Progress

ထိုက်တန်လား။ လူတစ်ယောက်ရဲ့အဖိုးအတန်ဆုံးကအချိန်။အချိန်ထက်အဖိုးတန်တာအာရုံ။အချိန်ရှိပြီး ကိုယ့်အာရုံကိုယ်မထိိန်းနိုင်ရင်စိတ်ကဟိုရောက်ဒီရောက်ဗရိုဗရဲဖြစ်နေမှာ။ အလုပ်တစ်ခု၊ လူတစ်ယောက်၊အကြောင်းအရာတစ်ခုကိုအချိန်ပေးဖို့၊ အာရုံစိုက်ဖို့ထိုက်တန်လားဆိုတာကိုယ့်ကိုကိုယ် အမြဲမေးကြည့်တယ်။ ဘဝကတိုတိုလေးပဲ။၈၂ နှစ်ကျော်နေရရင် ရက်ပေါင်း ၃ သောင်း။ ကိုယ့်အချိန်၊ ကိုယ့်အာရုံကိုကိုယ့်အတွက် မထိုက်တန်တဲ့လူ၊ အလုပ်၊ အကြောင်းအရာအပေါ်အာရုံထားဖို့ အချိန်အဲ့လောက်မပေါဘူးလို့ထင်တယ်။ ကိုယ့်အချိန်နဲ့အာရုံကိုကိုယ်ချစ်တဲ့ကိုယ်တန်ဖိုးထားတဲ့ကိုယ်မြတ်နိုးတဲ့လူ၊ အလုပ်၊ အကြောင်းအရာပေါ်မှာအချိန်ပိုပေးကြည့်ပါ။ဘဝကြီးကို အကြည်ဓာတ်နဲ့ပိုဖြတ်သန်းနိုင်လိမ့်မယ်။ Phyo Paing @ Derek

တပ်မက်မှုမရှိခြင်းဟာပါဝါတစ်ခုပဲ။လူ၊ နေရာ၊ ပတ်ဝန်းကျင်ကိုစွဲလမ်းမှုမရှိခြင်းကပါဝါတစ်ခုပဲ။ကိုယ်ဖြစ်စေချင်တဲ့အတိုင်းမဖြစ်လာတာကိုဂရုမစိုက်တာကလဲSpiritual ပါဝါတစ်ခုပဲ။ လိုချင်တာရအောင်လုပ်နိုင်တာကလောကီရဲ့ ပါဝါ။လိုချင်တာကို စွန့်လွတ်နိုင်တာကလောကုတ္တရာရဲ့ပါဝါ။ Phyo Paing @ Derek

ပိုကောင်းတဲ့အနာဂတ်ကို စောင့်ပြီးနေနေတာလဲမဟုတ်။ဒီတစ်နေ့ကိုအာရုံစိုက်နေထိုင်ပြီးပိုကောင်းတဲ့အနာဂတ်ကသူ့အလိုလို ကိုယ့်ဆီရောက်လာတာဒါက “အသက်ရှင်ပြီး အသက်ဝင်တာ”။ဒါက Flow.မရုန်းကန်နဲ့။ ရုပ်မနေနဲ့။Don’t struggle. Don’t settle.ဒီ “道 Dao” လမ်းစဉ်ကိုနားလည်ဖို့နှစ်ပေါင်းအတော်ကြာပေးခဲ့ရသလိုပဲ။ Phyo Paing @ Derek

