June 2025 – Dr. Phyo Paing

ဘဝမှာ အခက်အခဲဆုံးအရာက
move on ဖြစ်ဖို့။

Leave a Comment / Life, Progress / Dr. Phyo Paing

ဘဝမှာ အခက်အခဲဆုံးအရာကmove on ဖြစ်ဖို့။ ဘဝမှာ ခဏခဏmove on လုပ်ရတတ်တယ်။ ကိုယ်မျှော်လင့်ထားတဲ့အတိုင်းဖြစ်မလာတဲ့ အဖြစ်အပျက်တွေကိုနာကျင်စွာနဲ့ နှလုံးသွင်းmove on လုပ်ခဲ့ဖူးကြလိမ့်မယ်။ သင်ခဲ့တဲ့စာတွေနဲ့လက်တွေ့ဘဝနဲ့မကိုက်တဲ့အခါသင်ခန်းဟောင်းတွေကနေmove on လုပ်ရတယ်။ ဘဝမှာ လာရာတွေတူခဲ့ပေမယ့်လားရာမတူတဲ့သူတွေရဲ့လမ်းခွဲမှုကနေmove on လုပ်ရတတ်တယ်။ ခေတ်ပြောင်း၊ စနစ်ပြောင်းတဲ့အခါလိုအပ်တဲ့ စကေးအပြောင်းမှာစကေးအဟောင်းတွေကိုထားခဲ့move on လုပ်ရပြန်တယ်။ ဖြစ်နေတဲ့ပုံစံကိုမကြိုက်တဲ့အခါလုပ်နေကျပုံစံတွေကိုစွန့်လွတ်ပြီးmove on လုပ်ရပြန်တယ်။ ဘဝမှာ သင်ခန်းစာယူပြီးmove on လုပ်နိုင်တိုင်းအရာရာပိုကောင်းလာနိုင်တာဘဝပါပဲ။ ဒါကြောင့် အရာရာပိုကောင်းဖို့ဖြစ်လာတာပါလို့အမြဲနှလုံးသွင်းဖြစ်တယ်။ Phyo Paing @ Derek

ဘဝမှာ အခက်အခဲဆုံးအရာက
move on ဖြစ်ဖို့။ Read More »

မှန်ကန်တဲ့သူတွေမှာ
ရင်းနှီးမြုပ်နှံနိုင်ဖို့အရေးကြီးတယ်။

Leave a Comment / Life, Progress / Dr. Phyo Paing

မမှန်ကန်တဲ့သူတွေမှာရင်းနှီးမြုပ်နှံမှု မလုပ်ပါနဲ့။ ဝန်ထမ်းပဲဖြစ်ဖြစ်၊ချစ်သူရည်းစားပဲဖြစ်ဖြစ်၊လူတွေနဲ့ပတ်သက်ရတဲ့အခါမှန်ကန်တဲ့သူတွေမှာရင်းနှီးမြုပ်နှံမှုပြုနိုင်ဖို့အရေးကြီးတယ်။ မမှန်ကန်တဲ့သူတွေမှာကိုယ့်အချိန်၊ငွေကြေး၊အာရုံစိုက်မှု၊စွမ်းအင်ရင်းနှီးမြုပ်နှံမှုပြုလုပ်ပြီးသဲထဲရေသွန်ဖြစ်တဲ့အခါနာကျင်ရတတ်တယ်။ ဒါကြောင့် ရင်းနှီးမြုပ်နှံမှုမလုပ်ခင်လူရွေးရရင်ရွေး။ရွေးလို့မရတဲ့ ဆွေမျိုးတွေဆိုရင်ဘယ်လောက်ထိလုပ်ပေးလိုက်မယ်ဘောင်ထားတတ်ဖို့လိုတယ္။ ဘဝမှာ သံသရာခရီးအတွက်အရင်းအနှီးတစ်ခုဆို မှားမယ်မထင်ဘူး။ မှန်ကန်တဲ့သူတွေမှာရင်းနှီးမြုပ်နှံနိုင်ဖို့အရေးကြီးတယ်။ ဒီလိုဖြစ်ဖို့ မှန်ကန်တဲ့သူတွေကိုရွေးချယ်နိုင်မှုက အရေးအကြီးဆုံးပဲ။ Phyo Paing @ Derek

