My philosophy

ကမ္ဘာပေါ်မှာ စိတ်အဝင်စားစရာအကောင်းဆုံးအရာတစ်ခုက ကိုယ့်ကိုယ်ကိုပဲ။ သံသရာထဲက လွတ်မြောက်ချင်ဖို့တရားရှာတဲ့အခါလဲ “တရားရှာ ခန္ဓာမှာတွေ့” ဆိုသလိုပါပဲ။ ကိုယ်လိုချင်တဲ့အရာတွေကို အတားအဆီးပြုလုပ်ထားတဲ့သူကတော့ကိုယ်တိုင်ပါပဲ။ ကိုယ်လိုချင်တဲ့အရာတွေကိုယူဆောင်ပေးနိုင်သူကလဲ ကိုယ်တိုင်ပါပဲ။ ဒီစိတ်၊ ဒီခန္ဓာနဲ့ ပေါင်းစပ်ထားတဲ့ဒီလူကို hacking သေချာလုပ်နိုင်ရင်၊သေချာ လေ့ကျင့်နိုင်ရင် လောကီရဲ့ အောင်မြင်မှုတွေသာမကလောကုတ္တရာ သံသရာထဲကလွတ်မြောက်နိုင်တာ ဗုဒ္ဓရဲ့ အဆုံးအမတွေ အားလုံးသိပြီးဖြစ်မှာပဲ။ လောကီရေးရာအတွက် လိုချင်တဲ့ ရုပ်ဝတ္ထုပိုင်ဆိုင်မှုတွေရဖို့၊ စိတ်အေးချမ်းမှုတွေရဖို့၊ကိုယ့်ရဲ့ အကောင်းဆုံးဗားရှင်းကိုတည်ဆောက်ဖို့ Peak Productivity ဖြစ်ဖို့ကိုယ့်ကိုယ်ကို ပြန်လည်ရှာဖွေ၊ ဖန်တီးဖို့လိုလာတယ်။ လူတွေက မွေးကတည်းက အသုံးပြုနည်း စာအုပ်ကြီးနဲ့မွေးလာတာ မဟုတ်တော့ နည်းနည်းတော့ခက်တယ်။ ကိုယ့်ကိုယ်ကို ပြန်လည်လေ့လာဖို့၊သုံးသပ်၊ ဆန်းစစ်၊ ပြန်ပြုပြင်၊ထိန်းကြောင်းဖို့ နည်းလမ်းတွေလိုလာတယ်။ ဒီနည်းလမ်းတွေ သိလာရင်လိုချင်တဲ့ ခန္ဓာကိုယ်၊ ပိုင်ဆိုင်ချင်တဲ့ ဥာဏ်ပညာ၊လိုချင်တဲ့ ငွေကြေးလွတ်မြောက်မှု၊ ကိုယ်အနားမှာ ရှိစေချင်တဲ့သူတွေ၊ နေချင်တဲ့ ဘဝနေထိုင်မှု

လူတစ်ယောက်မှာလဲ မတူညီတဲ့ နတ်တွေရှိတယ်လို့ဥပစာပုံစံနဲ့ စဥ်းစားကြည့်ကြည့်။ တချို့နတ်တွေက နတ်ကောင်းနတ်မြတ်။တချို့က နတ်ဆိုး။ တချို့က နတ်ပျင်း။ တချို့က နတ်ဖျင်း။တချို့က နတ်ငပေါ။ ဒီလိုမတူညီတဲ့ နတ်တွေကိုမတူညီတဲ့အချိန်တွေမှာ လှုပ်နှိုးနိုင်ဖို့ သူတို့နဲ့ ဆက်ဆံရေးကောင်းဖို့လိုတယ်။ ဒါကို Law of Relationship လို့နာမည်ပေးထားကြည့်တယ်။ လူတိုင်းမှာက Bright Side ရှိသလို Dark Side လဲရှိတယ်။ Inside Out Movie ထဲကလိုပဲ။ ကိုယ်က အဲ့ဒီနတ်တွေနဲ့ ဆက်ဆံရေးကောင်းပြီးဘယ်အချိန်မှာ ဘယ်နတ်ကိုခေါ်ရမလဲ၊ ဘယ်အချိန်မှာ နောက်ဆုတ်ခိုင်းရမလဲသိဖို့လိုတယ်။ Phyo Paing @ Derek

Give and Take ပါ။ Take and Give မဟုတ်ပါဘူး။ တစ်ခုခုလိုချင်တာရှိရင်ကိုယ့်ဖက်က အရင်ပေးရပါတယ်။ ဒါကိုတော့ Law of Reciprocity လို့ခေါ်ကြတယ်။ Reciprocity ဆိုတာ Re (ပြန်လည်ရဖို့)Pro (အရင်) လုပ်ဆောင်ထားတာဖြစ်ပါတယ်။ ဆုတောင်းတယ်ဆိုတာလဲ ကိုယ့်မသိစိတ်က လာအောင် အတွေးအခေါ်ကြိမ်နှုန်း အရင်ကြိုပေးရတယ်။ လေးစားမှုဆိုတာမသိတဲ့ကလေးတွေကလေးစားမှုဆိုတာကို ပြန်မပေးတတ်တာကိုတွေ့ရပါလိမ့်မယ်။ ဘာတွေ အရင်ပေးရမလဲ။ ၁။ အတွေး၂။ အကြံ၃။ အလုပ် ကောင်းမွန်တဲ့ဘဝရဖို့ ကောင်းမွန်တဲ့အတွေး၊ ကောင်းမွန်တဲ့အကြံ၊ကောင်းမွန်တဲ့အလုပ် အရင်ပေးရပါတယ်။ ဒါကတော့ ဥပဒေသ နံပတ်လေးပါ။ သူ့အရှေ့မှာ Law of Attraction Law of Action Law of Appreciation ရှိပါတယ်။ Phyo Paing @

