Productivity

“အနည်းဆုံး ဆယ်ဆ ထပ်တိုးတက်နိုင်မည့်ပတ်ဝန်းကျင်မှာ ရှင်သန်ပါ။”ဒါကတော့ ကိုယ့်ကိုကိုယ်ချမှတ်ထားတဲ့ဥပဒေသ တစ်ခုဖြစ်တယ်။ တချို့ပတ်ဝန်းကျင် အခြေအနေတွေကမပြုတ်အောင် ထိန်းနေရတဲ့အခြေအနေဖြစ်မယ်။ သန်တုန်း၊ မြန်တုန်းမှာ အသေဝုန်းဖို့ အသက် ၅၀၊ ၆၀ မတိုင်ခင်တော့ ထိန်းခြင်း defense ထက်စွန့်စားခြင်း၊ စမ်းသပ်ခြင်း ၁၀ ဆ ထပ်ကြီးနိုင်မည့် ပတ်ဝန်းကျင်နယ်ပယ်မှာ ရှင်သန်ခြင်းကို လုပ်သွားမယ်လို့တော့ စဥ်းစားထားတယ်။ မဟုတ်လဲ တစ်နေ့ အကုန်သေမှာပဲ။ကိုယ့်ထက်အရင် လောကထဲကထွက်သွားတဲ့ သူငယ်ချင်းမိတ်ဆွေတွေတောင်မနည်းတော့ဘူး။ တချိန် ကိုယ်လဲ ဒီလမ်းသွားရမှာပဲ။ မသွားခင် ဘဝဂိမ်းမှာ ကိုယ်တန်ဖိုးထားတဲ့ အလုပ်၊မြတ်နိုးတို့အရာတွေ၊ သိချင်တဲ့ အဖြေတွေကို ထုတ်ဖို့အချိန်ကို အကောင်းဆုံးအသုံးပြုသင့်တယ်လို့ထင်တယ်။ Phyo Paing @ Derek

အလုပ်ကို နည်းနိုင်သမျှနည်းအောင်လုပ်ပြီးရလဒ်ကို များနိုင်သမျှများအောင်လုပ်။ဒါကို နည်းနည်းလုပ်များများရ leverage လို့ခေါ်တယ်။ ဥပမာဆယ်တန်းတုန်းကသင်္ချာဆို အခန်း ၁-၈ စက်ဝိုင်းခန်းထိရပြီးတစ်မှတ်တန် အခန်း ၁၂ differentiation ထိကြည့်ရင်ဂုဏ်ထူးထွက်ကိုထွက်တယ်။အခန်း ၈ ထိကလဲ အရမ်းလွယ်တယ်။ဇီဝဗေဒဆို ယုန်အကြောင်းRabbit ကနေ နောက်အခန်းထိကြည့်။အရှေ့က အပင်အခန်းတွေ နည်းနည်းပဲလုပ်။ဂုဏ်ထူးထွက်ကို ထွက်တယ်။ ဒါက လိုချင်တဲ့ရလဒ်ရဖို့နည်းနည်းလုပ် များများရဖို့highly leveraged activities တွေကိုသတ်မှတ်တာပေါ့။ တက္ကသိုလ်မှာဆို ကြယ်ငါးပွင့်5 stars တွေ ကြည့်၊4 stars တွေအကုန်သိရင်စာမေးပွဲအောင်သလိုပေါ့။ ဘဝမှာ နည်းနည်းလုပ်များများရဖို့“အရေးကြီးတာ သိဖို့လိုတယ်။” ဥပမာ ဒီနေ့ခေတ် လုပ်ငန်းငယ်လေးငွေများများရှာချင်ရင်၊အရင်းအနှီးနည်းနည်းများများငွေများများ မြန်မြန်ရှာချင်ရင်နည်းနည်းလုပ် များများရhighly leveraged activities မှာလူမှုကွန်ယက် social media ပါတယ်။နောက် စီမံခန့်ခွဲမှုလုပ်နိုင်တဲ့နည်းပညာပါတယ်။ ဒီနှစ်ခုကောင်းကောင်းလုပ်နိုင်ရင်ကိုအမှတ်ပေးစည်းမျဉ်းအရဂုဏ်ထူးမထွက်ရင်တောင်အောင်မှတ်ရတယ်။ ဒါတွေလုပ်နိုင်ဖို့ နေ့စဉ်အကြည်ဓာတ်မပျောက်စေနဲ့အားတီ၊ အားမေတို့။