မှန်ကန်တဲ့သူတွေမှာ
ရင်းနှီးမြုပ်နှံနိုင်ဖို့အရေးကြီးတယ်။ Read More »

တခြားသူတွေမလုပ်နိုင်ဘဲ
ကိုယ်ပဲလုပ်နိုင်တဲ့အရာ
ဘာရှိသလဲ။

Leave a Comment / Life, Personal Development / Dr. Phyo Paing

ဘာလုပ်ရင်ကောင်းမလဲ။ ကမ္ဘာပေါ်မှာတခြားသူတွေမလုပ်နိုင်ဘဲကိုယ်ပဲလုပ်နိုင်တဲ့အရာဘာရှိသလဲ။ မရှိဘူးဆိုရင်ကိုယ့်နိုင်ငံမှာကိုယ်ပဲလုပ်နိုင်ပြီးတခြားသူတွေ မလုပ်နိုင်တဲ့အရာဘာရှိသလဲ။ မရှိဘူးဆိုရင်ကိုယ့်မြို့မှာကိုယ်ပဲလုပ်နိုင်ပြီးတခြားသူတွေ မလုပ်နိုင်တဲ့အရာဘာရှိသလဲ။ မရှိသေးဘူးဆိုရင်ကိုယ့်ရပ်ကိုယ့်ရွာမှာကိုယ်ပဲလုပ်နိုင်ပြီးတခြားသူတွေ မလုပ်နိုင်တဲ့အရာဘာရှိသလဲ။ မရှိသေးဘူးဆိုရင်ကိုယ့်ကုမ္ပဏီမှာကိုယ်ပဲလုပ်နိုင်ပြီးတခြားသူတွေ မလုပ်နိုင်တဲ့အရာဘာရှိသလဲ။ မရှိသေးဘူးဆိုရင်ကိုယ့် team မှာကိုယ်ပဲလုပ်နိုင်ပြီးတခြားသူတွေ မလုပ်နိုင်တဲ့အရာဘာရှိသလဲ။ ဘာမှ မရှိသေးဘူးဆိုကိုယ့်ဖက်က ရှိဖို့ကျွမ်းကျင်မှုစူပါပါဝါတစ်ခုကိုပြုစုပျိုးထောင်ဖို့လိုလာပြီ။ ဘဝဆိုတာ တိုက်ရိုက်ခေါင်းချင်းတိုက်ပြိုင်တဲ့ဂိမ်းမဟုတ်ဘူး။ညင်ညင်သာသာတိုက်ရိုက်မပြိုင်ဘဲနိုင်အောင်လုပ်တဲ့ ဂိမ်းတစ်ခုပါ။ ဘဝတိုက်ပွဲမှာ နိုင်ဖို့ကိုယ့်ရဲ့ competitive advantageပြိုင်ရင်နိုင်မည့် အားသာချက်ကိုရှာဖွေပျိုးထောင်ဖို့လိုအပ်လာတယ်။ Phyo Paing @ Derek

တခြားသူတွေမလုပ်နိုင်ဘဲ
ကိုယ်ပဲလုပ်နိုင်တဲ့အရာ
ဘာရှိသလဲ။ Read More »

