My philosophy

လမ်းဖောက်ရတာ၊လမ်းရှာရတာပဲခက်တာ။ဒါကြောင့်လူအများစုကဖောက်ပြီးသားလမ်းပဲ ကြိုးစားလုပ်ဆောင်ချင်ကြတာ။မပြိုင်ဘဲနိုင်ဖို့ကလမ်းသစ်ရှာ၊ လမ်းသစ်ဖောက်ဖို့အချိန်ပိုပေးရမယ်လို့ထင်တယ်။ Phyo Paing @ Derek

ခန္ဓာကိုယ်ရဲ့ ခေါင်းအစခြေအဆုံး နေရာတိုင်းမှာ နေ့စဥ်ဘဝဖြတ်သန်းမှုကပေးတဲ့ဒဏ်တွေ ရှိတယ်။ ဒါကို မာဆယ် မှတ်ဥာဏ်အနေနဲ့မှတ်ထားတယ်။ ဒီဒဏ်တွေက စိတ်ပိုင်းဆိုင်ရာ၊ ရုပ်ပိုင်ဆိုင်ရာကြောင့်ဖြစ်တဲ့ဒဏ်တွေဖြစ်တယ်။ ပုံမှန် အညောင်းပြေ၊ အညာပြေ နှိပ်ရုံနဲ့မရဘူး။ စိတ်နဲ့ ကိုယ်ရဲ့ ဒဏ်ကိုခန္ဓာကိုယ် အစိတ်အပိုင်းတိုင်းမှာ စုထားတဲ့ အမှိုက်တွေကို လိုက်ရှင်းဖို့ ဒါလေးလုပ်ကြည့်။ မျက်စိမှိတ်ပြီး ခန္ဓာကိုယ်ကိုဦးခေါင်းထိပ်ကစပြီး နှဖူး၊မျက်လုံး၊ နှာခေါင်း၊ ပါးစပ်၊ လျှာ၊ပါးပြင်၊ လည်ပင်း၊ ပုခုံးနှစ်ဖက်၊ ရင်ဘတ်၊ နှလုံး၊ အဆုပ်၊ အစာအိမ်၊ကျောက်ကပ်၊ အူလမ်းကျောင်းတစ်လျှောက်၊တင်ပါး၊ ဆီးခုံ၊ ပေါင်နှစ်ဖက်၊ ဒူး၊ ခြေထောက်နှစ်ဖက်စလုံးကနေခြေဖဝါးနဲ့ ခြေချောင်းမှာ ရှိတဲ့အကြောတွေ အကုန်လျော့လိုက်။ နောက်ပြီး စကြာဝဠာထဲက အလင်းတန်းဖြူတစ်ခုက ဦးခေါင်းထိပ်ကနေ ခန္ဓာကိုယ်တစ်ခုလုံးကိုဖြတ်ပြီး ခြေဖဝါးက ထွက်သွားတာကိုပုံဖော်ကြည့်။ ဖြတ်သွားတိုင်းမှာ ခန္ဓာကိုယ်ပေါ်မှာရှိတဲ့အမှိုက်တွေကို ရေဆေးထုတ်သွားသလို ယူသွားတယ်လို့ မြင်ယောက်ကြည့်။

စိတ်ညစ်တာ နည်းအောင်ကျွန်တော်လုပ်တဲ့ နည်းလေးက အထောက်အကူများဖြစ်မလားမသိဘူး။ ၁။ စိတ်ညစ်စေနိုင်တဲ့အရာတွေကို ကြိုတင်စဥ်းစားအဖြေရှာထား။ ကိုယ့်နာမည်ဖျက်ခံရတဲ့အခါ။အတော်ဆုံးဝန်ထမ်းတွေ ပြိုင်ဖက်ဆီမှာ အလုပ်သွားလုပ်တဲ့အခါ။ ပေးစရာဒေါ်လာအကြွေးတွေကငွေစျေးအပြောင်းလဲလို့ ပိုပေးရတဲ့အခါ။ ကိုယ့်ဘဝမှာ ရှောင်ရှားချင်တာတွေကိုကြိုတင်စဥ်းစား အဖြေရှာထား။ စိတ်ဓာတ်ရေးရာပြင်ဆင်ထား။ ၂။ စိတ်ညစ်စရာကြုံတိုင်း ဖြေ။ စိတ်ညစ်စရာကို ခံစားချက်မထည့်ပဲသင်ခန်းစာအနေနဲ့ ပြောင်းလိုက်တယ်။ စာအဖြစ်ချရေးတာ၊ အတွေးအခေါ် သို့ ဥပဒသ တစ်ခုအဖြစ်ပြောင်းတာ အဲ့လို လုပ်လိုက်တယ်။ ဥပမာ တချို့သူတွေနဲ့ တွေ့တယ်။ အရမ်း အပူဓာတ်များတယ်။ ကိုယ့်ကိုလဲအပူ ဓာတ်အရမ်းကူးစေတဲ့အခါနည်းနည်းခွာခွာနေလိုက်တာမျိုး။ Phyo Paing @ Derek