March 2025

ဘဝမှာ ပထမဆုံးဖြေရှင်းရတဲ့ အဓိကပြဿနာက“ပျက်စီးနေတဲ့ ကိုယ့်ကိုကိုယ် ပြင်တာ”။ ဒေါသကြီးတာလျော့တာ။စိတ်ခံစားမှုအရှိန်တက်မှုကို မချုပ်ထိန်းနိုင်တာ။ အချိန်ဆွဲတာ။ တစ်ခုခုလုပ်တော့မယ်ဆိုချိတုန်ချတုန်ဖြစ်တာ။ ဦးနှောက်က ဖြစ်ချင်သလောက်မကောင်းတာ။ ပေါင်းသင်းဆက်ဆံရေးညံ့တာ။လူတွေကို ကိုယ့်အတွေးအခေါ်ကောင်းကောင်းမပြောပြနိုင်တာ။ ကျန်းမာကြံ့ခိုင်အောင်မနေပဲစားချင်တာ လျှောက်စား၊လေ့ကျင့်ခန်းမလုပ်၊စည်းကမ်းမရှိတာ။ လုပ်သင့်တာမလုပ်ပဲရှောင်ဖယ်နေတတ်တာ။ တခြားသူတွေကို အားနေအပြစ်တင်ချင်နေတာ။ ကိုယ့်ကိုကိုယ် ပြင်ဖို့ခက်ပြီးသူများကိုပဲ အပြစ်ရှာတတ်တာ။ ဒါကို ဖြေရှင်းပြီးသလောက်ဖြစ်အောင်စိတ်ပညာနဲ့ တိုးတက်ရေးတက်ကျမ်းပေါင်းစုံဖတ်ပြီးပြုပြင်ခဲ့တယ်။ Personal Development အတိုင်းအတာတစ်ခုရောက်တော့ကျန်းမာကြံ့ခိုင်လာတယ်။ပေါင်းသင်းဆက်ဆံရေး၊အချစ်ရေး၊ မိသားစုရေးအဆင်ပြေလာတယ။ ဒုတိယဖြေရှင်းတဲ့ပြဿနာက“တစ်ဖက်ကမ်းခပ် ကျွမ်းကျင်မှု”မရှိတာ။ဆေးကျာင်းနဲ့ဘွဲ့ရတယ်။ ဘယ်အပိုင်းအကျွမ်းကျင်ဆုံးလဲမေးတဲ့အခါ ကိုယ့်မှာမရှိဘူး။ စီးပွားစီမံပညာသင်တယ်။ နောက် အရောင်းသမားလဲလုပ်တယ်။ဆိုင်လဲဖွင့်သလို၊ စာလဲသင်တယ်။ ဖုန်းဆိုင်နဲ့ အီလက်ထရောနစ်တွေလဲလုပ်တယ်။ ငယ်ငယ်တည်းက သီချင်းတိပ်ခွေတွေရောင်းခဲ့ဖူးတော့။ ကိုယ့်ရဲ့ Professional Development အတွက်ငါအဓိက လုပ်ဆောင်မှာဘာတွေဖြစ်မလဲ စဥ်းစားကြည့်တယ်။ ကိုယ်လေ့လာခဲ့တဲ့နယ်ပယ်အစုံကိုပေါင်းအရမ်းကျွမ်းကျင်တယ်လို့ယူဆထားတဲ့လူမှုစိတ်ပညာအခြေပြုမားကတ်တင်းပညာကိုအခြေခံပြီးအကြံပေးခြင်း၊ သင်ကြားခြင်းကိုProfessional Development အဖြစ်တည်ဆောက်ခဲ့တဲ့အခါကိုယ့်နယ်ပယ်မှာ လူရိုသေရှင်ရိုသေဖြစ်လာပြီးဘဝကောင်းကောင်းရပ်တည်လို့ရတဲ့ အသက်မွေးမှုဖြစ်လာတယ်။ တတိယပြဿနာက “ကိုယ်အလုပ်မလုပ်နိုင်ရင်တောင်ငွေရှာပေးနေမည့်လုပ်ငန်း မရှိတာ”။ဒါကို […]

ဘဝမှာ အခက်အခဲဆုံးကဘာလဲ။ သူများအတွက်တော့ မသိဘူးကိုယ့်အတွက်ကတော့ကိုယ့်ကိုကိုယ် ထိန်းကျောင်းရတာအခက်ဆုံးပဲ။ ကိုယ့်စကားကိုယ်နားထောင်ဖို့၊ကိုယ့်အမိန့်ကိုယ်နာခံဖို့ကအခက်အခဲဆုံးပဲ။ ကိုယ့်စကားကိုယ်နားထောင်တာကိုစည်းကမ်းရှိတယ်လို့လူအများစုကဆိုကြတယ်။ ဥပမာမစားသင့်တာမစားတာ။လုပ်သင့်တဲ့အလုပ်ကိုစိတ်မပါလဲလုပ်တာ။ အမှန်တော့ကိုယ့်စကားကိုယ်နားထောင်ဖို့ကိုယ့်ကိုကိုယ် နားလည်ဖို့လိုတယ်။ ကိုယ့်ကိုကိုယ် အမှန်တကယ်နားလည်ရင်ဘဝရဲ့ ပြဿနာတော်တော်များများရှင်းသွားပြီ။ ဒါကြောင့်လဲ တရားရှာခန္ဓာတွေ့လို့ဆိုကြတာဖြစ်တယ်လို့ထင်တယ်။ လောကရဲ့ပြဿနာအများစုကကိလေသာတွေကြောင့်ဖြစ်တာ။ကိုယ်နဲ့မထိုက်တာကို ရချင်တဲ့လောဘ။လိုချင်တာမရ၊ ရထားတာမလိုဖြစ်စေချင်သလိုမဖြစ်တဲ့အခါ ဖြစ်တဲ့ဒေါသ၊အမှန်ကိုမမြင်တဲ့အတွက် မောဟ၊မာန၊ ဒိဋ္ဌိ (မှားယွင်းသော အယူအဆ)၊သံသယတွေများ အတွေးအခေါ်မရှင်းတဲ့ဝိစိကိစ်ဆာ။ဒီကိလေသာတွေ လိုတာထက်ပိုကပ်နေတာကိုယ့်ကိုကိုယ် နားမလည်သေးလို့။ ဒါတွေကိုပယ်ဖို့သီလ၊ သမာဓိ၊ ပညာလိုတယ်။ လိုက်နာရမည့်ကျင့်ဝတ်ကိုလိုက်နာရမည့် သီလ။ဒါကိုလဲတော်တော်လေးကြိုးစားပြီး ထိန်းတော့နေတယ်။အများကြီးလိုသေးတယ်။အာရုံစူးစိုက်နိုင်တဲ့ သမာဓိ။အကောင်းအဆိုး၊အကြောင်းအကျိုးပေါ်မူတည်ပြီးထိုးထွင်းသိမြင်တဲ့ပညာ။ဒီသုံးခုကို နေ့စဉ်ပြုစုပျိုးထောင်ဖို့လိုတယ်။ ကိုယ့်ကိုကိုယ် ထိန်းကျောင်းရတာလွယ်မလိုနဲ့ မလွယ်ပါဘူး။ Phyo Paing @ Derek