progress

ဘဝမှာ ပျော်ချင်ရင်တပါးသူတွေအပေါ်ထားတဲ့မျှော်မှန်းချက်တွေလျော့။ ဘဝမှာ တော်ချင်ရင်ကိုယ့်အပေါ်ကိုယ်ထားတဲ့မျှော်မှန်းချက်တွေတင်။ Phyo Paing @ Derek

လောကအမြင်ကိုမိဘနဲ့ အသိုင်းအဝိုင်ဆီကအများစုက သင်ယူလာကြတယ်။ ဒါကြောင့် ပညာတတ်တဲ့မိသားစုတွေက ပညာတတ်တွေပိုထွက်ကြပြီးချမ်းသာတဲ့မိသားစုတွေကချမ်းသာတဲ့သူတွေပိုထွက်တယ်။ အေးချမ်းတဲ့မိသားစုကလဲအေးချမ်းသူတွေပိုထွက်တယ်။ တိုင်ပတ်တဲ့ မိသားစုကလဲတိုင်ပတ်တဲ့သူတွေ ပိုထွက်တယ်။ ဘာကြောင့်လဲဆို လောကအမြင်ကြောင့်။ ဒါကြောင့် ဗုဒ္ဓက မဂ္ဂင်ရှစ်ပါးရဲ့ပထမတစ်ပါးမှာမှန်ကန်တဲ့အမြင်ရှိရမယ်။သမ္မာဒိဋ္ဌိအရေးကြီးတယ်။ လောကအမြင်တွေမတူတော့ဘဝတွေမတူကြတော့ဘူး။ Phyo Paing @ Derek

လမ်းပျောက်တယ်လို့သိတဲ့သူကလမ်းရှာနေတဲ့သူဖြစ်ဖို့များတယ်။ လမ်းမရှာတဲ့သူကလမ်းပျောက်လို့ပျောက်မှန်းသိချင်မှသိမယ်။​ Phyo Paing @ Derek

အဿပြာပြည့်စုံရင်အဓိပ္ပာယ်ရှာတတ်တာလူတွေရဲ့သဘော သဘာဝ။ Money ပြီးရင်Meaning ရှာတယ်။ ရှင်သန်မှုရဲ့အဓိပ္ပာယ်ကိုတချို့က အချစ်ကရှာတယ်။တချို့က အလုပ်ကရှာတယ်။တချို့က အောင်မြင်မှုကရှာတယ်။တချို့က အာဏာပါဝါက ရှာတယ်။တချို့က ပေးဆပ်မှုကရှာတယ်။တချို့က တွေ့ရှိမှုကရှာတယ်။တချို့က မျှဝေမှုကရှာတယ်။တချို့က ဘာသာတရားကိုးကွယ်မှုကရှာတယ်။ ရှင်သန်မှုရဲ့ အဓိပ္ပာယ်ရှာမတွေ့တဲ့အခါလောကမှာ လမ်းတွေပျောက်တယ်။သောကတွေများပြီးဒေါသတွေပွားတယ်။အခြေခံကကိုယ့်ရဲ့ရှင်သန်ခြင်းအဓိပ္ပာယ်ကိုမသိနားမလည်ခြင်း မောဟကလာတယ်။ သောကတွေနည်း၊ဒေါသတွေစဲဖို့ကိုယ့်ရှင်သန်ဖို့ရဲ့အဓိပ္ပာယ်ရှာဖို့လိုတယ်။ Logo ဆိုတာ အဓိပ္ပာယ်။ဘဝရဲ့အဓိပ္ပာယ်ရှာဖွေခြင်းနဲ့လူတွေရဲ့စိတ်ရောဂါကိုကုသပေးတဲ့Logotherapy ဆိုတာစိတ်ပညာမှာ ရှိတယ်။Man’s search for meaningဘဝအဓိပ္ပာယ်ရှာဖွေခြင်းလို့ဆိုတဲ့ကမ္ဘာကျော်စာအုပ်ကိုရေးခဲ့တဲ့Dr. Viktor Frankl ဖန်တီးထားတာ။ ဘဝကိုအသက်ရှင်ပြီး အသက်ဝင်ချင်ရင်အဿပြာတွေရှာနေရင်းနဲ့အဓိပ္ပာယ်ပါရှာဖို့လိုတတ်တယ်။ Phyo Paing @ Derek

အေးချမ်းမှုအရသာကိုသိပြီးတော့ပူလောင်မှုတွေမရချင်တော့ဘူး။ ဖြစ်ချင်တာတွေများပြီးဖြစ်နိုင်တာတွေနည်းနေရင်ပူလောင်တာပဲ။ ဖြစ်ချင်တာနဲ့ ဖြစ်နိုင်တာမျှနေရင်ဘဝက အထာကျကျစီးဆင်းနေမယ်။ နေတဲ့နေရာ၊လုပ်တဲ့အလုပ်၊တွေ့တဲ့သူ၊တွေးနဲ့အတွေး၊နေ့စဥ်အမူအကျင့်အရေးကြီးတယ်။ Phyo Paing @ Derek