Philosophy

၁။ စိတ်ငြိမ်းချမ်းဖို့ နံပတ်တစ်၂။ ကိုယ့်အာရုံကိုယ်ထိန်းနိုင်ဖို့ နံပတ်နှစ်၃။ ကိုယ့်ဘဝရဲ့ အနာဂတ်အမြင်ပုံဖော်၄။ နေ့စဥ် အပျက်မကွက်လုပ်မည့်အလုပ်တွေလုပ်၅။ ကိုယ်မစဥ်းစားပဲ မနေနိုင်တဲ့အလုပ်တွေလုပ်၆။ ဒီနေ့အတွက် လျှို့ဝှက်ချက်သစ်ရှာဖွေ၇။ ကိုယ့်ဘဝသွားနေတဲ့လမ်းကြောင်း ပြန်သုံးသပ် Phyo Paing @ Derek

အမြဲမှန်နေဖို့ မလိုဘူး။အမြဲ သင်ယူပြီးပိုမှန်အောင် ပြင်နေဖို့ပဲလိုတယ်။ Phyo Paing @ Derek

သဘာဝဖြစ်စဥ်နဲ့ သွေဖယ်ပြီးအဆိုးဖက်ရောက်သွားတာကိုဖောက်ပြန်တယ်လို့ ခေါ်တယ်။ ခန္ဓာကိုယ်ကြီးက ပုံမှန်ဖြစ်စဥ်မဟုတ်ပဲရောဂါဘယဝင်တဲ့အတွက်ဖောက်ပြန်တတ်တယ်။ စိတ်ဆိုတဲ့အရာကလဲ ပုံမှန်ဖြစ်စဥ်မဟုတ်ပဲအတွေး၊ အခြေအနေ အမျိုးမျိုးကြောင့်ဖောက်ပြန်တတ်တယ်။ စိတ်က ကိုယ်ထက် ဖော်ပြန်လွယ်တယ်။တစ်ရက်ကို အတွေးပေါင်း သောင်းချီတွေးနေတဲ့စိတ်ကိုမလေ့ကျင့်တတ်ရင်ဖောက်ပြန်မှု အပေါင်းသရဖူဆောင်းတဲ့အခါလောကသဘာဝနဲ့ သဟဇာတ မဖြစ်တဲ့အခါဘဝက အံဝင်ဂွင်ကျမဖြစ်၊စိတ်သွားတိုင်း ခရီးမတွင်၊စိတ်အလိုမကျ ဖြစ်တတ်တယ်။ စိတ်ဖောက်ပြန်တာကိုအာရုံစိုက်မှုနဲ့ အစားထိုးလို့ရတယ်။အာရုံစိုက်မှုကို စာဖတ်ခြင်း၊တရားထိုင်ခြင်း၊ကိုယ့်ရဲ့အတွေးတွေကို ပြန်လည်ဆန်းစစ်ခြင်းနဲ့သွားလို့ရတယ်။အာရုံကို အာဏာကုန်တစ်ခုတည်းကိုစူးစိုက်နိုင်တဲ့အခါ သမာဓိ ဖြစ်တယ်။ သမာဓိဆိုတာ စိတ်ဒဏ်ရာတွေရဲ့သမားတော်ပဲ။ စကားလုံးကြီးသာ ကြီးနေတာ။သမာဓိဆိုတာ စိတ်တည်ကြည်ခြင်းကိုဆိုတာ။အကြည်ဓာတ်အပြည့်နဲ့ ဖြတ်သန်းချင်ရင်သမာဓိ တည်ကြည်ဖို့စိတ်ကို လေ့ကျင့်ဖို့၊စိတ်ထဲ အမှိုက်တွေ မထည့်ဖို့၊ထည့်မိတဲ့အမှိုက်တွေကို ခြေဖျက်ဖို့လိုတတ်တယ်။ Phyo Paing @ Derek

အိုင်ဒီယာတွေက အန္တရာယ်ရှိတယ်။ဒီမိုကရေစီဆိုတာဒီ အိုင်ဒီယာတွေကိုလွတ်လပ်စွာ ပြောဆို၊ ရေးသား၊ ထုတ်ဝေမှုကိုကန့်သတ်ပိတ်ပင်ခြင်းမရှိခွင့်ပြုတာ။ လိုချင်တာ ဒီမိုကရေစီဖြစ်ပြီးကိုယ်နဲ့မတူတဲ့ အိုင်ဒီယာတိုင်းကိုအန္တရာယ်ရှိစေနိုင်တဲ့အတွက်လိုက်တိုက်ခိုက်တာကကိုယ်လိုချင်တဲ့ စနစ်နဲ့ ပြောင်းပြန်ဖြစ်စေတယ်။ မတူညီတဲ့ အိုင်ဒီယာ၊အတွေးအခေါ်တွေကို၁။ နားထောင်၂။ နားလည်လက်မခံရင် အကျိုးသင့်အကြောင်းသင့်ပြန်၃။ နားချဒီလို လုပ်နိုင်မှပဲ progressive ဖြစ်တဲ့လူ့အဖွဲ့အစည်းတစ်ခုဖြစ်မှာ။ အရာရာက အိုင်ဒီယာက စတယ်။ တခါတလေ ကိုယ်တိုင်အပါအဝင်အသီးအပွင့်ကိုပဲ ခူးခပ်ချင်တတ်ကြတယ်။

