March 2022

ကမ္ဘာပေါ်မှာ ဓာတ်တွေကိုယုံကြည်တဲ့ထဲမှာ တရုတ်တွေပါတယ်။အဖိုဓာတ် Ying နဲ့ အမဓာတ် Yang ခွဲပြီးတရုတ်ဆေးပညာတွေ၊သိုင်းပညာနဲ့ တာအိုဇင် Taoism တွေဖြစ်ပေါ်လာတယ်။ ဓာတ်ကောင်းအောင် နေအိမ်ကိုဖုန်းဆွေ 风水 (Feng Shui) တွေကြည့်ပြီးဘယ်လိုအိမ်နေသင့်တယ်၊ဘယ်လိုအိမ်မနေသင့်ဘူး။အိမ်တစ်ခုအထားအသိုဘယ်လိုဖြစ်ရမယ်။လမ်းကိုပိတ်ထားတဲ့အိမ်မှာ မနေဘူး။ကိုယ့်အိမ်ရှေ့တံခါးပေါက်နဲ့အိမ်နောက်ပေါက် ဒိုးယိုပေါက်ဖြစ်မနေရဘူး။ဖြစ်ရင် ဝင်တဲ့ငွေချက်ချင်းပြန်ထွက်တယ်။ဒီလို ဖုန်းဆွေပညာရပ်တွေကဓာတ်ကိုအခြေခံတယ်။ ကိုယ်ရည်ကိုယ်သွေးနဲ့ astrologyအင်္ဂဝိဇ္ဇာ၊ မျက်နှာသွင်ပြင် တွေလဲဓာတ်ပေါ်အခြေခံတယ်။ရေဓာတ်၊ မီးဓာတ်၊ မြေဓာတ်၊သစ်သားဓာတ် အစရှိသည်။ ငွေကိုလဲ ဓာတ်တစ်ခုလိုမြင်ကြသလိုတော်တဲ့သူ၊ ကံကောင်းတဲ့သူကငွေဓာတ်ကိုဆွဲဆောင်နိုင်တယ်လို့ယုံကြတယ်။ ကျောက်စိမ်းဆောင်ရင်၊ရတနာတွေဆောင်ရင် ဓာတ်ကောင်းတယ်။ကံကောင်းတယ်လို့လဲ ယုံကြည်ကြတယ်။ ဒါနှစ်ပေါင်း ၅၀၀၀ ကျော်ဖြတ်သန်းလာတဲ့သမိုင်းကြောင်းရှိပြီး သံလိုက်အိမ်မြှောင်၊စက္ကူ၊ ငွေကြေး၊ ယမ်းမှုန့်၊ ပုံနှိပ်၊နာရီနဲ့ ပိုးထည်တွေကိုတည်ထွင်ခဲ့တဲ့လူ့အဖွဲ့စည်းတစ်ခုကဆိုတော့မယုံလို့လဲ မရပြန်ဘူး။ တခါတလေ မတွေ့တာကြာပြီဖြစ်တဲ့လူတစ်ယောက်အကြောင်းစဉ်းစားနေတုန်းဖုန်းဝင်လာတာမျိုး။ နေရာတစ်ခုကို ပြောင်းလိုက်တဲ့အခါကံတွေ ဇွတ်ကောင်းသွားတာမျိုး။မြန်မာလိုဆို ဘူမိနက်သန်ပေါ့။အဓိပ္ပာယ်ကတော့ အောင်မြေဆိုပါတော့။ လူတစ်ယောက်နဲ့တွေ့လိုက်တဲ့အခါဘူသွားတာဖြစ်နိုင်သလိုကံတွေအရမ်းကောင်းလာတာဖြစ်နိုင်တယ်။ဒါကြောင့် ဓမ္မသောက၊ အင်းဝရာဇာလိုမျိုးအိမ်ထောင်ဖက်ရွေးတဲ့အခါဓာတ်တွေထွက်ချက်တဲ့စနစ်တွေရှိကြတယ်။ အရင်ကတော့ BS