Progress

နာမည်ကြီးလူသိများတာကကျော်ကြားတာ။ငွေကြေးများများပိုင်ဆိုင်တာကချမ်းသာတာ။သမီးရည်းစားလင်မယားရှေ့သွားနောက်လောက်ညီတာကအိမ်ထောင်ရေးသာယာတာ။ လူတွေက ကိုယ်လိုချင်တာရတာကိုအောင်မြင်တယ်လို့သတ်မှတ်ကြတယ်။ ကိုယ်လိုချင်တာနဲ့တခြားသူလိုချင်တာ တူချင််မှတူလိမ့်မယ်။​ ကိုယ်လိုချင်တာသေချာသိဖို့self-awareness လိုတယ်။မဟုတ်ရင် လူအများလိုချင်တာကိုကိုယ်လိုချင်တယ်လို့ပဲထင်နေတတ်တယ်။ ကျော်ကြားပြီး ကိုယ့်ကိုကိုယ်သတ်သေသွားတဲ့အနုပညာရှင်တွေတွေ့ဖူးလိမ့်မယ်။ငွေကြေးတွေကျိကျိတတ်ချမ်းသာပြီးမပျော်တဲ့သူတွေအများကြီးတွေ့ဖူးလိမ့်မယ်။ ကိုယ်လိုချင်တာရဖို့ကိုယ်ဘာလိုချင်လဲသိအောင်ကိုယ့်ကိုကိုယ်အရင်နားလည်အောင်လေ့လာဖို့လိုလာတယ်။ ဒီလိုနားလည်ဖို့ ဘဝရဲ့ဖြတ်သန်းမှု၊တုန့်ပြန်မှု၊ စဥ်းစားတဲ့ပုံ၊လုပ်ဆောင်လေ့ရှိတဲ့ပုံစံ၊ကိုယ်ရည်ကိုယ်သွေး၊အတွေး၊ အကြံ၊ အလုပ်တွေကိုလေ့လာမှုတွေပြုကြရတယ်။ မေးဖွားခြင်းနဲ့ သေဆုံးခြင်းကြားဖြစ်စဥ်ကို ဘဝလို့ခေါ်တယ်။ဒီကြားမှာ ပိုကောင်းတဲ့ဘဝကိုနေထိုင်ဖို့ ကိုယ့်ကိုကိုယ်နားလည်ဖို့လိုတယ်။ကိုယ့်ရဲ့ အတွေး၊ အကြံအစည်၊ အလုပ်ဒါတွေကိုနားလည်လာရင်ပိုတိုးတက်အောင်လုပ်ဆောင်လို့ရတယ်။အတွေး၊ အကြံ၊ အလုပ်ပိုကောင်းလာလေလေရလဒ်ပိုကောင်းလာလေလေ။ရလဒ်ကောင်းလာလေလေ၊ဘဝရဲ့အရည်အသွေးပိုကောင်းလာလေလေ။ တချို့အရာတွေကို တိုက်ရိုက်ထိန်းချုပ်လို့မရဘူး။တချို့အရာတွေကို တိုက်ရိုက်ထိန်းချုပ်လို့ရတယ်။ကိုယ်ဘယ်လိုတွေးမယ်၊ဘယ်လိုကြံစည်မယ်၊ဘယ်လိုတုန့်ပြန်မယ်ဒါတွေကို ထိန်းချုပ်လို့ရတယ်။ Phyo Paing @ Derek

လူတိုင်းဘဝမှာ အကွေ့တွေရှိတယ်။အဲ့ဒီ အကွေ့ကအတက်လမ်းဖြစ်နိုင်သလို၊အဆင်းလမ်းဖြစ်နိုင်တယ်။ ဘဝမှာလူ၊ နေရာ၊ အလုပ်၊ အဖြစ်အပျက်၊အခွင့်အလမ်းအသစ်တွေနဲ့တွေ့တဲ့အကွေ့တွေကို သတိနဲ့အသုံးချနိုင်ရင်ဘဝက နောက်တစ်ဆင့်ရောက်သွားနိုင်တယ်။ ပိုဆိုးနိုင်သလို၊ ပိုကောင်းနိုင်တယ်။ အကွေ့တိုင်းကို ဂရုစိုက်ဖို့လိုတယ်။အခုကတော့ ကမ္ဘာကြီးကတော့အေအိုင်အကွေ့မှာ။ ကိုယ့်ပါဆန်နယ်အတွက်ကျန်းမာရေး၊ ချမ်းသာရေး၊အချစ်အိမ်ထောင်၊ စီးပွါး၊ အသိုင်းအဝိုင်းအကွေ့တွေကို သတိပြုဖို့လိုတတ်တယ်။ Phyo Paing @ Derek

