My philosophy

ဘဝမှာ ကိုယ်သတ်မှတ်ထားတဲ့စံနှုန်းတွေကို အများကြီးနိမ့်ချပြီးကိုယ်ချစ်တဲ့လူတစ်ယောက်အတွက်စတေးခဲ့ရတဲ့ အချိန်တွေ လူတိုင်းမှာ ရှိတတ်ကြတယ်။ နောက်ပြီး အချိန်တစ်ခုရောက်တဲ့အခါမထူးဇာတ်ခင်းတာ ပြဿနာဖြေရှင်းတာမဟုတ်ဘူးဆိုတာ သိလာတဲ့အချိန်တစ်ခုရှိတယ်။ ဘဝမှာ တန်ဖိုးအရှိဆုံးက အချိန်တွေပဲ။ ကိုယ်သတ်မှတ်ထားတဲ့ စံနှုန်းတွေကို ရိုက်ချိုးလိုက်ဖို့ ဘယ်တော့မှ မစဥ်းစားနဲ့။ လူတစ်ယောက်ရဲ့ တန်ဖိုးက သူ့ကိုယ်သူ သတ်မှတ်ထားတဲ့ စံနှုန်းပဲ။ ကိုယ့်ကိုကိုယ် ဘယ်လိုမြင်တယ်။ ကိုယ်ဘယ်သူ၊ ဘာလုပ်၊ ကိုယ့်ကို ဘယ်လိုဆက်ဆံရမယ်ဒါက စံနှုန်းပဲ။ Phyo Paing @ Derek

မလုပ်ချင်တာတွေလုပ်ရတဲ့အခိုက်အတန့်တွေရှိမယ်။ ပြီးရင်ကိုယ့်ကိုကိုယ်ကျေးဇူးပြန်တင်နေလိမ့်မယ်။ Phyo Paing @ Derek

လုပ်ရပ်တွေကိုတော့ လောလောလုပ်။ ကိုယ်တိုက်ရိုက်ထိန်းချုပ်နိုင်တာ လုပ်ရပ်။တိုက်ရိုက်ထိန်းချုပ်လို့မရတာ ရလဒ်။ Phyo Paing @ Derek

ဘဝမှာ အချစ်သီချင်းတွေ အဓိပ္ပာယ်မရှိတဲ့အချိန်ရှိခဲ့ဖူးတယ်။ငါအသက်ကြီးသွားပြီလို့ ခံစားခဲ့ရဖူးတယ်။လူတွေကိုပြင်လို့မရတော့တဲ့အတွက်ဘဝကို ရေစုန်မြော စားချင်ရာစားပြီးဖက်တီးကြီးဖြစ်ခဲ့ဖူးတယ်။ပိုင်ဆိုင်တာတွေအကုန်စွန့်လွတ်ဘဝကို အသစ်ပြန်စဖူးတယ်။အရာရာထားခဲ့ပြီး နိုင်ငံခြားကို အပြီးဒိုးဖို့လဲအကြိမ်ကြိမ်စဉ်းစားခဲ့ဖူးတယ်။ ဘဝမှာ ကိုယ့်ကိုအရမ်းချစ်တဲ့သူတွေ့ဖူးသလိုကိုယ်အချစ်ဆုံးသူလဲကြုံဖူးတယ်။ကိုယ့်ကိုချစ်သလိုလိုနဲ့အမြတ်ထုတ်ဖို့ပဲသိတဲ့သူနဲ့လဲကြုံဖူးတယ်။ တဖြည်းဖြည်းနားလည်လာတာအဆင်ပြေရင် ရှေ့ဆက်။အဆင်မပြေရင် ၇ ကြိမ်အတ္တတွေဘေးဖယ်ပြီးပြင်ကြည့်။မရရင် ထားခဲ့လိုက်တော့။ ဘူကောင်တွေကိုထားခဲ့ပြီးကတည်းကအခုတော့ ဘဝကြီးက ပိုပိုမိုက်လာတယ်။ Phyo Paing @ Derek

