life

ရောင့်ရဲတယ်ဆိုတဲ့ စကားက ကိုယ့်အဖေ၊ အမေ၊ သား၊ သမီး ကျန်းမာရေး ဆိုးဆိုးရွားရွားဖြစ်ပြီး ကုသစရိတ် သိန်းထောင်ပေါင်းများစွာမကုန်ခင်ထိက ကောင်းတယ်။ ဆေးရုံနဲ့ ဆယ်စုနှစ်ဝက်တစ်ခုလောက်အမြဲထိတွေ့တဲ့ အတွေ့အကြုံအရလောကကြီးက မမျှတဘူး။ ပိုက်ဆံမရှိရင် မသေသင့်ပဲ စောစောသေတာကြီးပဲ။ ဒါကြောင့် လောကကြီးက မျှတတယ်ဆိုတာစိတ်ကူးယဥ်ဝတ္ထုတွေထဲမှာပဲရှိကောင်းရှိနိုင်တယ်။ ငယ်ရွယ်တုန်းမှာ ဆာလောင်မှုလိုတယ်။ ကိုယ့်အချိန်ကို အကောင်းဆုံးအကောင်းဆုံးအသုံးချနိုင်ဖို့လိုတယ်။ အာရုံကို အကောင်းဆုံးအသုံးချနိုင်ဖို့လိုတယ်။ Phyo Paing @ Derek

ကိုယ့်ဘဝမှာ ရှိထား၊ရထား၊ ပိုင်ဆိုင်ထား၊ဖြစ်နေတဲ့အရာတွေကြည့်လိုက်ရင်ဒါတွေက ကိုယ်နဲ့ထိုက်တန်တဲ့အရာတွေပဲ။ ကံ၊ ကံ၏အကျိုးယုံကြည်တဲ့ဗုဒ္ဓဘာသာတစ်ယောက်ဆိုရင်တော့အတိတ်က ကုသိုလ်ကံအကြောင်းတရားတွေကြောင့်ဖြစ်ရင်ဖြစ်မယ်။ဒီဘဝရဲ့ ကုသိုလ်ကံအကြောင်းတရားတွေကြောင့်ဖြစ်ရင်ဖြစ်မယ်။ သံသရာကို လက်ကျန်စာရင်းရှင်းတမ်းBalanced Sheet တစ်ခုအနေနဲ့အတွေးအခေါ်စမ်းသပ်မှုလေးလုပ်ကြည့်တယ်။ ကုသိုလ် Asset (ပိုင်ဆိုင်မှုစာရင်း) နဲ့အကုသိုလ် Liabilities (အကြွေး)တွေကြားမှာ သံသရာစက်ဝန်းကြားက လောလောပြီးကနေရတဲ့ လောကသားဖြစ်တယ်။ ဒါကြောင့် သံသရာဝဋ်ဆင်းရဲထဲမှာအနှုတ်တွေပြတဲ့ အကုသိုလ်တွေကိုအသိ၊ သတိနဲ့ အတတ်နိုင်ဆုံးရှောင်တယ်။ သံသရာတစ်လျှောက်မှာ ပါရမီဖြည့်ဖို့ကိုယ့်လို လောကသားတွေအတွက် ကိုယ်တတ်နိုင်တဲ့ ပညာရေးနဲ့ နည်းပညာနဲ့အကျိုးပြုရင်း ပါရမီဖြည့်သွားမယ်လို့တော့အမြဲစိတ်ကူးခဲ့တာပဲ။ ကွေးသောလက်မဆန့်မီ၊ဆန့်သောလက်မကွေးမီတော့ကိုယ့်ရဲ့စွမ်းဆောင်ရည်ကို အမြင့်ဆုံးဖြစ်အောင်စမ်းသပ်၊ လေ့လာ၊ မျှဝေပြီးကိုယ့်ရဲ့ အကောင်းဆုံးဗားရှင်းဖြစ်အောင်လုပ်ဆောင်သွားဖို့တော့ ဆုံးဖြတ်ထားတယ်။ ကိုယ့်အတွက် အကျိုးမရှိ၊သူတပါးအတွက်လဲ အကျိုးမရှိတဲ့အတွေး၊ အကြံ၊ အလုပ်မစဥ်းစားမိဖို့၊ မပွားများမိဖို့ သတိနဲ့ နေနိုင်အောင် အမြဲလေ့ကျင့်နေတာကောင်းတဲ့အချက်လို့တော့ ထင်မိတယ်။ Phyo Paing @ Derek

