October 2023

လူတစ်ယောက်မှာလဲ မတူညီတဲ့ နတ်တွေရှိတယ်လို့ဥပစာပုံစံနဲ့ စဥ်းစားကြည့်ကြည့်။ တချို့နတ်တွေက နတ်ကောင်းနတ်မြတ်။တချို့က နတ်ဆိုး။ တချို့က နတ်ပျင်း။ တချို့က နတ်ဖျင်း။တချို့က နတ်ငပေါ။ ဒီလိုမတူညီတဲ့ နတ်တွေကိုမတူညီတဲ့အချိန်တွေမှာ လှုပ်နှိုးနိုင်ဖို့ သူတို့နဲ့ ဆက်ဆံရေးကောင်းဖို့လိုတယ်။ ဒါကို Law of Relationship လို့နာမည်ပေးထားကြည့်တယ်။ လူတိုင်းမှာက Bright Side ရှိသလို Dark Side လဲရှိတယ်။ Inside Out Movie ထဲကလိုပဲ။ ကိုယ်က အဲ့ဒီနတ်တွေနဲ့ ဆက်ဆံရေးကောင်းပြီးဘယ်အချိန်မှာ ဘယ်နတ်ကိုခေါ်ရမလဲ၊ ဘယ်အချိန်မှာ နောက်ဆုတ်ခိုင်းရမလဲသိဖို့လိုတယ်။ Phyo Paing @ Derek

Give and Take ပါ။ Take and Give မဟုတ်ပါဘူး။ တစ်ခုခုလိုချင်တာရှိရင်ကိုယ့်ဖက်က အရင်ပေးရပါတယ်။ ဒါကိုတော့ Law of Reciprocity လို့ခေါ်ကြတယ်။ Reciprocity ဆိုတာ Re (ပြန်လည်ရဖို့)Pro (အရင်) လုပ်ဆောင်ထားတာဖြစ်ပါတယ်။ ဆုတောင်းတယ်ဆိုတာလဲ ကိုယ့်မသိစိတ်က လာအောင် အတွေးအခေါ်ကြိမ်နှုန်း အရင်ကြိုပေးရတယ်။ လေးစားမှုဆိုတာမသိတဲ့ကလေးတွေကလေးစားမှုဆိုတာကို ပြန်မပေးတတ်တာကိုတွေ့ရပါလိမ့်မယ်။ ဘာတွေ အရင်ပေးရမလဲ။ ၁။ အတွေး၂။ အကြံ၃။ အလုပ် ကောင်းမွန်တဲ့ဘဝရဖို့ ကောင်းမွန်တဲ့အတွေး၊ ကောင်းမွန်တဲ့အကြံ၊ကောင်းမွန်တဲ့အလုပ် အရင်ပေးရပါတယ်။ ဒါကတော့ ဥပဒေသ နံပတ်လေးပါ။ သူ့အရှေ့မှာ Law of Attraction Law of Action Law of Appreciation ရှိပါတယ်။ Phyo Paing @