ချမ်းသာတဲ့သူတွေ ပိုချမ်းသာတယ်။ တော်တဲ့သူတွေပိုတော်တယ်။ပျော်တဲ့သူတွေပိုပျော်တယ်ဆိုတာခေါင်းထဲမှာလည်ပတ်နေတဲ့ အတွေးစနစ်ကောင်းလို့။ ခေါင်းထဲထည့်ထားတဲ့ ပရိုဂရမ်တွေအရေးကြီးတယ်။အချိန်နဲ့အမျှ အတွေးတွေက ခေါင်းထဲဒရစက်ဝင်နေတယ်။ တစ်ရက်လူတစ်ယောက်ကအတွေးပေါင်း၁၂၀၀၀ ကနေ ၆၀၀၀၀ လောက်ထိတွေးကြတယ်တဲ့။ဒီအတွေးတွေကို လည်ပတ်စေတဲ့စနစ်ကိုသေချာ မတည်ဆောက်ထားရင်ဘဝက တိုင်ပတ်မှုအပေါင်းသရဖူဆောင်းသွားလိမ့်မယ်။ ဒီအတွေးတွေကိုပြောင်းဖို့ကိုယ့်ကိုကိုယ် ပြောနေတဲ့ပုံပြင်တွေကိုပြောင်းဖို့လိုတယ်။ ပုံကို ပြင်ဖို့ပုံပြင်လိုတယ်။ Phyo Paing @ Derek

လူဖြစ်ရတာ လွယ်တော့မလွယ်ဘူး။ကိုယ့်ခေါင်းထဲမှာ ပုံရိပ်တွေတစ်ခုပြီးတစ်ခုပေါ်နေတယ်။နားထဲတစ်ခုပြီးတစ်ခုကြားနေတယ်။ ကိုယ့်ကိုကိုယ် စကားပြောနေတတ်တယ်။ ဒီပုံတွေ၊ အသံတွေက ကောင်းရင်ကိုယ့်ဘဝကလဲ ကောင်းသွားတယ်။ ဒီပုံတွေ၊ အသံတွေက ဘေးဖြစ်စေခဲ့မယ်ဆိုရင်ကိုယ့်ဘဝလဲ တိုင်ပတ်သွားမယ်။ခေါင်းထဲထည့်တဲ့ အတွေးအခေါ်တွေတော်တော် အရေးကြီးတယ်။ အတွေးအခေါ် ဘေးချော်ရင်အရေးပေါ်ပြင်ဖို့လိုတယ်။ Phyo Paing @ Derek

ကိုယ်နဲ့သိတဲ့လူတွေကတော့ကိုယ့်ကြောင့် အကျိုးမယုတ်စေရဘူးဆိုတဲ့ ယုံကြည်မှုကတော့ ငယ်ငယ်ကတည်းက ရှိတယ်။ ကိုယ်ဖန်တီးထားတဲ့အရာတွေကကိုယ်သေသွားလဲ ဆက်ရှိနေရမယ်။ ပီမိုးနင်းတို့၊ ဆရာကြီးရွှေဥဒေါင်းတို့၊ Jim Rohn တို့တွေကြည့်ကြည့်ဘယ်လောက်မိုက်လဲ။ သေသွားလဲ သူတို့အတွေးအခေါ်တွေရှင်ကျန်နေတယ်။ ကိုယ်တိုင်ကလဲ စက်ရုပ်တစ်ခုပဲ။ ကိုယ့်ကိုကိုယ် program လုပ်နေရတယ်။ ကိုယ့်ရဲ့ ပုံပန်းသွင်ပြင်၊ အမူအကျင့်တွေက ခေါင်းထဲထည့်တဲ့ အတွေးတွေကဖြစ်လာတာဖြစ်တဲ့အတွက် အတွေးတွေက ရေရေလည်လည် အရေးကြီးတယ်။ Phyo Paing @ Derek