March 2025 – Page 2 – Dr. Phyo Paing

ဒါကို မဟာဗျူဟာလို့ခေါ်ပါတယ်။

Leave a Comment / Strategy / Dr. Phyo Paing

ကိုယ့်ကို လာပြိုင်နေတာအကြည်ဓာတ်ပျက်စရာပါ။ နောက်ပြီး ကော်ပီလာကူးတာကလဲအကြည်ဓာတ်ပျက်စရာပါ။ ဒီလိုလာပြိုင်တဲ့အခါကိုယ်က တိုက်ရိုက်မပြိုင်ဘဲနိုင်လို့ရတဲ့ နည်းတွေရှိပါတယ်။ဒါကို မဟာဗျူဟာလို့ခေါ်ပါတယ်။ဒါနဲ့ ပတ်သက်လို့ ယူကျု့မှာဆွေးနွေးထားတာလေးရှိပါတယ်။comment မှာတင်ထားပေးပါတယ်။ Phyo Paing @ Derek

ဒါကို မဟာဗျူဟာလို့ခေါ်ပါတယ်။ Read More »

လူတိုင်းအတွက်တော့
မှန်မှာ မဟုတ်ဘူး။

Leave a Comment / People / Dr. Phyo Paing

လူတွေရဲ့ မှောင်နေတဲ့အခြမ်း dark side တွေကို မြင်နေကျဆို လူတွေရဲ့ သဘောမနောကို နားလည်သွားမယ်။ ဘဝမှာ လူတွေရဲ့ မျက်နှာဖုံးတွေအမျိုးမျိုးတွေ့ဖူးတယ်။ကံကောင်းတယ်လို့ဆိုရမယ်။ ငယ်ကတည်းက မတူညီတဲ့နေရာမတူညီတဲ့ဘဝအခြေအနေကြားမှာလူတွေရဲ့မတူညီတဲ့ သရုပ်တွေကို စောစောစီးစီး လေ့လာသိရှိခဲ့ရတယ်။ ငါတို့တွေ အေးအတူပူအမျှပေါ့ဆိုတဲ့ဟာကဒုက္ခနည်းနည်းရောက်နေရင်အဆင်ပြေတယ်။ ဒုက္ခတော်တော်ရောက်ရင် အေးအတူပူအမျှမဟုတ်တော့ဘူး။ ချမ်းသာမှုများများရတဲ့အခါသာတူညီမျှဖြစ်ချင်မှ ဖြစ်မယ်လေ။ ကလေးတွေထဲမှာ ကိုယ့်ကလေးကိုတော့အချစ်ဆုံးပဲလေ။ ကလေးငါးယောက်ရှိတယ်။နှစ်ယောက်ပဲကယ်ရမယ်ဆို ကိုယ့်ကလေးကိုယ်ပဲ အရင်ကယ်မှာပဲ။ ဒါကတော့ လူအများစု ဒီလိုပဲ စဉ်းစားမယ်လို့ထင်တယ်။ ကမ္ဘာလောကကြီးကိုလဲ အဲ့လိုပဲမြင်တယ်။ လူတိုင်းသည် ကိုယ့်အကျိုးစီးပွါးနဲ့ကိုယ်ပဲ။ ရေရှည်မှာ ဘာကြီးကိုဘယ်လောက်ချစ်ချစ်၊ဘယ်လောက်ယုံကြည်ကြည်ကိုယ့်အကျိုးစီးပွါးကို အဓိကရှေးရှုရွေးချယ်ကြတာပဲ။ဒါက ထူးခြားတဲ့အရာမဟုတ်ဘူး။လူ့သဘောတရားတစ်ခုပဲ။ နားထောင်ရတာ ခါးသလိုလိုရှိပေမယ့်ဒါက ဘဝ အမှန်တရားပဲ။ ကိုယ့်ဘဝ ဘယ်သူမှလာကယ်နေမှာမဟုတ်ဘူး။ကိုယ့်ကိုကိုယ်ပဲ ကယ်ရမှာ။ ဗုဒ္ဓက လမ်းပြပေးခဲ့တယ်။ ကိုယ့်ဘဝ ကိုယ်ပဲကယ်ရမှာ။ ဒါကတော့ ကိုယ်ယုံကြည်တဲ့ပုံပေါ့။ မိတ်ဆွေက ခရစ်ယန်ဆိုရင်တော့တစ်မျိုးဖြစ်ကောင်းဖြစ်လိမ့်မယ်။

