Progress

တစ်သက်လုံး ရုန်းကန်ပြီးဘဝကြီး မပြောင်းလာတဲ့သူတွေအများကြီးတွေ့ဖူးလိမ့်မယ်။ တခါတလေ ရုန်းကန်မှတိုးတက်မယ်လို့ထင်တဲ့အတွေးအခေါ် တစ်ခု ရှိတယ်။အမြဲရုန်းကန်နေရတယ်ဆိုတာ ရွေးချယ်မှုတွေ မှားနေလို့ဖြစ်နိုင်တယ်။ ရွေးချယ်မှုမှန်ရင် အလုပ်လုပ်နေသလိုမခံစားရဘဲ Flow နဲ့ တစ်သားတည်းဖြစ်နေမယ်။ Phyo Paing  @ Derek

မိမိကိုယ်ကို တိုးတက်ရေးလုပ်တဲ့အခါမြန်ဆန်တဲ့လမ်းရဖို့လမ်းညွှန်တွေ လိုတတ်တယ်။ မိမိကိုယ်ကို တိုးတက်ရေးဆိုတာ မော်တီဗေးရှင်းတစ်ခုထက်ပိုတယ်။တချို့စာအများကြီးမဖတ်တဲ့သူကတက်ကျမ်းဆိုတာ မော်တီဗေးရှင်းတစ်ခုပဲရှိတယ်လို့ ထင်တတ်ကြတယ်။ တိုးတက်ရေးအတွေးအခေါ်၊နည်းလမ်းပြသထားတဲ့ စာပေကို တက်ကျမ်း (self-help) လို့ခေါ်တယ်။တက်ကျမ်းကို ၇ မျိုးခွဲလို့ရတယ်။ ၁။ စိတ်ပိုင်းဆိုင်ရာ ဖွံ့ဖြိုးတိုးတက်မှု | Mental & Personal Development ✅ ကိုယ်ပိုင်ယုံကြည်မှု တည်ဆောက်ခြင်း | Building Self-confidence✅ စိတ်ဓာတ်ခွန်အား မြှင့်တင်ခြင်း | Motivation✅ စိတ်ဖိစီးမှု စီမံခန့်ခွဲခြင်း | Stress Management✅ အပြုသဘောဆောင် တွေးခေါ်နည်း | Positive Thinking ၂။ ဆက်ဆံရေးပိုင်းဆိုင်ရာ | Relationships ✅ မိသားစုဆက်ဆံရေး | Family Relations✅ အိမ်ထောင်ရေး အကြံပေးချက်များ |

ဆုတ်ယုတ်ဖို့လွယ်တယ်။မတော်တဆ တိုးတက်တာရှားတယ်။ဖြစ်ရင်လဲခဏပဲ။ တိုးတက်မှုက ရည်ရွယ်ချက်ရှိရှိလုပ်ဖို့လိုတယ်။ တစ်သက်မှာ တစ်ခါလူလာဖြစ်တာ။ကိုယ့်ရဲ့ အကောင်းဆုံးပုံစံမြင်မသွားချင်ဘူးလား။ မြင်သွားချင်ရင်တော့ ဘဝမှာတိုးတက်နေဖို့လိုတယ်။ ချိန်ကိုက်ဗုံးလို့ အချိန်တွေကုန်အိုနေ၊ နာနေ၊ သေဖို့နီးလာလေအလိုလို ဆုတ်ယုတ်နေတဲ့ဘဝမှာဆုတ်ယုတ်မှုနှေးပြီး ဘဝကို အကောင်းဆုံးဖြတ်သန်းဖို့စိတ်နဲ့ ခန္ဓာ တိုးတက်နေဖို့လိုတယ်။ အသက်ရှင်သမျှလူတွေမမှတ်မိလောက်အောင်တိုးတက်ပြောင်းလဲလို့ရနိုင်တယ်။ Phyo Paing @ Derek

လုံးဝမဖြစ်ချင်တဲ့အရာဆုတ်ယုတ်နေတဲ့ဘဝ။မနေချင်တဲ့ဘဝက တိုးတက်မှုမရှိတဲ့ ဒုံရင်းဒုံရင်းဘဝ။ တိုးတက်မှုမရှိနေရင်နေ့တိုင်း ဆုတ်ယုတ်နေတယ်လို့ခံစားရတယ်။ အချိန်ဆိုတာ ရပ်မနေဘူး။သိမ်းထားလို့လဲမရဘူး။ပြောင်းယူလို့ဘဲရတယ်။ဖြုန်းတီးလိုက်မလား၊တိုးတက်မှုကိုပြောင်းမလား။ ကိုယ့်ရဲ့ ရွေးချယ်မှုပဲ။ တိုးတက်တဲ့ဘဝက “ကိုယ်” က စတင်တယ်။အသက်ရှင်နေသ၍ကိုယ်နဲ့အတူရှိနေမည့်အရာက“ကိုယ်တိုင်” ဖြစ်တယ်။ ဒါကြောင့် လူတွေမမှတ်မိလောက်အောင်တိုးတက်ပြောင်းလဲပြီး“အကောင်းဆုံး သင်” ဖြစ်အောင်တည်ဆောက်ဖို့ကိုယ့်မှာ တာဝန်ရှိတယ်။ ကိုယ့်ကိုကိုယ် လျော့မတွက်နဲ့။မကန့်သတ်ထားနဲ့။အတွေးအခေါ် လှောင်အိမ်ထဲမထည့်ထားနဲ့။အားလျော့စေမည့် ငြီးငြူခြင်းကိုဖြစ်နိုင်ရင် မလုပ်ဆောင်နဲ့။ ကိုယ့်ကိုကိုယ် တန်ဖိုးထား။ကိုယ့်ကိုကိုယ် ကာကွယ်။ကိုယ့်ကိုကိုယ် အားပေး။ကိုယ့်ကိုကိုယ် နေ့စဉ်တည်ဆောက်။ ဂုဏ်ယူစေမည့်အလုပ်တွေ နေ့စဉ်လုပ်။တိုးတက်စေမည့်အလုပ်တွေ နေ့စဉ်လုပ်။ နေသလိုဖြစ်တဲ့ဘဝမှာဖြစ်သလို မနေနဲ့။အရေးမပါတာကို အရာမပေးနဲ့။ မပြိုင်ဘဲ နိုင်အောင်လုပ်နိုင်တဲ့ကိုယ့်ရဲ့ စူပါ ပါဝါကိုသိ။ကိုယ့်အားသာချက်ကိုအသုံးချ။ ကြံနိုင်စွမ်း၊ ဖန်နိုင်စွမ်း၊အကောင်အထည်ဖော်နိုင်စွမ်းကိုမြှင့်တင်ပေးနိုင်ဖို့အတွေး၊ အကြံ၊ အလုပ်တိုးတက်ဖို့ယုတ္တိကျကျ တွေး၊ယုတ္တိကျကျ ကြံ၊ယုတ္တိကျကျ လုပ်။ လူတွေမမှတ်မိလောက်အောင်တိုးတက်ပြောင်းလဲဖို့“နေ့စဉ် သင်ယူမှုကို မရပ်လိုက်နဲ့”။ ကိုယ်က အကောင်းဆုံးတွေနဲ့ထိုက်တန်တယ်ဆိုတာ မမေ့လိုက်နဲ့။ Phyo Paing @