ကိုယ့်ကိုပေးလိုက်တဲ့ အရာတစ်ခုကိုကျေးဇူးတင်လေလေ၊ ဒီလို အရာက ကိုယ့်ဘဝထဲပိုရောက်လာလေလေ။ တော်တဲ့သူက ပိုတော်တယ်။ ချမ်းသာတဲ့သူက ပိုချမ်းသာတာတွေ့ကြလိမ့်မယ်။ ကိုယ်သဘောကျတဲ့အရာကို တစ်ဖက်လူကို သဘောကျကြောင်းကျေးဇူးတင်ကြောင်းပြောတဲ့အခါပိုလုပ်ပေးချင်စိတ်များသလို ကိုယ့်ကိုမသိစိတ်ကိုလဲကျေးဇူးတင်ကြောင်းပြောပေးရတယ်။တချို့ကလဲ ယူနီဗာ့ကို ကျေးဇူးတင်ကြောင်းပြောကြတယ်။ အကြောင်းအရင်းတစ်ခုက ကိုယ့်ဘဝမှာ ရရှိထားတဲ့ ကိုယ်ကျေနပ်စိတ်တိုင်းကျတဲ့အရာတွေကိုကျေးဇူးတင်တတ်ဖို့ပါ။ ဒါကို Law of appreciation လို့ခေါ်လိုက်တယ်။ ကိုယ့်ဘဝမှာ ကျေးဇူးတင်တဲ့အရာတွေကို ချရေးကြည့်ကြည့်ပါ။နောက် အမြဲစဥ်းစားကြည့်ပါ။ ကျွန်တော့်အနေနဲ့ဆို ကိုယ်ရူးသွပ်တဲ့ အကြောင်းအရာတွေကို မျှဝေခွင့်ရတာ ကျေးဇူးတင်တယ်။ ဒီလိုမျှဝေရင်းနဲ့ လုပ်ငန်းတွေတည်ဆောက်လို့ရတာကျေးဇူးတင်မိတယ်။ နောက်ကိုယ့်ကိုနားလည်တဲ့သူတွေ၊ကူညီဖို့ဆို အသင့်ဆိုတဲ့သူတွေရှိနေတာကျေးဇူးတင်တယ်။ ကိုယ်လိုချင်တာတွေကို မဖြစ်ဖြစ်အောင်လုပ်ပေးတဲ့ကိုယ့်ကိုယ်ကိုလဲ ကျေးဇူးတင်တယ်။ Law of AttractionLaw of Action နဲ့တွဲတဲ့နောက်ဥပဒေသတစ်ခုက Law of Appreciation Phyo Paing @ Derek

Law of attraction မှာ ကိုယ်လိုချင်တာရဖို့ အတားအဆီးတွေဖြုတ်ပြီးရင်ဒုတိယ လုပ်ရမှာက Law of action ပါ။ ဒီ Law of action လုပ်ဖို့ စဥ်းစားဥာဏ်ထက်မြင့်တဲ့ အလိုလိုသိစိတ် intuition ကို အသုံးချနိုင်ဖို့လိုတယ်။ အကောင်းဆုံးအိုင်ဒီယာတချို့ကခရီးသွားရင်း၊ ရေချိုးရင်း၊တရားထိုင်ရင်း၊ ကားမောင်းရင်းကောက်ခါငင်ခါ ရတတ်ပါတယ်။ ဒါကြောင့် သိစိတ်ရဲ့စဥ်းစားဥာဏ်အပြင်မသိစိတ်ရဲ့ စွမ်းအားဖြစ်တဲ့ အလိုလိုသိစိတ်က ပေးတဲ့ မက်ဆေ့ကိုအသုံးပြုပြီးလုပ်ဆောင်ဖို့လိုတယ်။ တချို့လုပ်ရပ်တွေက နေ့စဥ်လုပ်ဆောင်နေရတယ်။တချို့လုပ်ရပ်တွေက ကောက်ခါငင်ခါလုပ်ဆောင်ရတယ်။ ဒီ မသိစိတ်၊ တချို့ကတော့ ယူနီဗာ့ပေါ့။ဒီကပေးတဲ့ မက်ဆေ့တွေကို ကောက်ခါငင်ခါလုပ်ယူလိုက်လို့ရတယ်။ ဒါကတော့ Law of Action ပါ။ တခါတလေ ကိုယ့်မသိစိတ်ကိုပြန်မေးကြည့်။ အခုငါဘာလုပ်သင့်သလဲ။ Phyo Paing @ Derek