက်သည်ကို အထူးနားလည်ရတယ်။ #GMC

ဖောက်သည်ရဖို့ အရင်ကထုတ်တာနဲ့ရောင်းရပြီ။ နောက်ပိုင်း ထုတ်ပြီးအရည်အသွေးကောင်းမှရောင်းရတော့တယ်။ နောက်ပိုင်း ထုတ်ပြီးအရည်အသွေးကောင်းတာအပြင်သေချာရှင်းပြမှ ရောင်းရတော့တယ်။ နောက်ပိုင်း ထုတ်ပြီးအရည်အသွေးကောင်းတာအပြင်ရှင်းပြစရာမလိုလောက်အောင်ကိုယ့်လုပ်ငန်းရဲ့ ကုန်ပစ္စည်း၊ ဝန်ဆောင်မှုအကြောင်းကို ရင်းနှီးနေအောင်လုပ်ထားမှရောင်းရတဲ့ခေတ်ဖြစ်လာတယ်။ဒါကို ဒီနေ့ခေတ်မှာ မားကတ်တင်းလို့ခေါ်တယ်။ မားကတ်တင်းကအလယ်တန်းကစားတာနဲ့တူတယ်။သူအားကောင်းလွန်းတဲ့အခါအရောင်းက ဂိုးသွင်းတာလွယ်သွားတယ်။ဖောက်သည်ဝန်ဆောင်မှုပေးတယ်ဆိုတာဂိုးပြန်မပေးရဖို့ နောက်တန်းနဲ့တူတယ်။ #GMC

မားကတ်တင်းမှာ အရေးအကြီးဆုံးစကားလုံးက positioning ပဲ။လူတွေရဲ့ ရင်ထဲဘယ်ပုံစံနေရာယူမလဲ။ဒီလို နေရာယူဖို့ စဥ်းစားရတဲ့အချက်တွေရှိတယ်။ဒါကို STP ဆိုတာနဲ့ လုပ်တယ်။ ဥပမာ ကိုယ်က မျက်နှာသစ်ဆပ်ပြာထုတ်တယ်ဆိုပါတော့။မားကတ်တင်းဆိုတာ ဒီကုန်ပစ္စည်းထုတ်ခင်ကတည်းက စတယ်။ဘယ်သူတွေအတွက်ထုတ်မှာလဲ။ဘာတွေပိုကောင်းမလဲ။ဘယ်လိုထုတ်မှာလဲ။ဘယ်လောက်နဲ့ရောင်းမလဲ။အစရှိတဲ့မေးခွန်းတွေအတွက်လေ့လာရတယ်။ ဒါကို market research လုပ်တယ်။စျေးကွက်သုတေသနလုပ်တယ််လို့ခေါ်တယ်။market research နဲ့marketing research နဲ့မတူဘူး။Research ဆိုတာ ပြောဆိုမေးမြန်းကြည့်ရှုပြီး ကိုယ့်မေးခွန်းတွေအတွက်အဖြေရှာဖွေရေးဖြစ်စဥ်ဖြစ်တယ်။ဒီအပေါ်မူတည်ပြီး ဆုံးဖြတ်ချက်ချတယ်။ မျက်နှာသစ်ဆပ်ပြာရောင်းလို့ရမည့်သူတွေကို ခွဲကြည့်မယ်ဆို၁။ အမျိုးသမီးငယ်စျေးကွက်၂။ Lady စျေးကွက်၃။ အာကြီးမစျေးကွက်၄။ ဖွားဖွားစျေးကွက်၅။ ကလေးတွေအတွက်၆။ ဝက်ခြံပေါက်တဲ့ ဆယ်ကျော်သက်အားတီတို့အတွက်၇။ ခန့်ချောကြီး သာကောတို့အတွက်၈။ အသက်ကြီးပိုင်းရောက်နေတဲ့ senior သာကောစျေးကွက်၉။ ဘိုးဘိုးစျေကွက်ဒီလို ခွဲခြမ်းတာကို segmentation လို့ခေါ်တယ်။ဒီပေါ်မူတည်ပြီး ဘယ်သူတွေကိုရွေးမလဲပြန်စဥ်းစားရတယ်။ ဥပမာ အားတီတို့နဲ့ သာကောတို့စျေးကွက်ရွေးမှာလား။ကလေးတွေသုံးလို့ရတဲ့ မျက်နှာသစ်လုပ်မှာလား။အမျိုးသမီးလေးတွေအတွက်လား။ရွေးရပြီ။ဒီနေ့ခေတ်က အရင်လို တစ်ခုထုတ်ပြီးလူတိုင်းပစ်တဲ့ ခေတ်မဟုတ်တော့ဘူး။ရွေးချယ်စရာများလာတဲ့ခေတ်မှာလူတိုင်းအတွက် အကိုက်ညီဆုံးဖြစ်အောင်