ကိုယ့်ကိုပေးလိုက်တဲ့ အရာတစ်ခုကိုကျေးဇူးတင်လေလေ၊ ဒီလို အရာက ကိုယ့်ဘဝထဲပိုရောက်လာလေလေ။ တော်တဲ့သူက ပိုတော်တယ်။ ချမ်းသာတဲ့သူက ပိုချမ်းသာတာတွေ့ကြလိမ့်မယ်။ ကိုယ်သဘောကျတဲ့အရာကို တစ်ဖက်လူကို သဘောကျကြောင်းကျေးဇူးတင်ကြောင်းပြောတဲ့အခါပိုလုပ်ပေးချင်စိတ်များသလို ကိုယ့်ကိုမသိစိတ်ကိုလဲကျေးဇူးတင်ကြောင်းပြောပေးရတယ်။တချို့ကလဲ ယူနီဗာ့ကို ကျေးဇူးတင်ကြောင်းပြောကြတယ်။ အကြောင်းအရင်းတစ်ခုက ကိုယ့်ဘဝမှာ ရရှိထားတဲ့ ကိုယ်ကျေနပ်စိတ်တိုင်းကျတဲ့အရာတွေကိုကျေးဇူးတင်တတ်ဖို့ပါ။ ဒါကို Law of appreciation လို့ခေါ်လိုက်တယ်။ ကိုယ့်ဘဝမှာ ကျေးဇူးတင်တဲ့အရာတွေကို ချရေးကြည့်ကြည့်ပါ။နောက် အမြဲစဥ်းစားကြည့်ပါ။ ကျွန်တော့်အနေနဲ့ဆို ကိုယ်ရူးသွပ်တဲ့ အကြောင်းအရာတွေကို မျှဝေခွင့်ရတာ ကျေးဇူးတင်တယ်။ ဒီလိုမျှဝေရင်းနဲ့ လုပ်ငန်းတွေတည်ဆောက်လို့ရတာကျေးဇူးတင်မိတယ်။ နောက်ကိုယ့်ကိုနားလည်တဲ့သူတွေ၊ကူညီဖို့ဆို အသင့်ဆိုတဲ့သူတွေရှိနေတာကျေးဇူးတင်တယ်။ ကိုယ်လိုချင်တာတွေကို မဖြစ်ဖြစ်အောင်လုပ်ပေးတဲ့ကိုယ့်ကိုယ်ကိုလဲ ကျေးဇူးတင်တယ်။ Law of AttractionLaw of Action နဲ့တွဲတဲ့နောက်ဥပဒေသတစ်ခုက Law of Appreciation Phyo Paing @ Derek

Law of attraction မှာ ကိုယ်လိုချင်တာရဖို့ အတားအဆီးတွေဖြုတ်ပြီးရင်ဒုတိယ လုပ်ရမှာက Law of action ပါ။ ဒီ Law of action လုပ်ဖို့ စဥ်းစားဥာဏ်ထက်မြင့်တဲ့ အလိုလိုသိစိတ် intuition ကို အသုံးချနိုင်ဖို့လိုတယ်။ အကောင်းဆုံးအိုင်ဒီယာတချို့ကခရီးသွားရင်း၊ ရေချိုးရင်း၊တရားထိုင်ရင်း၊ ကားမောင်းရင်းကောက်ခါငင်ခါ ရတတ်ပါတယ်။ ဒါကြောင့် သိစိတ်ရဲ့စဥ်းစားဥာဏ်အပြင်မသိစိတ်ရဲ့ စွမ်းအားဖြစ်တဲ့ အလိုလိုသိစိတ်က ပေးတဲ့ မက်ဆေ့ကိုအသုံးပြုပြီးလုပ်ဆောင်ဖို့လိုတယ်။ တချို့လုပ်ရပ်တွေက နေ့စဥ်လုပ်ဆောင်နေရတယ်။တချို့လုပ်ရပ်တွေက ကောက်ခါငင်ခါလုပ်ဆောင်ရတယ်။ ဒီ မသိစိတ်၊ တချို့ကတော့ ယူနီဗာ့ပေါ့။ဒီကပေးတဲ့ မက်ဆေ့တွေကို ကောက်ခါငင်ခါလုပ်ယူလိုက်လို့ရတယ်။ ဒါကတော့ Law of Action ပါ။ တခါတလေ ကိုယ့်မသိစိတ်ကိုပြန်မေးကြည့်။ အခုငါဘာလုပ်သင့်သလဲ။ Phyo Paing @ Derek