နာမည်ကြီးလူသိများတာကကျော်ကြားတာ။ငွေကြေးများများပိုင်ဆိုင်တာကချမ်းသာတာ။သမီးရည်းစားလင်မယားရှေ့သွားနောက်လောက်ညီတာကအိမ်ထောင်ရေးသာယာတာ။ လူတွေက ကိုယ်လိုချင်တာရတာကိုအောင်မြင်တယ်လို့သတ်မှတ်ကြတယ်။ ကိုယ်လိုချင်တာနဲ့တခြားသူလိုချင်တာ တူချင််မှတူလိမ့်မယ်။​ ကိုယ်လိုချင်တာသေချာသိဖို့self-awareness လိုတယ်။မဟုတ်ရင် လူအများလိုချင်တာကိုကိုယ်လိုချင်တယ်လို့ပဲထင်နေတတ်တယ်။ ကျော်ကြားပြီး ကိုယ့်ကိုကိုယ်သတ်သေသွားတဲ့အနုပညာရှင်တွေတွေ့ဖူးလိမ့်မယ်။ငွေကြေးတွေကျိကျိတတ်ချမ်းသာပြီးမပျော်တဲ့သူတွေအများကြီးတွေ့ဖူးလိမ့်မယ်။ ကိုယ်လိုချင်တာရဖို့ကိုယ်ဘာလိုချင်လဲသိအောင်ကိုယ့်ကိုကိုယ်အရင်နားလည်အောင်လေ့လာဖို့လိုလာတယ်။ ဒီလိုနားလည်ဖို့ ဘဝရဲ့ဖြတ်သန်းမှု၊တုန့်ပြန်မှု၊ စဥ်းစားတဲ့ပုံ၊လုပ်ဆောင်လေ့ရှိတဲ့ပုံစံ၊ကိုယ်ရည်ကိုယ်သွေး၊အတွေး၊ အကြံ၊ အလုပ်တွေကိုလေ့လာမှုတွေပြုကြရတယ်။ မေးဖွားခြင်းနဲ့ သေဆုံးခြင်းကြားဖြစ်စဥ်ကို ဘဝလို့ခေါ်တယ်။ဒီကြားမှာ ပိုကောင်းတဲ့ဘဝကိုနေထိုင်ဖို့ ကိုယ့်ကိုကိုယ်နားလည်ဖို့လိုတယ်။ကိုယ့်ရဲ့ အတွေး၊ အကြံအစည်၊ အလုပ်ဒါတွေကိုနားလည်လာရင်ပိုတိုးတက်အောင်လုပ်ဆောင်လို့ရတယ်။အတွေး၊ အကြံ၊ အလုပ်ပိုကောင်းလာလေလေရလဒ်ပိုကောင်းလာလေလေ။ရလဒ်ကောင်းလာလေလေ၊ဘဝရဲ့အရည်အသွေးပိုကောင်းလာလေလေ။ တချို့အရာတွေကို တိုက်ရိုက်ထိန်းချုပ်လို့မရဘူး။တချို့အရာတွေကို တိုက်ရိုက်ထိန်းချုပ်လို့ရတယ်။ကိုယ်ဘယ်လိုတွေးမယ်၊ဘယ်လိုကြံစည်မယ်၊ဘယ်လိုတုန့်ပြန်မယ်ဒါတွေကို ထိန်းချုပ်လို့ရတယ်။ Phyo Paing @ Derek

လူတိုင်းဘဝမှာ အကွေ့တွေရှိတယ်။အဲ့ဒီ အကွေ့ကအတက်လမ်းဖြစ်နိုင်သလို၊အဆင်းလမ်းဖြစ်နိုင်တယ်။ ဘဝမှာလူ၊ နေရာ၊ အလုပ်၊ အဖြစ်အပျက်၊အခွင့်အလမ်းအသစ်တွေနဲ့တွေ့တဲ့အကွေ့တွေကို သတိနဲ့အသုံးချနိုင်ရင်ဘဝက နောက်တစ်ဆင့်ရောက်သွားနိုင်တယ်။ ပိုဆိုးနိုင်သလို၊ ပိုကောင်းနိုင်တယ်။ အကွေ့တိုင်းကို ဂရုစိုက်ဖို့လိုတယ်။အခုကတော့ ကမ္ဘာကြီးကတော့အေအိုင်အကွေ့မှာ။ ကိုယ့်ပါဆန်နယ်အတွက်ကျန်းမာရေး၊ ချမ်းသာရေး၊အချစ်အိမ်ထောင်၊ စီးပွါး၊ အသိုင်းအဝိုင်းအကွေ့တွေကို သတိပြုဖို့လိုတတ်တယ်။ Phyo Paing @ Derek