August 2025

ရွေးချယ်မှုကပေးဆပ်မှုထက်ပိုအရေးကြီးတယ်။ ပေးတိုင်းပြန်ရဖို့ခက်တယ်။​အရွေးမှန်ရင်တော့ရွေးတိုင်းထိုက်တန်တဲ့အရာပြန်ရတယ်။​ ဒါကတော့ တစ်ကိုယ်တော်အမြင်ပေါ့။ ဘဝမှာ ဘယ်အချိန်မှာဘယ်အလုပ်လုပ်မယ်။ဘာထုတ်ကုန်၊​ ဝန်ဆောင်မှုရောင်းမယ်။ဘယ်လိုလူတွေကိုခန့်မယ်။ဘယ်လိုလူတွေနဲ့ ပါတနာလုပ်မယ်။​ဘယ်လိုလူတွေကိုရောင်းမယ်။​ဝင်ငွေဘယ်လိုရှာမယ်။ဘယ်လိုပုံံစံလုပ်ငန်းလည်ပတ်မယ်။လုပ်ငန်းလုပ်တဲ့အခါ ဒါတွေရွေးရတယ်။ဒါကို business model လို့လဲခေါ်တယ်။ အဲ့လိုပဲ ဘဝကို ဘယ်လိုလူတွေနဲ့ဖြတ်သန်းမယ်။​ဘယ်လိုလူတွေ ဝေးဝေးရှောင်မယ်။မပတ်သက်လို့မရတဲ့လူတွေကိုဘယ်လို စည်းခြား၊လုပ်ပေးစရာရှိတာလုပ်ပေးခွဲတမ်းချပြီး ပေးကမ်းမယ်။ဘယ်မှာအဓိက အခြေချမယ်။တစ်ရက်တာကို ဘာတွေအဓိကလုပ်မယ်။ဘာတွေမလုပ်ဘူး။ရွေးရပြန်တယ်။ ဘဝမှာ ရွေးတာက ပေးတာထက်အများကြီး ပိုအရေးကြီးတယ်။ ဘဝမှာ ကိုယ့်အတွက်အကောင်းဆုံးမဟုတ်တဲ့ရွေးချယ်မှုတွေ အများကြီးလုပ်ဖူးတယ်။ဒါပေမယ့် အကောင်းဆုံးမဟုတ်တဲ့ရွေးချယ်မှုတိုင်းကိုကံကောင်းစွာ ပြန်ပြင်လို့ရခဲ့တယ်။ ဘဝရဲ့သင်ခန်းစာတစ်ခုက“ရွေးတာက ပေးတာထက်” ပိုအရေးကြီးတယ်။ အမြင်သာဆုံးဆိုအရမ်းညံ့တဲ့သူကို ဝန်ထမ်းခန့်ပြီးသင်တန်းဘယ်လောက်ပေးပေးတော်လာဖို့က သိပ်မလွယ်ဘူး။ ကိုယ်က ရွေးချယ်လို့ရတဲ့သူဖြစ်အောင်လဲအားထုတ်ဖို့လိုတာပေါ့လေ။ Phyo Paing @ Derek