အချစ်ဆိုတာ ကိုယ့်ကိုယ်ကိုပြန်လည်ရှာဖွေခြင်းဖြစ်စဉ်။ စီးပွါးရေးဆိုတာ ဂိမ်းတစ်ခုလိုပဲ။ကိုယ်ပျော်တဲ့အလုပ်တွေလုပ်ရင်းအိမ်မက်တွေ အကောင်အထည်ဖော်ဖို့။ အသက်မွေးဝမ်းကြောင်းပညာဆိုတာကိုယ့်စူပါပါဝါ။ အချိန်ဆိုတာ တန်ဖိုးအရှိဆုံးအရင်းအမြစ်။ အသိပညာဆိုတာ နားလည်ဖို့။အတတ်ပညာဆိုတာ အသုံးချတတ်ဖို့။ဥာဏ်ပညာဆိုတာ အသစ်ဖန်တီးနိုင်ဖို့။ Phyo Paing @ Derek

ဘဝမှာ ပိုက်ဆံရှိရင်ပြီးရောမဟုတ်ဘူး။ဘယ်လိုပုံစံနဲ့ ပိုက်ဆံရှိလာချင်တာလဲစိတ်ကူးထားတဲ့ “နည်းလမ်း” ရှိတယ်။ ဘဝမှာ လူသိရင်ပြီးရော မဟုတ်ဘူး။ကိုယ့်ကို ဘယ်လို သိစေချင်တာလဲ။ဘာနဲ့ တွဲသိစေချင်တာလဲ နည်းလမ်းရှိတယ်။ ဘဝမှာ အောင်မြင်ရင်ပြီးရောမဟုတ်ဘူး။ဘယ်လို အောင်မြင်ချင်တာလဲ စိတ်ကူးထားတဲ့ နည်းလမ်းတွေ လူတိုင်းမှာ ရှိကြတယ်။ ဒါကြောင့် ကိုယ့်လမ်းနဲ့ သူ့လမ်းတူချင်မှ တူလိမ့်မယ်။ Phyo Paing @ Derek

အကြောက်တရား နည်းသွားတာ။ ကိုယ့်ရဲ့ တစ်ကိုယ်ရည်ဘဝ၊ အလုပ်အကိုင်နဲ့ စီးပွားရေးမှာ အဆင်မပြေတာတွေကို ထိုင်စိတ်ညစ်နေမည့်အစားနောက်တစ်ကြိမ် အသစ်စဖို့စဥ်းစား လုပ်ဆောင်မိတာအကောင်းဆုံးအချက်တစ်ချက်ပဲ။ Personal Life မှာဆိုအချစ်ရေး၊ အိမ်ထောင်ရေး၊ ဘဝနေထိုင်မှုပုံစံ။ Professional Life မှာဆို ယူတဲ့ဘွဲ့၊ တတ်ခဲ့တဲ့ အတတ်ပညာ၊ အသက်မွေးဝမ်းကြောင်းပြုတဲ့အရာတွေ။ Business Life မှာဆို စတင်ခဲ့တဲ့အလုပ်၊ အသုံးချချင်တဲ့ စီးပွားရေးမော်ဒယ်ပုံစံ၊ဝန်ဆောင်မှုပေးချင်တဲ့ ဖောက်သည်ပုံစံ၊လုပ်ငန်းတည်ဆောက်မှုပုံစံ။ အသစ်တဖန် အစက ပြန်စဖို့ကြောက်နေလို့မရနိင်ဘူး။ ဘဝဆိုတာ iterative process တစ်ခုပဲ။ အဆင်မပြေရင် ထပ်ခါထပ်ခါပြန်လည်မွမ်းမံ ပြုပြင်ရတာပဲ။ လိုအပ်ရင် လမ်းကြောင်းပြောင်း၊ဘဝကို နောက်တဖန် ပြန်ဖန်တီးReinvention လုပ်ဖို့လိုတတ်တယ်။ ကိုယ့်ရဲ့ အကောင်းဆုံး ဗားရှင်းမတည်ဆောက်နိုင်ရင်တခြားသူတွေကိုလဲ အကောင်းဆုံးဗားရှင်းတည်ဆောက်ရေးမှာကူညီပေးနိုင်ဖို့မလွယ်ဘူး။ Phyo Paing @ Derek