လူတိုင်းအတွက်တော့
မှန်မှာ မဟုတ်ဘူး။ Read More »

တွေးခေါ်ပုံမှားတာလောက်

Leave a Comment / Thinking / Dr. Phyo Paing

တွေးခေါ်ပုံမှားတာလောက်ဘဝကျိန်စာသင့်တာမရှိဘူး။ Phyo Paing @ Derek

တွေးခေါ်ပုံမှားတာလောက် Read More »

ကိုယ်လိုချင်တာဖန်တီးဖို့
နားထောင်တတ်တဲ့အကျင့်
တော်တော်ပြုစုပျိုးထောင်ရအုံးမယ်။

Leave a Comment / Habit, Progress / Dr. Phyo Paing

လူတွေက ကိုယ်မှန်ကြောင်းသက်သေပြချင်ကြတယ်။အမှန်တကယ်ဆွေးနွေးချင်ကြတာမဟုတ်ဘူး။ တချို့က အဲ့အဆင့်ထက်ကျော်သွားတယ်။မှန်ကြောင်းသက်သေမပြချင်တော့ဘူး။ကိုယ်လိုချင်တာတည်ဆောက်ဖို့နားထောင်နိုင်စွမ်းရှိလာတယ်။ လီကွမ်းယူကို စလုံးမှာကာစီနိုလုပ်ဖို့ အဆိုတင်သွင်းတော့သူလုံးဝလက်မခံနိုင်ဘူး။ နောက်ပိုင်းမှာ အချက်အလက်နဲ့သူ့နိုင်ငံသားတွေအဲ့မှာအချိန်ကုန်တာကို လျော့ချဖို့နည်းလမ်းတွေစဥ်းစားပြီးမှဖွင့်မယ်ဆိုပြီးဆုံးဖြတ်ချက်ချခဲ့ကြတယ်။ ကိုယ်မှန်ကြောင်းသက်သေပြချင်တာကနေကိုယ်လိုချင်တာဖန်တီးဖို့နားထောင်တတ်တဲ့အကျင့်တော်တော်ပြုစုပျိုးထောင်ရအုံးမယ်။ Phyo Paing @ Derek

ကိုယ်လိုချင်တာဖန်တီးဖို့
နားထောင်တတ်တဲ့အကျင့်
တော်တော်ပြုစုပျိုးထောင်ရအုံးမယ်။ Read More »

