problem

အားချန့် အလုပ်တွေလုပ်ရတာ အဆင်ပြေရဲ့လား?အမေက မေးတိုင်းကျွန်တော့်အဖြေကသုံးခုပဲရှိတယ်။ ဘယ်လိုအခြေအနေ ရောက်နေနေ၁။ အဆင်ပြေတယ်၂။ အဆင်အရမ်းပြေတယ်၃။ အရမ်းအရမ်းပြေတယ်။ ဒီအခြေအနေမှာ လူတိုင်းသူ့ဟာနဲ့သူ ပြဿနာကရှိကြမှာပဲ။ပြဿနာဘယ်လောက်ကြီးလဲဆိုတာဒါကိုကြုံရတဲ့သူရဲ့ အရည်အချင်းပေါ်မူတည်တယ်။ ငါးတန်းစာမေးပွဲကသူငယ်တန်းကျောင်းသားအတွက်ခက်နိုင်ပေမယ့်ဆယ်တန်းကျောင်းသားအတွက်ကဟာသဖြစ်ရင် ဖြစ်နေမယ်။ အဆင်ပြေ = ပြဿနာကိုအဆင်ပြေပြေဖြေရှင်းနိုင်တာ။ ဒေါ်လာနဲ့ ငွေကြေးပြဿနာအနာဂတ်အလားအလာပြဿနာဝန်ထမ်းရေးရာငွေကြေးရေးရာ ဘဝက ကိုယ့်ကို သင်ခန်းစာတစ်ခုပြီးတစ်ခုပြဿနာ အယောင်ဆောင်ပေးလိမ့်မယ်။ဒါကို ဖြေရှင်းနိုင်ရင်နောက်တစ်ဆင့်တတ်ပြီပဲ။ လုပ်ငန်းစတုန်းက ရောင်းရဖို့ရောင်းရတော့ ဝန်ထမ်းထိန်းနိုင်ဖို့ထိန်းနိုင်တော့ ကုန်ပစ္စည်းတွေလည်ပတ်ဖို့အမြတ်ငွေပုံမှန်ထွက်ဖို့ကိုယ်မပါရင်တောင် လည်ပတ်နိုင်ဖို့ဒီ skill ကို ဖြန့်ကျက်အသုံးပြုနိုင်ဖို့။ပြဿနာတွေက တစ်ခုပြီးတစ်ခုလာမှာပဲ။ဒါကို ပြဿနာမဖြေရှင်း ရှောင်ပြေးပြီးအဆင်မပြေဘူး အော်နေလို့မရဘူး။ ငယ်ငယ်က အဖေနဲ့ အမေစကားများတဲ့အချိန်အဖွားနဲ့ အမေ ပြဿနာတက်တဲ့အချိန်အဒေါ်တွေနဲ့ နေတဲ့အချိန်ဘော်ဒါဆောင်နေတဲ့အချိန်တချို့အရာတွေကို ကိုယ်က control လုပ်လို့မရဘူး။လုပ်လို့ရတာ ကိုယ့်ကိုပေးထားတဲ့ပြဿနာကို ဖြေရှင်းတာပဲ။ Phyo Paing @ Derek