ဘဝဆိုတာ ကိုယ်မကြိုက်တဲ့အလုပ်တွေလုပ်ပြီးမကြိုက်တဲ့သူတွေကိုယ့်ရဲ့အောင်မြင်မှုတွေကို မကြိုက်အောင်လုပ်တဲ့ ကစားပွဲတစ်ခုဆိုရင်တော်တော်လေး ပျင်းဖို့ကောင်းမှာပဲ။ ဘဝဆိုတာ ကိုယ်ကြိုက်တဲ့အရာတွေလုပ်ပြီးကြိုက်တဲ့သူတွေရဲ့ကြိုက်တဲ့အရာတွေရအောင် ကူညီပေးတဲ့ကစားပွဲတစ်ခုဆိုရင်အားလုံးလဲ ကြိုက်ကြမှာပဲ။ ဘဝဆိုတာ ကိုယ့်ကိုယ်ကိုနားလည်အောင်ကြိုးစားတဲ့နေရာတစ်ခုပဲ။ ဗိုက်ဆာရင်တော့ ဗိုက်ပြည့်အောင်လုပ်ရမယ်။နေစရာမရှိရင် နေစရာရှိအောင်လုပ်ရမယ်။နောက်ဆုံးတော့ အဗရေဟန် မားစလိုးAbraham Maslow ပြောသလိုလူ့လိုအပ်တွေက ဘုံငါးဆင့်။ လူ့ပြည်မှာသာလဲ ဘုံတွေရှိတယ်။တချို့က စားဖို့ သောက်ဖို့ ပူရတဲ့ဘုံ။တချို့က နေဖို့ ပူရတဲ့ဘုံ။တချို့က အထီးကျန်ဘုံဘဝ။တချို့က လူကြားမှာအောင်မြင်မှုတွေကို အူယားပြီးအသိအမှတ်ပြု လက်ခုပ်သံတွေဆာလောင်တဲ့ ဘုံဘဝ။တချို့က မာယာများတဲ့လောကနဲ့ ကိုယ်နဲ့ထိတွေ့မှုတွေကြောင့်ဖြစ်လာတဲ့ ဓာတ်ပြုမှုတွေကိုနားလည်ချင်တဲ့ ဘုံဘဝ။ ဘုံဘဝကို တချို့က သုညကစတယ်။ Phyo Paing @ Derek

တွေးပြီး လောကကိုနားလည်အောင်ကြည့်တဲ့ဉာဏ်စဉ် ရှိတယ်။လုံးဝ မတွေးပဲလောကကို နားလည်အောင်ကြည့်တဲ့ဉာဏ်စဉ်ရှိတယ်။ ပညာရှိ ဆိုတာ ပညာရှိတာ။အဲ့ထက်ကျော်သွားရင်ကိုယ်တိုင်က ပညာဖြစ်သွားတယ်။တစ်သားတည်းဖြစ်သွားတယ်။ ပညာဆိုတာ အသိဥာဏ်။ ဥာဏ်ရှိရင် ရှိသလောက်မြင်တယ်။ဥာဏ်နိမ့်ရင် နိမ့်နိမ့်မြင်မယ်။ဥာဏ်မြင့်လာသမျှ မြင်တာမြင့်လာမယ်။မြင်တာ မြင့်လာသမျှလူတွေကို နားလည်တတ်လာမယ်။နည်းနည်းလေး မြင့်လာရင်လူတချို့ကို မေတ္တာထားတတ်လာမယ်။တော်တော်လေး မြင့်လာရင်လူတိုင်းကို မေတ္တာထားတတ်လာမယ်။ ယဿာနုဘာဝတော ယက္ခာ၊နေဝ ဒဿေန္တိ ဘီသနံ။မေတ္တာသုတ် ထိုင်ရွက်နေစရာမလိုပဲမေတ္တာထားတတ်တဲ့ အဆင့်ရောက်လာမယ်။ ဒီလိုဖြစ်လာတဲ့အခါဒေါသ၊ လောဘ၊ မောဟမကောင်းတဲ့ စေတသိတ်တွေကိုအနိုင်ယူလို့ ရလာမယ်။ ဒါတွေက မာန်နတ်တွေပဲ။ လူတွေမှာရှိတဲ့ကိုယ်စောင့်နတ်ဆိုးတွေကိုငြိမ်အောင်ထိန်းနိုင်ပြီးကိုယ်စောင့်နတ်ကောင်းတွေဖြစ်တဲ့ဥပက္ခာ တရား equanimityဂရုဏာ loving kindnessမေတ္တာ compassionတွေနဲ့ ကောင်းမွန်တဲ့ နတ်ကောင်းစေတသိတ်တွေကို နှိုးထအောင်နိုးဆွလာနိုင်မယ်။ ဘာရယ်မဟုတ်တွေးမိတာလေးရေးမိပြန်တယ်။ မှန်ချင်လဲမှန်မယ်၊မှန်ချင်မှလဲ မှန်လိမ့်မယ်။ Phyo Paing @ Derek