နေသလိုဖြစ်တဲ့ဘဝမှာဖြစ်သလိုမနေဖို့လိုတယ်လို့ထင်တယ်။

Leave a Comment / Personal Development, Progress / Dr. Phyo Paing

ကိုယ့်ကိုကိုယ် ပြန်မေးမိတယ်။ငါဘာကြောင့် စီးပွားရေးလုပ်သလဲ။ပိုက်ဆံရချင်လို့။ ပိုက်ဆံဘာကြောင့်ရချင်သလဲ။ကိုယ်လိုချင်တာကိုလွတ်လွတ်လပ်လပ်ဝယ်နိုင်ဖို့။သွားချင်တဲ့နေရာကိုလွတ်လွတ်လပ်လပ်သွားနိုင်ဖို့။ကိုယ်လုပ်ချင်တဲ့အလုပ်တွေကိုလွတ်လွတ်လပ်လပ် လုပ်နိုင်ဖို့။ ဒီတော့ ငါလိုချင်တာဘာလဲ။ငါသွားချင်တဲ့နေရာကဘာလဲ။ငါလုပ်ချင်တဲ့အလုပ်ကဘာလဲ။ လိုချင်တာကကိုယ့်ရဲ့အကောင်းဆုံးပုံစံBest version ကိုတည်ဆောက်ဖို့။တစ်နည်းအားဖြင့်လူတွေမမှတ်မိလောက်အောင်တိုးတက်ပြောင်းလဲဖို့။ ကိုယ်နေချင်တဲ့နေရာကတစ်နေရာထဲမှာ အမြဲနေနေရတာမဟုတ်ပဲသွားချင်တဲ့နေရာကိုသွားချင်တဲ့အချိန် ထသွားနိုင်ဖို့။ ကိုယ်လုပ်ချင်တဲ့အလုပ်ကဘာလဲ။ဒီမေးခွန်းအတွက်လူတွေအကြောင်းလေ့လာချင်တယ်။အတွေးအခေါ်အိုင်ဒီယာအသစ်တွေလေ့လာချင်တယ်။နည်းပညာတွေအကြောင်းလေ့လာချင်တယ်။စီးပွားရေးအကြောင်းလေ့လာချင်တယ်။စမ်းသပ်မှုတွေလုပ်ချင်တယ်။ဒါတွေကို တခြားသူတွေကိုပြန်လည်မျှဝေပေးချင်တယ်။ ဒါဆိုရင် စီးပွားရေးလုပ်ရင်းပိုက်ဆံလဲရမယ်၊ကိုယ်လိုချင်တာတွေလဲရမယ်။တစ်ချက်ခုတ် သုံးလေးငါးချက်လောက်ပြတ်မည့်အလုပ်ဘာဖြစ်မလဲစဥ်းစားကြည့်တယ်။ နေ့စဥ်တိုးတက်နေမည့်အလုပ်။ဘယ်နေရာမှာနေနေ လုပ်လို့ရမည့်အလုပ်။ကိုယ်မစဥ်းစားပဲ မနေနိုင်တဲ့အလုပ်တွေလုပ်နေရမည့်အလုပ်။ ဒါနဲ့ ပတ်သက်တဲ့အလုပ်တွေကိုအသက်မွေးမှုအနေနဲ့ ဖန်တီးလိုက်တယ်။ ဘဝမှာ ဒီဇိုင်း design လုပ်တာကပေးတာယူ ကျွေးတာစားထားရာနေ ဒီဖော့ default ထက်ပိုအရေးကြီးပါတယ်။ နေသလိုဖြစ်တဲ့ဘဝမှာဖြစ်သလိုမနေဖို့လိုတယ်လို့ထင်တယ်။ ကိုယ့်ဘဝ ကိုယ်ဒီဇိုင်းလုပ်။ကိုယ့်လမ်းကိုယ်ဖောက်နိုင်ဖို့လိုနိုင်တယ်လို့ထင်တယ်။ Phyo Paing @ Derek

နေသလိုဖြစ်တဲ့ဘဝမှာဖြစ်သလိုမနေဖို့လိုတယ်လို့ထင်တယ်။ Read More »

ကိုယ့်လမ်းကိုယ်ရှာ။

Leave a Comment / Life, Personal Development, Productivity / Dr. Phyo Paing

ကိုယ့်လမ်းကိုယ်ရှာ။ လူတိုင်းမှာဘဝမေးထားချက်နဲ့မေးထားချက် ပုစ္ဆာတွေမတူဘူး။ ဖြစ်နေတဲ့ဘဝနဲ့ဖြစ်ချင်တဲ့ဘဝတွေမတူဘူး။ လောကကိုမြင်တဲ့အမြင်မတူသလိုရောက်နေကြတဲ့အမြင့်လဲမတူဘူး။ တက္ကသိုလ်ကျောင်းသားအတွက်အလုပ်ဖြစ်တာကမူလတန်းကျောင်းသားအတွက်အလုပ်ဖြစ်တာတွေရှိသလိုမဖြစ်တာတွေလဲအများကြီးရှိနိုင်တယ်။ ဒါကြောင့်အများသူငါသွားနေတဲ့လမ်း။တခြားသူတွေသွားတဲ့ သူ့လမ်း။ကိုယ့်လျှောက်မည့် ကိုယ့်လမ်း။တူချင်လဲတူမယ်။တူချင်မှလဲ တူလိမ့်မယ်။ သေချာတာကတော့တစ်ပုံစံတည်းဖြစ်နေမှာမဟုတ်ဘူး။ လိုချင်တာရဖို့ တစ်လမ်းထဲရှိတောတော့လဲ မဟုတ်ဘူး။အများလမ်း။သူ့လမ်း။ကိုယ့်လမ်း။ ကိုယ့်လမ်းကိုယ်ရှာ။ကိုယ့်လမ်းကိုယ်ဖောက်။ကိုယ့်လမ်းကိုယ်လျှောက်ဖို့ပဲ။ Phyo Paing @ Derek