P သုံးလုံး။

Leave a Comment / Life, Progress, Time / Dr. Phyo Paing

ဘဝမှာ အချိန်အများကြီးမရှိဘူး။တစ်နှစ်တစ်နှစ်ဆိုတာဘယ်လို ကုန်လို့ကုန်သွားမှန်းမသိဘူး။ခက်ခဲနေရင်သာကြာတာ၊ပျော်နေရင် အချိန်ကုန်တာပိုမြန်တယ်။ အများတဲ့အချိန်အများကြီးထဲမှာအလုပ်တိုင်းကို လိုက်လုပ်လို့မရဘူး။ဒီတော့ ဘယ်အလုပ်လုပ်ရင်ကိုယ့်အတွက် အကောင်းဆုံးဖြစ်မလဲစဥ်းစားရပြီ။ ဒီလိုစဥ်းစားတဲ့အချိန်မှာအဓိကအချက်သုံးချက်နဲ့စဥ်းစားတယ်။၁။ Passion ကိုယ်အလုပ်အပေါ်ချစ်မြတ်နိုးမှု၂။ Profit ပြန်ရမည့်ငွေကြေးအမြတ်၃။ Purpose လူတွေအပေါ်အကျိုးပြုမှုရည်ရွယ်ချက် ဒီတော့ဘဝမှာ ကိုယ်လုပ်မည့်အလုပ်တွေကိုရွေးချယ်ဖို့ ပထမဦးဆုံးအနေနဲ့ကိုယ်မလုပ်ရရင် မနေနိုင်၊မစဥ်းစားရရင် မနေနိုင်တဲ့အရာတွေကို ချရေးကြည့်။ ဥပမာ ကျွန်တော့်အနေနဲ့ပြောရမယ်ဆိုစိတ်ပညာ၊ အတွေးအခေါ်ပညာ၊မဟာဗျူဟာပိုင်း၊ တိုးတက်ရေးပိုင်း၊စွမ်းဆောင်ရည်တိုးတက်မှုပိုင်းနဲ့ဒါကိုလုပ်ပေးတဲ့ နည်းပညာသစ်တွေ၊စွန့်ဦးတီထွင်မှု၊ ပညာရေး၊သင်ယူမှု၊ သင်ကြားမှုပညာ၊ဝိဇ္ဇာပညာ၊ အိုင်ဒီယာအသစ်တွေအကြောင်း။ဒါတွေကို မလုပ်ရမနေနိုင်ဘူး။ဒါကြောင့် ကိုယ်လုပ်တဲ့အလုပ်တွေကိုဒီအပေါ်မှာ အခြေခံတယ်။ ဒုတိယအနေနဲ့ ကိုယ်မလုပ်ရမနေနိုင်တဲ့အလုပ်တွေကိုလုပ်ပြီးဝင်ငွေဖန်တီးနိုင်တဲ့နည်းလမ်းတွေကိုစဥ်းစားကြည့်ပါ။ချရေးကြည့်ပါ။ ဥပမာ အလွယ်ဆုံးကတော့ကုမ္ပဏီတစ်ခုအလုပ်ဝင်လုပ်တာ။ဒီနေ့ခေတ် အလွတ်တန်းပညာရှင် freelance လုပ်တာ။ကိုယ့်အလားအလာရှိတဲ့ဖောက်သည်တွေသိအောင်social media လူမှုကွန်ယက်မှာblogging/ vlogging လုပ်တာ၊စာရေးတာ။ဒီကမှတစ်ဆင့် ကိုယ်တိုင်လုပ်ငန်းလုပ်တာ။ကိုယ်တိုင်လုပ်ငန်းလုပ်တဲ့အချိန်လဲတခြားသူတွေနဲ့မတူညီတဲ့business model နဲ့ အလုပ်လုပ်နိုင်တာ။ဝင်ငွေရနိုင်မည့် revenue streams တွေအကုန်မျက်စိဖွင့်နားစွင့်ပြီးစဥ်းစားကြည့်ပါ။ တတိယကတော့ purpose ရည်ရွယ်ချက်။ကိုယ့်ဘဝမှာ အသက်ရင်စဥ်လောကကိုပြန်ပေးခဲ့ချင်တဲ့အရာပေါ့။လူသားတစ်ယောက်က ငွေကြေး

P သုံးလုံး။ Read More »

