People

ကိုယ်စတင်တိုးတက်ပြောင်းလဲလာတဲ့အခါရွဲ့တဲ့တဲ့၊ ခနဲ့တဲ့တဲ့ ကိုယ့်ကိုဆက်ဆံတဲ့သူတွေတွေ့ဖူးလား။ အမှန်တော့ သူတို့လဲမမှားဘူး။ကိုယ်လဲ မမှားဘူး။ ကိုယ်တိုးတက်ပြောင်းလဲတဲ့အခါတချို့အသိတွေအတွက် စိတ်မလှုံခြုံမှုဖြစ်နေတယ်။ ငါတို့ကျန်ခဲ့ပြီလားဆိုတာဖြစ်စေတယ်။ လူတွေက သူတို့ကို စိတ်လှုံခြုံမှုပေးတဲ့သူတွေကိုသဘောကျတယ်။သူတို့အထင်အမြင်ကို ထောက်ခံတဲ့သူတွေကိုသဘောကျတယ်။ ပျော်တတ်၊ ဟာသဥာဏ်ရွင်သူတွေကိုသဘောကျတယ်။ စစ်မှန်တယ်၊ ဟန်ဆောင်မှုကင်းတဲ့သူတွေကိုသဘောကျတယ်။ ယုံကြည်မှုပြည့်ဝတဲ့သူတွေကို သဘောကျတယ်။ ကိုယ့်အတွက်အကျိုးပြုပေးနိုင်တဲ့သူတွေကိုသဘောကျတယ်။ တခါတလေ လူတွေကိုယ့်ကိုသဘောမကျဘူးဆိုတာ ကိုယ့်အမှားမဟုတ်ပါဘူး။ သူတို့အတွက် အကျိုးမရှိလို့ပါ။ Phyo Paing @ Derek

ကိုယ့်ကိုကိုယ် ပြန်မေးရမှာလွန်ခဲ့တဲ့ သုံးလေးငါးနှစ်ကထက်ဘဝက ပိုကောင်းလာလား၊ပိုဆိုးလာလား။တစ်ကိုယ်ရည်ဘဝအတွက်စိတ်နဲ့ ခန္ဓာဘဝအရည်အသွေးတိုးတက်လာဖို့လိုတယ်လို့ထင်တယ်။ဒီအတွက်လဲ ဘယ်သူ့မှအားကိုးနေလို့မရပြန်ဘူး။ ငှက်ကလေးက သစ်ကိုင်းထက်အတောင်ကိုပိုအားကိုးဖို့လိုတတ်တဲ့အချိန်တွေရှိတယ်။ Phyo Paing @ Derek

ငယ်ငယ်တည်းက အားပေးမှုနဲ့မကြီးပြင်းခဲ့တဲ့သူတွေရှိတယ်။ အမေက အပြစ်တင်၊အဖေက အပြစ်တင်၊ အဒေါ် အပြစ်တင်၊ ဦးလေး အပြစ်တင်၊ဆရာ၊ ဆရာမက အပြစ်တင်။ အားပေးမှုနဲ့ မကြီးအပြစ်တင်မှုနဲ့ ကြီးလာတဲ့သူတွေရှိတတ်တယ်။ ဒီထဲမှာ ဒီအပြစ်တင်မှုကိုအပြုံးလေးနဲ့ ချွဲပြီးအားလုံးနဲ့အဆင်ပြေအောင်ပေါင်းသင်းကြီးပြင်းလာသူတွေရှိတယ်။ ဒီအပြစ်တင်မှုတွေကြားအားတင်းပြီး ရှင်သန်မှုခဲ့သူတွေရှိတယ်။ အားတင်းရှင်သန်ခဲ့သူတွေမှာကိုယ့်ကိုကိုယ် အကြီးအကျယ်ဝေဖန်တတ်တဲ့အကျင့်တစ်ခု အမြဲရှိတတ်တယ်။ ဘဝရဲ့ တချို့အစိတ်အပိုင်းတွေမှာကိုယ့်ကိုအမြဲဝေဖန်သူနဲ့ ချစ်ကျွမ်းဝင်တဲ့အခါဘဝက သံကြိုးနဲ့ရှေ့ဆက်ရသလိုဖြစ်တတ်တယ်။ ကိုယ့်ကိုကိုယ်မြင်တာထက်ပိုကောင်းအောင်မြင်တဲ့သမီးရည်စားနဲ့တွေ့လာတဲ့အခါဘဝက ထင်မှတ်မထားလောက်အောင်ပိုကောင်းလာတတ်တယ်။ လူတွေရဲ့ ကြီးပြင်းလာတဲ့ပုံစံမတူတဲ့အခါဘဝကိုမြင်တဲ့ အဓိပ္ပာယ်ဖွင့်ပုံစံတွေမတူကြဘူး။ Phyo Paing @ Derek

လူတွေရဲ့ဘဝကရွေးချယ်မှုတွေကြောင့်ကွာသွားတယ်။ ဘယ်မှာနေ၊ ဘာအလုပ်လုပ်၊ ဘယ်လိုတွေး၊ဘယ်လိုကြံစီ၊ဘယ်လို အကောင်အထည်ဖော်၊ဘယ်သူတွေနဲ့ပေါင်းဒီရွေးချယ်မှုတွေလုပ်ရတယ်။ ဘယ်အရာကို ရပ်ပြီး၊ဘယ်အရာတွေကို စရမယ်။ ဘယ်အရာတွေကို အာရုံစိုက်ပြီးဘယ်အရာတွေကို လျစ်လျူရှုရမယ်။ ဒီရွေးချယ်မှုတွေပြုလုပ်ရတယ်။ မှန်ကန်တဲ့ရွေးချယ်မှုတွေလုပ်ဖို့မှန်ကန်တဲ့ အမြင်လိုတယ်။ မှန်ကန်တဲ့အမြင်ရှိဖို့မှန်ကန်တဲ့ နားလည်မှုလိုတယ်။ နားလည်ဖို့ လေ့လာရတယ်။စဥ်းစားသုံးသပ်ရတယ်။သင်ခန်းစာယူတတ်ရတယ်။ စီးပွားရေးအကြောင်းနားမလည်ရင်စီးပွားရေးမှာ မှားတဲ့ဆုံးဖြတ်ချက်တွေအများကြီးချမိမယ်။ မားကတ်တင်းအကြောင်းနားမလည်ရင်မားကတ်တင်းမှာ မှားတဲ့ဆုံးဖြတ်ချက်တွေအများကြီးချမိမယ်။ ကိုယ့်ကိုကိုယ် နားမလည်ရင်ကိုယ့်ဘဝရဲ့ဆုံးဖြတ်ချက်အမှားကြီးတွေ အများကြီးချမိမယ်။ နားမလည်ရင် မှားမယ်။ Phyo Paing @ Derek