Buddhism

တရုတ်ယဉ်ကျေးမှုမှာက ပိုက်ဆံမရှိတာ ရှက်စရာလို့သတ်မှတ်တယ်။ ကျွန်တော်တို့ ယဥ်ကျေးမှုမှာငွေမက်ရင် ရှက်စရာလို့တချို့သတ်မှတ်တယ်။ ငွေမက်တာ ကောင်းတဲ့အချက်က ပိုက်ဆံအတွက်အလုပ်လုပ်တယ်။ မကောင်းတဲ့အချက်က ဘာသာတရားအဆုံးအမမရှိရင်ပိုက်ဆံရဘာမဆိုလုပ်မယ်ဆိုတဲ့ အတွေးအခေါ်ကြောင့် အကျည်းတန်တာတွေဖြစ်တယ်။ အရင်က ပိုက်ဆံရှာသမျှအမေ့ကိုကူဖို့ အကုန်ပေးတာမျိုးလုပ်တယ်။ ကိုယ်တိုင်တောင်သိပ်မသုံးဖြစ်ဘူး။ ခုနောက်ပိုင်းတော့ ပိုက်ဆံမက်အောင်တော့ကိုယ့်တန်ဖိုးထားမှုကို ပြင်ထားတယ်။ ဗုဒ္ဓအဆုံးအမနဲ့ လောကီရေးရာဖြတ်သန်းမှုအဆင်ပြေဖို့မျှလုပ်တာက စိတ်အေးချမ်းစေပါတယ်။ ဘဝကို သစ္စာလေးပါးနှလုံးသွင်း၊ မဂ္ဂင်ရှစ်ပါးနဲ့ ဘဝကို ဖြတ်သန်း။ ဘဝအေးချမ်းပါတယ်။ Phyo Paing @ Derek

ရေခံမြေခံ ဘယ်လောက်ကောင်းအောင်ပေးထားပေးထား ခံယူချက်မမှန်၊ ဥာဏ်မရှိရင်ကံရှိ ဥာဏ်မရှိတိုင်းမွဲနေမှာပဲ။ တချို့ ကံတော့ မရှိဘူး။ရေခံမြေခံမရှိတာတောင်ကံမရှိ ဥာဏ်ရှိတော့ဘဝက တင့်တယ်တယ်။ သံသရာထဲထွက်ဖို့တောင်ကံတစ်ခုတည်းနဲ့မရဘူး။ဝိပဿနာဥာဏ်လိုတယ်။ Phyo Paing @ Derek

သိပ္ပံအသုံးပြုမှုများတဲ့နိုင်ငံကလောကီမှာ တိုးတက်တယ်။ သိပ္ပံအသုံးပြုမှုနည်း နတ်ပူး၊ နဂါးပူးကလောကီမှာ နောက်ကျကျန်တယ်။ မိုးရွာဖို့ သိပ္ပံပညာမသိခင်ကလွန်ဆွဲမိုးခေါ်ကြတယ်။ သိပ္ပံပညာနားလည်တဲ့နိုင်ငံကကြိုက်တဲ့အချိန် cloud seeding နည်းပညာအသုံးပြုပြီးမိုးရွာအောင် လုပ်တယ်။ လောကုတ္တရာအဖြေနဲ့လောကီမေးခွန်းကိုဖြေတဲ့အခါတိုင်ပတ်သွားနိုင်တယ်။ လောကီပြဿနာအဖြေရှာဖို့ဗုဒ္ဓအဆုံးအမကိုလိုက်နာပြီးသိပ္ပံပညာလေ့လာဖို့လိုတယ်။ ဒါကြောင့် ကျောင်းတွေမှာရုပ်ဝတ္ထုတွေအကြောင်း နားလည်ဖို့ ရူပဗဒေ။ဒြပ်ဝတ္ထုတွေအကြောင်း နားလည်ဖို့ဓာတုဗဒေ။သက်ရှိတွေအကြောင်း နားလည်ဖို့ဇီဝဗဒေ။ လက်တွေ့ပြဿနာ တိတိကျကျအဖြေရှာနိုင်ဖို့ သင်္ချာ။ဆက်သွယ်နိုင်ဖို့ ဘာသာစကားကိုသင်ကြားခဲ့ကြတာဖြစ်တယ်။ ဒီနေ့ခေတ်မှာ လူတွေ လုပ်ငန်းတွေ အဖွဲ့အစည်းတွေကိုအုပ်ချုပ်ဖို့ management science အုပ်ချုပ်မှုသိပ္ပံ။နိုင်ငံရေးမှာ political science နိုင်ငံရေးသိပ္ပံ။ အစရှိတာတွေပါ်လာပြီ။ သိပ္ပံဆိုတာ ဥုံဖွပညာမဟုတ်ဘူး။ထပ်ခါထပ်ခါ သက်သေပြလို့ရတယ်။ ဥုံဖွလုပ်ပြီး မိုးပေါ်ပျံလို့မရဘူး။သိပ္ပံပညာသုံးရင် လူတွေကို မိုးပေါ်ပျံခိုင်းပြီးတစ်နေရာက တစ်နေရာပို့လို့ရတယ်။ လောကီပြဿနာရဲ့အဖြေကသိပ္ပံပညာမှာရှိတယ်။ Phyo Paing @ Derek

ကိုယ့်ဘဝ ကိုယ်ကြုံတွေ့နေရတဲ့ပြဿနာတိုင်းဟာကိုယ်ဖန်တီးထားတာ။ဒါကတော့ ဗုဒ္ဓဆိုဆုံးမခဲ့တဲ့တရားတော်ပဲ။ ကံသဘောတရားကို သီးသန့်ပြောရရင်“ခုဒ္ဒကနိကာယ်” ထဲက “ဓမ္မပဒ” မှာလည်းရှင်းရှင်းလင်းလင်း ဖော်ပြထားပါသည်။ ဥပမာ ဓမ္မပဒ ပထမဂါထာမှာ “မနောပုဗ္ဗင်္ဂမာ ဓမ္မာ မနောသေဋ္ဌာ မနောမယာ။မနသာ စေ ပဒုဋ္ဌေန ဘာသတိ ဝါ ကရောတိ ဝါ။တတော နံ ဒုက္ခမန္ဝေတိ စက္ကံဝ ဝဟတော ပဒံ။” ဆိုလိုတာက“စိတ်သည် တရားအလုံးစုံတို့၏ရှေ့သွားဖြစ်၏။စိတ်သည် အမြတ်ဆုံးဖြစ်၏။တရားအလုံးစုံတို့သည် စိတ်ဖြင့်ဖန်ဆင်းအပ်ကုန်၏။ညစ်ညူးသော စိတ်ဖြင့်ပြောဆိုပြုမူလျှင်ဝန်များကို သယ်ဆောင်သောနွားကို ဘီးသည် လိုက်သကဲ့သို့ဆင်းရဲသည်ထိုသူနောက်သို့ လိုက်လတ္တံ့။” အတွေးနောက် စကားပါ။စကားနောက် လုပ်ရပ်ပါ။လုပ်ရပ်နောက် ရလဒ်ပါ။ မနောကံ၊ ဝဇီကံ၊ ကာယကံဂရုစိုက်ဖို့ အရေးကြီးတယ်။ Phyo Paing @ Derek drphyopaing