အနာဂတ်ပြဿနာ ကြိုတင်အဖြေရှာပါ။

Leave a Comment / Future, Life / Dr. Phyo Paing

ဘဝဆိုတာ ခက်ခဲတယ်။အနာဂတ်မှာ ဖြစ်နိုင်တဲ့ပြဿနာတွေအတွက်ကြိုတင်အဖြေမရှာထားနိုင်ရင်ပိုလို့တောင်ခက်ခဲသေးတယ်။ သားသမီးရဲ့အနာဂတ်စဉ်းစားတဲ့မိဘတွေကသူတို့သားသမီးတွေရဲ့အနာဂတ်ကို ကြိုတင်စဉ်းစားထားကြတယ်။ ငွေကြေးအရတိုင်မပတ်တဲ့သူတွေကလဲအနာဂတ်ငွေကြေးပြဿနာတွေကိုကြိုတင်တွက်ချက် အဖြေရှာထားကြတယ်။ ဒီနေ့ပြဿနာကိုတောင်ဖြေရှင်းဖို့မကြိုးစားတဲ့သူ၊ဖြေရှင်းဖို့မကြိုးစားနိုင်တဲ့သူရှိမယ်။ဒီနေ့ပြဿနာပဲ ဖြေရှင်းတဲ့သူရှိတယ်။အနာဂတ်ပြဿနာတွေကိုကြိုတင်အဖြေရှာတဲ့သူတွေရှိတယ်။ လူ့ဘဝဆိုတာ ထင်သလောက်မလွယ်ဘူး။အကောင်းကြီးပဲ မြင်နေလို့မရသလို၊အဆိုးကြီးပဲမြင်နေလို့မရဘူး။ အနာဂတ်ပြဿနာ ကြိုတင်အဖြေရှာပါ။ Phyo Paing @ Derek

အနာဂတ်ပြဿနာ ကြိုတင်အဖြေရှာပါ။ Read More »

လူအများစုမပျော်တာ
ရှုပ်နေလို့။

ဘယ်အချိန်မှာ ဘာလုပ်ရမယ်သိတာ
မဟာဗျူဟာပဲ။

Leave a Comment / Strategy / Dr. Phyo Paing

ဘယ်အချိန်မှာ လောဘကြီးရမယ်။ဘယ်အချိန်မှာ ငြိမ်နေရမယ်။ဘယ်အချိန်မှာ လေ့လာမှုပြုရမယ်။ဘယ်အချိန်မှာ ထုတ်ကုန်အသစ်ထုတ်ရမယ်။ဘယ်အချိန်မှာ ဘယ်ကိုသွားရမယ်။ဘယ်အချိန်မှာ ဘယ်သူတွေနဲ့ချိပ်ဆက်ရမယ်။ဘယ်အချိန်မှာ ပိုးစိုးပက်စက်အလုပ်လုပ်ရမယ်။ဘယ်အချိန်မှာ နားရမယ်။ဘယ်အချိန်မှာ လည်ပြီးဘယ်အချိန််မှာ အချင်ယောင်ဆောင်ရမယ်။ ဘယ်အချိန်မှာ ဘာမလုပ်ရဘူး။ဘယ်အချိန်မှာ ဘာလုပ်ရမယ်။ အချိန်အခါကို ကောင်းကောင်းသိပြီးလုပ်ဆောင်မှုကို လုပ်ဆောင်နိုင်တာမဟာဗျူဟာမြောက်တာပဲ။ စေတနာကောင်းတိုင်းရှေ့မရောက်ဘူး။ကြိုးစားတိုင်း ရှေ့မရောက်ဘူး။အပေါင်းအသင်းများတိုင်းလဲ ရှေ့မရောက်ဘူး။ အသိပညာ၊ အတတ်ပညာတစ်ခုမှာတော်တိုင်းလဲရှေ့ရောက်ချင်မှရောက်မယ်။ ရည်မှန်းချက်တစ်ခုရှိရမယ်။ဘယ်အချိန်မှာ ဘာလုပ်ရမယ်သိရမယ်။သိဖို့လဲ မျက်စိဖွင့်နားစွင့် အမြဲလေ့လာနေဖို့လိုတယ်။မှန်ကန်တဲ့အချိန်မှာ မှန်ကန်တဲ့အလုပ်လုပ်နိုင်ဖို့လိုတယ်။ Phyo Paing @ Derek

