My philosophy

ဘဝမှာ မဖြစ်ချင်ဆုံးက တခြားသူနဲ့ ချွတ်စွပ်တူတာ။ အကြံဥာဏ်ကောင်းရဖို့ လေ့လာတာဖြစ်ကောင်းဖြစ်မယ်။ကိုယ့်ဘဝ ကိုယ်ပုံစံအတိုင်းပဲဖြတ်သန်းချင်တယ်။ ဘဝမှာ လူအများစုသတ်မှတ်ထားတဲ့စံနှုန်းတွေနဲ့ ကိုယ်နဲ့မတူသလို၊တွေးတဲ့ပုံတွေက ကိုယ်နဲ့တော်တော်လေး အံမဝင်ဂွင်မကျဖြစ်နေတယ်။ လူအများသွားတဲ့လမ်းမရွေးတော့ကြောင်တောင်တောင်ဖြစ်နေတယ်။ ဆယ်စုနှစ် နှစ်ခုကျော်တော့ကိုယ်ပုံစံနဲ့ ကိုယ် ဘဝဖြတ်သန်းလို့ရလာတယ်။ ကျွန်တော်ကတော့ ဘဝကြီးကို စမ်းသပ်တဲ့နေရာနဲ့ လူသားအတွေ့အကြုံ ယူကြနေရာလို့ထင်တယ်။ ရူးရူးမူးမူ ချစ်ဖူးတယ်။ဘဝပျက်မတတ်လဲ ကြေကွဲဖူးတယ်။စိတ်ဓာတ်လဲကျဖူးသလို စမာန်တွေလဲတက်ဖူးတယ်။ အရမျးလဲဝဖူးသလို ပြန်ပြီးလဲ ထိန်းဖူးတယ်။ ကိုယ့်ဘဝ ကိုယ့်စိတ်ကြိုက်နဲ့ကိုယ့် playbook အတိုင်းသွားပျော်နေဖို့ အရေးကြီးတယ်။ လူတိုင်းနဲ့ မတူချင်ဘူး။ လူတိုင်းနဲ့ မပြိုင်တော့ဘူး။ ကိုယ်ဖန်တီးထားတဲ့ ကစားကွက်၊ ကိုယ်ကစားနေတဲ့ ဂိမ်းကလူတွေနဲ့ မပြိုင်ဘဲနိုင်လို့ရတယ်လို့ယုံကြည်တယ်။ Phyo Paing @ Derek

နေ့စဥ်ရင်ခုန်ဖို့ကောင်းတာ မနက်ဖြန်ဖြစ်လာတဲ့ ကိုယ်ပဲ။ ကိုယ်လုပ်ချင်တဲ့ အလုပ်လေးလုပ်ဖို့ခြောက်နှစ်၊ ခုနှစ်နှစ်လောက်သည်းခံစောင့်ဆိုင်းရင်း ကြိုးစားပြင်ဆင်ခဲ့ဖူးတယ်။ဘဝမှာ သည်းမခံနိုင်တဲ့အရာတွေကိုအပြုံးအမပျက် ရင်ဆိုင်ပြီးဖြတ်ကျော်ခဲ့ဖူးတယ်။ ဘဝမှာ လစဥ်အတိုးတွေပေးဖို့အလုပ်တွေ လုပ်ခဲ့ဖူးတယ်။ တစ်လတစ်လ အရမ်းကျေအောင်ရုန်းကန်ကြိုးစားခဲ့ဖူးတယ်။ ကတိမတည်တဲ့လူတွေကြောင့်လူတွေအကြောင်းနားလည်ခဲ့ဖူးတယ်။ကိုယ်အထောက်အပံ့ပေးသလို ဖြစ်စေချင်သလို ဖြစ်မလာတဲ့အတွက်လူတွေကို စိတ်ကုန်ခဲ့ဖူးတယ်။ သံကြိုးကြီးခြေထောက်မှာတပ်ပြီးရှေ့ကိုပြေးပေမည့် ခရီးမတွင်တဲ့အချစ်ရေးမှာ ဆယ်စုနှစ်ဝက်နီးပါးဖြတ်သန်းခဲ့ဖူးတယ်။ ဘဝကို စိတ်ကုန်လို့ ဖြစ်သလိုနေရင်းနေသလိုဖြစ် ပေါင် ၁၉၀ ကျော် ၂၀၀ နီးပါးနဲ့ဘဝကြီးဖြစ်ခဲ့ဖူးတယ်။ ဘဝရဲ့သင်ခန်းစာတွေကို ကျေညက်လာတဲ့အခါဘာက အဓိက ဘယ်အရာက သာမညလဲ နားလည်လာတယ်။ အမြင်တွေမှန်လာတဲ့အခါအမှန်တွေ မြင်လာတယ်။ ဘဝအတွက်ထားရမည့် အမြင်တွေရှင်းလာတယ်။ကျန်းမာကြံ့ခိုင်ရေး တစ်။အလုပ်၊ စီးပွားနဲ့ ငွေကြေးနှစ်။ အချစ်နဲ့မိသားစု သုံး။ စိတ်ငြိမ်းချမ်းမှု လေး။ အပေါင်းအသင်းရောင်းရင်း ငါး။ ဘဝရဲ့ သင်ခန်းစာတွေလေ့လာရင်း မနက်ဖြန်ဖြစ်လာတဲ့ ကိုယ်က ရင်ခုန်ဖို့ကောင်းတယ်။ဒီနေ့ဖြစ်နေတဲ့ ကိုယ်အတွက်အတိတ်က အားထုတ်မှုတွေအတွက်ကျေးဇူးတင်မိတယ်။