ကိုယ်စိတ်ကူးထားတဲ့ အရာတိုင်းကဘဝထဲကို တဖြည်းဖြည်းရောက်လာတဲ့Law of attraction ဆိုတာရှိတယ်။ ဒါနဲ့ အတူအလုပ်လုပ်တဲ့ ဥပဒေသ ငါးခုထပ်ရှိတယ်။ ပထမတစ်ခုက Law of Attraction ကိုယ်လိုချင်တာကို စိတ်ကူးပုံဖောက်ကြည့်။ခံစားကြည့်ကြည့်။ လိုချင်တာတွေ ရလာဖို့ အဆင်သင့်ဖြစ်နေဖို့စိတ်ပိုင်းဆိုင်ရာကို ပြင်ဆင်။ ဒီ Law of attraction ကိုသုံးဖို့အတားအဆီးတစ်ခုက ပိတ်ဆို့မှု blockage ပဲ။ စိတ်ပိုင်းဆိုင်ရာ ပိတ်ဆို့မှု။ မဖြစ်နိုင်ပါဘူး။ အပိုတွေပါ။ အဲ့အတွက် အချိန်တွေစောင့်ဖို့လိုသေးတယ်။ ဒီ အတားအဆီး၊ အစိုင်အခဲတွေကိုဖယ်ရှားဖို့လိုတယ်။ ဒါကိုကျော်ဖြတ်ဖို့နည်းလမ်းအများကြီးရှိတယ်။အဲ့ဒီနည်းလမ်းအများကြီးထဲမှာဆို ဟာဝိုင်ရီက လူမျိုးတွေအသုံးပြုတဲ့ho’oponopono ဆိုတဲ့နည်းအသုံးပြုလို့ရတယ်။ I am sorry. Please forgive me. I love you. Thank you. ငါမှားသွားတယ်။ငါ့ကိုခွင့်လွတ်ပါ။ ငါမင်းကိုချစ်တယ်။ ကျေးဇူးတင်ပါတယ်။

ကျွန်တော်ကတော့ အားလုံးအတွက်ကိုယ်လုပ်ပေးနိုင်တာကလဲများများစားစားမရှိဘူး။ ကျွမ်းကျင်တာလဲများများစားစားမရှိဘူး။ ကိုယ်မွေးခဲ့တဲ့ မွေးရပ်မြေအတွက်ပညာရေးနဲ့ နည်းပညာအသုံးပြုပြီးအပြောင်းအလဲလုပ်ပေးနိုင်ရမယ်လို့လုံးဝ ခံယူထားတယ်။ တစ်ပြိုင်တည်းမှာပဲလုပ်ချင်တာတွေ ဆက်လုပ်ဖို့ပိုက်ဆံရှာဖို့လဲလိုတယ်။ ဒီခံယူချက်နဲ့ပဲ ဖြတ်သန်းလာတာပဲ။ ဒါကြောင့်လဲ နေ့တိုင်းမဖြစ်မနေကိုယ်သိထားတာတွေကိုကိုယ့်လိုတိုးတက်ချင်တဲ့သူတွေအတွက်မျှဝေပေးခဲ့တာ ၂၀၁၆ တည်းကပဲ။ ဒရာမာတွေနဲ့လဲ အချိန်ကုန်မခံချင်ဘူး။ သေသွားတဲ့အခါ လိပ်ပြာလုံချင်တယ်။ကိုယ့်ကြောင့်အနာဂတ်ကလေးငယ်တွေဘဝပိုလှပ လာရမယ်။ကျွန်တော်စဉ်းစားတာ မှန်ချင်မှလဲမှန်လိမ့်မယ်။ Phyo Paing @ Derek

တူညီတဲ့အကြံဥာဏ်တစ်ခုကမတူညီတဲ့ ဘဝအခြေအနေမှာရှိနေသူတွေ အားလုံးအတွက်မတူညီတဲ့ ရလဒ်တွေရနိုင်တယ်။ Virgin တည်ထောင်သူRichard Branson က အခွင့်အရေးတစ်ခုပေးလို့ လုပ်နိုင်မလုပ်နိုင် မသိရင်အရင် Yes လို့ပြောလိုက်။ နောက်မှ နည်းလမ်းရှာတဲ့။ Warren Buffett ကတော့တကယ်အောင်မြင်တဲ့သူတွေက အရာရာတိုင်းနည်းပါးကို No လို့ပြောကြတယ်တဲ့။ အခွင့်အရေးတွေ့တိုင်း Yes လို့မပြောဘူး။ အကြံဥာဏ်တစ်ခုယူရင်ကိုယ်က ဘယ်အချိန်၊ ဘယ်အခြေအနေမှာလဲသိဖို့လိုတယ်။ မတူညီတဲ့ အချိိန်၊မတူညီတဲ့ အခြေအနေမှာမတူညီတဲ့ လုပ်ဆောင်မှုတွေလိုတယ်။ Phyo Paing @ Derek