September 2023

သံသရာဆိုတာ အဆုံးမသတ်တဲ့အပိုင်းဆက် ဇာတ်ကားရှည်ပါပဲ။ သံသရာကို ယုံရင် ဒီနေ့ပိုင်ဆိုင်ထားတဲ့အရာကရေပွတ်ပမာ ခဏတာပါပဲ။မျက်စိတစ်မှိတ် လျပ်တဖျက်မှာအရာရာ ပြောင်းလဲသွားမှာပဲ။ လောကဓံရဲ့ စမ်းသပ်မှုတွေကြားကသံသရာထဲက လွတ်ရာမြောက်ကြောင်းအတွက်နေ့စဉ် စိတ်ထားတတ်အောင်လေ့ကျင့်ယူနေကြတဲ့ပုထုဇဉ် လူတွေကြီးပဲ။ ပုထုဇဉ်မို့ မပြီးပြည့်စုံသေးတာသဘာဝပါပဲ။ ဒီနေ့ ကိုယ့်ရန်သူကို မတရားသဖြင့်အမှုန့်ခြေလိုက်ရလို့ပျော်နေပေမယ့်သံသရာတစ်ပတ် ပြန်လာတဲ့အခါကိုယ့်ဖက်က အဆင်သင့်ဖြစ်ဖို့လိုတယ်။ ကံ ကံ၏အကျိုးဆိုတာလောက နိယာမတစ်ခုပဲ။ လောကနိယာမက ဘယ်သူ့ကိုမဆိုမျက်နှာ မလိုက်ဘူး။ ယတြာခြေတယ်ဆိုတာ ကံဇာတာအဆိုးတွေကိုဆိုင်းငံ့ဖို့ လုပ်ဆောင်တာနဲ့ တူနိုင်သလိုအနာဂတ်ကံကို အငှါးသုံးတာနဲ့ တူနိုင်တယ်။ လောကဓံရဲ့ စမ်းသပ်မှုတွေကြားသံသရာလွတ်ကြောင်းအတွက်နေ့စဉ် လေ့ကျင့်နေပါတယ် မြတ်ဗုဒ္ဓလို့ပဲ တခါတခါ နှလုံးသွင်းမိတယ်။ Phyo Paing @ Derek

မိတ်ဆွေမှာ သိစိတ်ရှိတယ်။နောက်တစ်ခုက မသိစိတ်ရှိတယ်။အမှတ်စာရင်းကို ခန္ဓာကိုယ်ကြီးမှာဖော်ပြတယ်။ သိစိတ်မှာ အသိရှိတယ်။ဆုံးဖြတ်ချက်တွေကို သတိနဲ့ချတယ်။သတိရှိတဲ့ အသိကိုအသုံးပြုပြီးမသိစိတ်ကို ထိန်းကြောင်းရတယ်။ မသိစိတ်က မှန်တယ်မှားတယ်မသိဘူး။သူ့ထဲထည့်ထားတဲ့ သတင်းအချက်အလက်အတွေ့အကြုံတွေ အတိုင်းလုပ်ဆောင်တာပဲ။ ငယ်ဘဝအတွေ့အကြုံတွေ၊လေ့လာခဲ့တဲ့အရာတွေ၊အဖြစ်အပျက်တွေ၊ စိတ်ခံစားမှုတွေ ဒါတွေအားလုံးပေါင်းစပ်ထားတဲ့ ပရိုဂရမ်တစ်ခုလို့ယူဆကြည့်။ စားနေကျအချိန်မှာ စားချင်တယ်။လုပ်နေကျအရာကို လုပ်နေကျအချိန်မှာလုပ်ချင်တယ်။ကောင်းတာဆိုးတာတွေ မသိဘူး။ အတိတ်ရဲ့ အမူအကျင့်တွေ ရောသမမွေထားတယ်။ ကိုယ်က အဲ့ဒီမသိစိတ်ကို ဖြစ်သလိုထားလိုက်တယ်ဆိုခန္ဓာကိုယ်ကြီးမှာ ဖြစ်သလိုအမှတ်စာရင်း လာဖော်ပြလိမ့်မယ်။ ကျန်းမာကြံ့ခိုင်ရေး၊ စီးပွားရေး၊ဝင်ငွေ၊ လူမှုရေး၊ အချစ်ရေး၊ မိသားစုရေးရာ၊ စိတ်ငြိမ်းချမ်းရေးဒါတွေ အကုန်လုံးက အမှတ်စာရင်းပဲ။ မိတ်ဆွေရဲ့ ပရိုဂရမ်အလုပ်လုပ်တာကောင်းတဲ့ဖက်သွားနေလား၊ ဆိုးတဲ့ဖက်သွားနေလား၊သတိလေးကပ်ပြီးကိုယ်ရဲ့သိစိတ်နဲ့ ပြန်လည်ချိန်ဆရတတ်တယ်။ Phyo Paing @ Derek