ဆန္ဒပြတဲ့ ရည်ရွယ်ချက်က လုပ်ရပ်တစ်ခု၊ အိုင်ဒီယာတစ်ခုကိုသဘောမတူ ဆန့်ကျင်ကြောင်းဆန္ဒထုတ်ဖော်တာဖြစ်ပါတယ်။ ငြိမ်းချမ်းစွာ ဆန္ဒထုတ်ဖော်တဲ့ပြည်သူပြည်သားတွေကို ရက်စက်စွာပစ်ခတ် နှိမ်နင်းတာကိုပြည်သူတစ်ယောက်အနေနဲ့ ရှုံ့ချပါတယ်။ မတရားမှုကို မတရားကြောင်းရပ်တည်ရဲတဲ့ တစ်ဦးတစ်ယောက်ချင်းစီကိုလေးစားပါတယ်။နောင်လာမည့် မျိုးဆက်သစ်တွေကိုမဟုတ်တာကို ရေငုံပိတ်ပြီးခေါင်းငြိမ့်တဲ့ မျိုးဆက်မျိုးမဖြစ်စေရဘူး။ #MilkTeaAlliance #JusticeOfMyanmar
ခုဆို ၂၄ ရက်ပဲရှိသေးတယ် တချို့တွေ စိတ်ဓာတ်ကျချင်လာပြီတချို့တွေ ဒေါသတွေကြီးလာပြီတချို့တွေ အဆဲသန်လာပြီ။ ဒေါ်အောင်ဆန်းစုကြည်လို နေအိမ်အကျယ်ချုပ်နဲ့ ဆယ်စုနှစ်တစ်ခုကျော်နေရမယ်ဆို ကျွန်တော်တို့ သွေးပျက်သွားနိုင်လောက်တယ်။ Freedom from Fear ဆိုတာ စိတ်ခံစားမှု (အကြောက်တရား)ကင်းဝေးဖို့အတွက်ဆို ကိုယ်ကစိတ်ခံစားမှုရဲ့ အရှင်သခင်ဖြစ်နေဖို့ လိုတယ်။ ခေါင်းအေးအေးနဲ့ မဟာဗျူဟာချပြီးစိတ်ရှည်ရှည်နဲ့ ရည်မှန်းချက်ကိုရောက်အောင်သွားဖို့ လိုတယ်။ အရင်လိုမှုက အရေးကြီးသလိုရေရှည်အတွက် ဒူပေဒဏ်ပေခံပြီး စိတ်ရှည်ဖို့လဲ အရေးကြီးတယ်။ ကျွန်တော်တို့ တချို့အရာတွေကို တိုက်ရိုက် မလွမ်းမိုးနိုင်ဘူး။ ဒါပေမယ့် ကျွန်တော်တို့ရဲ့ စိတ်ခံစားမှုကိုတော့တိုက်ရိုက် ၁၀၀% လွမ်းမိုးနိုင်တယ်။ Phyo Paing @ Derek
Covid-19 အပြင် ဒီရက်ပိုင်းအဖြစ်အပျက်တွေကလုပ်ငန်းရှင်အပေါင်းကို စိတ်ဓာတ်ကျစေမှာအမှန်ပါပဲ။ ဘယ်လိုပဲဖြစ်ဖြစ် လုပ်ငန်းရှင်ဆိုတာ သာမာန်ထက်ပိုပြီး ဒူပေဒဏ်ပေခံနိုင်ရမယ်ဆိုတာအားလုံးသိပြီးဖြစ်မှာပါ။ လုပ်ငန်းရှင်တွေအတွက် ဒီလို အချိန်အခါမျိုးမှာ ကိုယ့်လုပ်ငန်းဆက်လက်ရှင်သန်ဖို့Budgeting သေချာလုပ်ရမည့်အချိန်ဖြစ်ပါတယ်။ ကုန်ကျစရိတ်တွေ၊ အခန်းခ၊ ဝန်ထမ်းစရိတ်နဲ့မသေချာတဲ့ အနာဂတ်အတွက် အရောင်းခန့်မှန်းတွေပြုလုပ်ဖို့လိုလာပြီးကြိုတင်စီမံခန့်ခွဲမှုပြုလုပ်ရမည့်အချိန်ပါ။ လုပ်နေတဲ့စီးပွါးရေးပုံစံနဲ့ စျေးကွက်ပုံစံအများကြီးအပြောင်းအလဲရှိနိုင်တဲ့အတွက်Business Environment Analysis သေချာလုပ်ပြီးကြိုတင်စီမံသင့်တာ စီမံရမည့်အချိန်ဖြစ်ပါတယ်။ အသုံးစရိတ်နဲ့ ရှင်သန်ဖို့ ချိန်ဆရမည့်အချိန်။ ပုံမှန်အခြေအနေပြန်ရောက်ဖို့ အနည်းဆုံး ၆ လ နဲ့အထက်ကြာနိုင်ပါတယ်။ အရေးအကြီးဆုံးကတော့ စိတ်ဓာတ်ပါပဲ။စိတ်ဓာတ်မကျဖို့လိုပါတယ်။ အားလုံး ကိုယ်စိတ်နှစ်ဖြာကျန်းမာချမ်းသာကြပါစေ။ Phyo Paing @ Derek
အရေးအကြီးဆုံးကတော့ စိတ်ဓာတ်ပါပဲ။ Read More »
