My philosophy

တခြားသူရဲ့ပုံစံကို အကုန်ကော်ပီကူးပြီးသွားတဲ့အခါကိုယ့်ပုံစံ မရှိမှာ မဖြစ်ချင်ဆုံးပဲ။ ဒါကြောင့် လုပ်ငန်းလုပ်တဲ့ပုံစံ၊ကိုယ့်ရဲ့အသက်မွေးဝမ်းကြောင်း အလုပ်အကိုင်၊အချစ်၊ အိမ်ထောင်ရေး၊ ဘဝနေထိုင်မှုပုံစံ၊ ကျန်းမာကြံ့ခိုင်ရေး၊ ငွေရေးကြေးရေး၊ဘာသာရေး အကုန်လုံး ကိုယ့်ပုံစံနဲ့ကိုယ်ဖန်တီးပြီး နေချင်တဲ့ပုံနေဖို့ဆုံးဖြတ်ခဲ့တယ်။ ဘောင်ခတ်ထားတဲ့ထဲ နေဖို့စိတ်ကူးရှိကိုမရှိခဲ့တာ။ Phyo Paing @ Derek

အာရုံပျံ့လွင့်မှုက အထပ်မြင့်ဥာဏ်တံခါးကိုဖွင့်ဖို့အတားအဆီးကြီးတစ်ခုပဲ။ Phyo Paing @ Derek

သွားချင်တာအရှေ့အရပ်ပြေးနေတာ အနောက်အရပ်ဆိုရင်ပြေးလေ ဝေးလေပဲဖြစ်နေမှာ။ ဒီလိုမဖြစ်အောင် မဟာဗျူဟာကျတွေးခေါ်နိုင်မှုလိုတယ်။ Phyo Paing @ Derek

စိတ်ပါပါ မပါပါ လုပ်သင့်တာကို နေ့စဉ် လုပ်နေတာ စည်းကမ်းပဲ။ အလုပ်စည်းကမ်း ကျင့်ဝတ်လိုတယ်။အချောင်ရတိုင်း အချောင်ခိုရင်ကိုယ်ပါ ငပျင်းဖြစ်သွားမယ်။ ကိုယ်လုပ်နေတဲ့ အလုပ်မှာ တန်ဖိုးရှိတဲ့ လူတစ်ယောက်ဖြစ်ဖို့ strong work ethic ရှိဖို့လိုတယ်။ အလုပ်ကို အလုပ်နဲ့တူအောင်လုပ်ရမယ်။ စိတ်မပါလို့၊ အသည်းကွဲလို့၊စိတ်ညစ်လို့၊ အာရုံမလာလို့ဆိုပြီးမလုပ်လို့ မရဘူး။ Discipline အရေးကြီးတယ်။ Discipline is Destiny ဆိုတာ ဒါကို ဆိုတာ။ Phyo Paing @ Derek

ဘဝမှာ လိုချင်တာရချင်ရင်စွမ်းဆောင်ရည် လေးမျိုးလိုတယ်လို့ထင်တယ်။ ၁။ ဘယ်အချိန်မှာ ဘာလုပ်ရမယ်ဆိုတဲ့ လိုချင်တာရဖို့ “မဟာဗျူဟာကျကျ တွေးနိုင်တဲ့စွမ်းရည်” ၂။ တစ်ဦးနဲ့တစ်ဦးပေါင်းသင်းဆက်ဆံပြောဆိုတဲ့“ခင်မင်းရင်းနှီးမှု တည်ဆောက်နိုင်မှုစွမ်းရည်” ၃။ လူအများကို ကိုယ့်အယူအဆ ပြောဆိုသိမ်းသွင်းနိုင်တဲ့ “လွမ်းမိုးနိုင်မှု စွမ်းရည်” ၄။ သတ်မှတ်ထားတဲ့ စီမံကိန်းတွေကို“သေသပ်စွာ အကောင်အထည်ဖော်နိုင်စွမ််း” Phyo Paing @ Derek

အချစ်ဆိုတာ “ခံစားချက်”သမီးရည်းစား၊ လင်မယားဆိုတာ “အခြေအနေ”။ တချို့က ခံစားချက်ရှိတယ်၊အခြေအနေမရှိဘူး။ တချို့က အခြေအနေရှိတယ်။အချစ်မရှိဘူး။ တချို့က နှစ်ခုလုံးရှိတယ်။တချို့က နှစ်ခုလုံးမရှိဘူး။ ခံစားချက်ဆိုတာ အင်မတန်အဖြစ်အပျက်မြန်တယ်။ ပြောင်းတတ်တဲ့သဘောရှိတယ်။ ဒီခံစားချက်ကို ပြန်လည်တူးဆွတိုင်းတွေ့ဖို့အတွေး၊ အဓိပ္ပာယ်၊ အတွေ့အကြုံတွေရဲ့ပေါင်းစပ်မှုလိုတယ်။ သံဓိဠာန်ဆိုတာ ဘယ်လိုဖြစ်ဖြစ် လက်မလျော့တာကိုဆိုတာ။ Spirituality ဆိုတာ လူတွေပြီးပြည့်စုံတယ်ဆိုတဲ့ခံစားချက်ခံစားရအောင် လုပ်ကြတာ။အဲ့မှာ အချစ်၊ ဘဝသမိုင်းပေးတာဝန်၊ ဘာသာတရားအစရှိတာတွေပါဝင်တယ်။ Phyo Paing @ Derek