ကိုယ့်ဘဝကိုယ်သိပ်စိတ်တိုင်းမကျသေးတဲ့သူတွေကဇာတ်ကနေရတတ်တယ်။​ ဇာတ်ကားနာမည်ကမထူးဇာတ်။ ဒီအလုပ်၊ အချစ်၊ နေရာ၊ ဘဝမှာအဆင်ပြေတယ်လဲမဟုတ်၊အဆင်မပြေဘူးလားဆိုလဲအပြည့်မဟုတ်။ မထူးပါဘူးလေ။မထူးတော့ပါဘူး။ဘာတတ်နိုင်မှာလဲ။ဒီမထူးဇာတ်ကြီးနဲ့ ဘဝကိုဆက်နေရတတ်တယ်။ ကိုယ့်ရဲ့အတိတ်ကဆုံးဖြတ်ချက်တွေကြောင့်ငါ့ထိုက်နဲ့ ငါ့ကံပါပဲကိုယ့်ကိုကိုယ်ပြောတတ်တယ်။ ကိုယ့်အကောင်းဆုံးဖြစ်နိုင်တာတွေကိုလဲမြင်တယ်။လုပ်ဖို့လဲ လူ့ဘောင်ကရှိသေးတယ်။လူတွေရဲ့အထင်အမြင်ကရှိသေးတယ်။​ ဒီလို မထူးဇာတ်ကရင်းဇာတ်ပွဲပြီးသွားတဲ့အခါကိုယ်နဲ့ထိုက်တန်တဲ့ ဇာတ်မကလိုက်ရဘဲအထူးဇာတ် မင်းသား၊ မင်းသမီးအနေနဲ့ဘဝအဆုံးသတ်သွားတတ်ကြတယ်။ တခါတလေ ကိုယ့်မသိစိတ်Intuition ရဲ့နှလုံးသားအသံကိုနားထောင်ကြည့်။လုပ်သင့်ရင် လုပ်သာလုပ်ချလိုက်။ မထူးဇာတ်က မတူထူးကိုယ်ဆောက်ချင်တဲ့အိမ်မက်ကို တည်ဆောက်ဖို့ကကိုယ့်တာဝန်တစ်ခုဖြစ်တတ်တယ်။ Phyo Paing @ Derek

ရှေ့ကိုသွားမယ်ဆိုရှေ့ကို ကြည့်။ နောက်ပြန်သွားမယ်ဆိုနောက်ကို အဓိကကြည့်။ ဘဝရဲ့ တိုးတက်ပြောင်းလဲမှုဖြစ်စဥ်တိုင်းမှာအပြောင်းအလဲတွေကြုံရလိမ့်မယ်။ အရင်လူတွေကို ထားခဲ့ရတာမျိုး။အရင်ကိုယ့်ကို သဘောကျတဲ့သူတွေသဘောကျချင်မှ ကျတော့မယ်။ လူအသစ်တွေနဲ့တွေ့မယ်။အလုပ်အသစ်တွေ လုပ်ပြီးအခွင့်အလမ်းအသစ်တွေတွေ့မယ်။ ရှေ့သွားမယ်ဆို ရှေ့ကိုကြည့်။ Phyo Paing @ Derek

လူမှန်ရင် အလုပ်လုပ်ရတယ်။အလုပ်လုပ်တိုင်း အလုပ်မဖြစ်ဘူး။အလုပ်ဖြစ်ဖို့ အစွမ်းအစတိုးတက်ဖို့လိုတယ်။အစွမ်းအစတိုးတက်ဖို့ ပညာသင်တယ်။ သိသင့်တာသိတဲ့ အသိပညာရှိဖို့အထက်တန်းကျောင်းပြီးအောင်ကျောင်းပညာသင်တယ်။​ လုပ်ဆောင်နိုင်တဲ့ အတတ်ပညာတတ်ဖို့အတွက် တက္ကသိုလ်တက်တယ်။ လောကရဲ့ အမှန်အမှားဆုံးဖြတ်နိုင်တဲ့ဥာဏ်ပညာတိုးတက်ဖို့အတွက်ဘဝတက္ကသိုလ်တက်ရတယ်။ တချို့က ဘဝကို တက္ကသိုလ်ထဲမှာကြုံတွေ့ရတဲ့ ပြဿနာကိုတွေ့ရာက အဖြေရှာတယ်။တချို့က စာအုပ်ဖတ် အဖြေရှာတယ်။တချို့က ပြင်ပသင်တန်းတွေတက်အဖြေရှာတယ်။တချို့က တတ်ကျွမ်းသူတွေဆီကသင်ကြားအကြံယူရင်အဖြေရှာတယ်။ ဒီလုပ်ဆောင်မှုတွေအားလုံးကအစွမ်းအစ တိုးတက်ဖို့ဖြစ်တယ်။ အစွမ်းအစရှိပြီးအလုပ်မလုပ်ရင်လဲအလုပ်မဖြစ်ဘူး။ အစွမ်းမစမရှိဘဲအလုပ်လုပ်ရင်လဲအလုပ်ဖြစ်သင့်သလောက်မဖြစ်ဘူး။ Phyo Paing @ Derek