ဘယ်အချိန်မှာ ဘာလုပ်ရမယ်သိတာ
မဟာဗျူဟာပဲ။ Read More »

လုပ်ချင်တာလုပ်ပြီး
ရချင်တာရနေတာက
အကောင်းဆုံးအခြေအနေပဲ။

Leave a Comment / situation / Dr. Phyo Paing

လုပ်ချင်တာလုပ်ပြီးရချင်တာရနေတာကအကောင်းဆုံးအခြေအနေပဲ။ ရချင်တာရဖို့မလုပ်ချင်တာ လုပ်တာကဒုတိယအခြေအနေ။ လုပ်ချင်တာလုပ်ပြီးရချင်တာမရတာကတတိယအခြေအနေ။ မလုပ်ချင်တာလုပ်နေရပြီးရချင်တာမရနေတာကစတုတ္ထအခြေအနေ။ Phyo Paing @ Derek

လုပ်ချင်တာလုပ်ပြီး
ရချင်တာရနေတာက
အကောင်းဆုံးအခြေအနေပဲ။ Read More »

ဘဝဆိုတာ ပေးထားချက်ထဲက
မေးထားချက်တွေကို
အဖြေရှာနိုင်မှ
နောက်တစ်ဆင့်တက်သွားမှာ။

စိတ်အလုပ် လုပ်ပါ။

Leave a Comment / Mindfulness / Dr. Phyo Paing

ဒီနေ့ခေတ်က လုပ်အားတစ်ခုတည်းနဲ့ပိုက်ဆံရှာတဲ့ခေတ်မဟုတ်တော့ဘူး။စိတ်အလုပ်နဲ့ ပိုက်ဆံရှာတဲ့ခေတ်ဖြစ်လာပြီ။ ဒါကြောင့် Naval Ravikant ကလဲDon’t earn with your time. Earn with your mind. တဲ့။အချိန်နဲ့ပဲ ငွေမရှာနဲ့။စိတ်အလုပ်နဲ့ ငွေရှာပါတဲ့။ အာရုံစိုက်နိုင်ခြင်းသည် စိတ်အလုပ်ပဲ။စဉ်းစားခြင်းသည် စိတ်အလုပ်ပဲ။ စဉ်းစားခြင်းကို စဉ်းစားခြင်း (metacognition) သည်စိတ်အလုပ်ပဲ။ ဒီနေ့လို အေအိုင်ခေတ်မှာ စိတ်အလုပ် ပိုအရေးကြီးလာတယ်။ ကိုယ့်စိတ်ကိုယ် နေ့တိုင်းအချိန်ဘယ်လောက်ပေးပြီးလေ့ကျင့်ဖြစ်သလဲ။ ကိုယ့်ကိုကိုယ် ပြန်မေးရမည့်မေးခွန်းတစ်ခုလို့တော့ထင်မိပါတယ်။ ကိုယ်တွေးမိတဲ့အတွေးကို ချရေးကြည့်ပြီး ဘယ်နေရာမှာ အမှားပါသလဲပြန်ကြည့်တာကလဲ စိတ်အလုပ်ပဲ။ နေ့စဉ်လုပ်လိုက်တဲ့အလုပ်တွေကို ပြန်လည်သုံးသပ်တာကလဲ စိတ်အလုပ်ပဲ။ နောက်တရားထိုင်တာကလဲစိတ်အလုပ်ပဲ။လောကပြဿနာအဖြေရှာဖို့တကူးတကအချိန်ပေးစဉ်းစားတွေးခေါ်တာဒါကလဲ စိတ်အလုပ်ပဲ။သင်ယူလေ့လာ စာဖတ်တာကလဲစိတ်အလုပ်ပဲ။ စိတ်အလုပ် လုပ်ပါ။ Phyo Paing @ Derek

စိတ်အလုပ် လုပ်ပါ။ Read More »