ကိုယ်မကြိုက်တဲ့အလုပ်ကိုလုပ်ငွေရှာပြီး ကိုယ်မကြိုက်တဲ့သူတွေကိုအထင်ကြီးအောင်လုပ်ပြီးရလာတဲ့ငွေနဲ့ ကိုယ်ကြိုက်တဲ့အလုပ်တွေပြန်လုပ်တဲ့ looping ကြီးအစား ကိုယ်ကြိုက်တဲ့အလုပ်ကိုကျွမ်းကျင်အောင်လုပ်ပြီးကိုယ်မျှဝေပေးချင်တဲ့သူတွေကိုမျှဝေပေးပြီး လုပ်နေလဲပျော်ငွေဝင်လဲပျော်တိုးတက်လဲပျော် ပိုမကောင်းဘူးလား။ ဘဝဖြတ်သန်းမှုမှာ ကိုယ့်အတွေးအခေါ်နဲ့ကိုယ်ပဲ။ Phyo Paing @ Derek

ဒီနေ့လုပ်နေတဲ့အရာတွေကဒီဘဝမှာ အရာမထင်ခဲ့ရင်တောင်သံသရာ ကားပိုင်းရှည်ထဲကနောက်အဖြတ်တွေမှာ အကျိုးပေးနိုင်တယ်။ ဒါကြောင့် ဗုဒ္ဓက မှန်ကန်တဲ့အမြင်အရေးကြီးတယ်လို့ ဟောကြားခဲ့တယ်လို့ဖတ်မှတ်မိတယ်။ မြန်မာစကားမှာ “ငါကံမကောင်းဘူး” ဆိုတာ“ငါ့ ကံရဲ့အကျိုးကောင်း မလာသေးဘူး” လို့ဆိုလို့ရနိုင်တယ်။ ကံ ကံ၏ အကျိုးဆိုတာ ဗုဒ္ဓအဆုံးအမအရသက်ဝင်ယုံကြည်ထားတယ်။ လောကီရေးရာအတွက် ကံသုံးပါးဖြစ်တဲ့မနောကံ ကို အသုံးပြုပြီးအနာဂတ်ကိုစိတ်ကူးပုံဖော်တဲ့Creative visualization ကျင့်သုံးတယ်။ ဝဇီကံကို အသုံးပြုပြီးကိုယ်ဖြစ်ချင်တဲ့ ရည်ရွယ်ချက်နဲ့အနာဂတ်အမြင်ကို ခဏခဏပြောတယ်။Public announcement လုပ်တယ်။ ကာယကံကို အသုံးပြုပြီးကိုယ်ဖြစ်ချင်တာတွေဖြစ်လာဖို့နေ့စဉ်ဖြစ်မြောက်အောင် လုပ်ဆောင်တယ်။အကောင်အထည်ကို မြန်မြန်ဖော်တယ်။အလုပ်မဖြစ်တာတွေကို ထားခဲ့တယ်။အလုပ်ဖြစ်တာတွေကို ဆက်လုပ်တယ်။ကံအကျိုးမြန်မြန်ပေးအောင်အကောင်အထည်ဖော်တဲ့ မြန်နှုန်းSpeed of implementation ကိုတင်တယ်။ Phyo Paing @ Derek