ကိုယ့်လမ်းကိုယ်ရှာ။ Read More »

ရေရှည်သွားမည့် ခရီးလမ်းမှာသက်လုံကောင်းဖို့လိုတယ်။ခြေကုန်လက်ပန်းမကျဖို့လိုတယ်။

Leave a Comment / Comfort Zone, Flow / Dr. Phyo Paing

တိုးတက်ဖို့အတွက်ရုန်းကန်နေစရာမလိုဘူး။Comfort Zone ထဲကခုန်ထွက်မှ မဟုတ်ဘူး။ ဘဝကို အထာကျကျနဲ့နေ့စဥ်စိန်ခေါ်မှုတွေကိုတဖြေးဖြေးတိုးသွားလို့ရတယ်။Comfort Zone ကိုတဖြေးဖြေးချဲ့သွားလို့ရတယ်။ တချို့တွေကျတော့Comfort Zone ထဲကထွက်ဆိုပြီးလူရှေ့စကားထွက်ပြောဖို့ကုတ်အင်္ကျီကြီးဝတ်ခဏတစ်ဖြုတ်ထွက်တယ်။လူမှုကွန်ယက်မှုတင်မယ်ဆိုပြီးဗီဒီယို၊ စာ၊ ဓာတ်ပုံ ခဏတင်တယ်။ပြီးတော့ ချက်ချင်းအရာမထင်တာ့Comfort Zone ထဲပြန်ဝင်တယ်။ ရေရှည်သွားမည့် ခရီးလမ်းမှာသက်လုံကောင်းဖို့လိုတယ်။ခြေကုန်လက်ပန်းမကျဖို့လိုတယ်။ ဒါကြောင့် Flow လို့ခေါ်တဲ့အထာကျကျနဲ့အရာရာစီးဆင်းတဲ့ဘဝဖြစ်ဖို့Comfort Zone ကိုနေ့စဥ် ချဲ့သွားခြင်းသည်ရေရှည်တိုးတက်ခြင်းအတွက်ပိုပြီးအထောက်အကူပြုတယ်လို့ထင်တယ်။ Phyo Paing @ Derek

ရေရှည်သွားမည့် ခရီးလမ်းမှာသက်လုံကောင်းဖို့လိုတယ်။ခြေကုန်လက်ပန်းမကျဖို့လိုတယ်။ Read More »

တစ်ခုခုဆိုငါဒါကို ဘာကြောင့်လုပ်ရသလဲအမြဲပြန်မေးကြည့်မိတယ်။

Leave a Comment / Problem Solving, Thinking / Dr. Phyo Paing

ပညာရေးရဲ့ရန်သူကကျောင်းတွေဖြစ်လာတတ်ပြီးလှုံခြုံရေးရဲ့ ရန်သူကကာကွယ်ရေးအဖွဲ့အစည်းတွေဖြစ်လာတတ်တယ်။ တရားဥပဒေစိုးမိုးရေးရဲ့ရန်သူက အစိုးရဖြစ်လာတတ်ပြီးကျန်းမာရေးရဲ့ရန်သူကဆေးဝါးကုမ္ပဏီတွေဖြစ်လာတတ်တယ်။ ချစ်ခင်စုံမက်ပေါင်းသင်းနိုင်ဖို့ရန်သူက အိမ်ထောင်ရေးဖြစ်နေတတ်ပြီးတရားရဖို့ရန်သူကတရားဟောဆရာဖြစ်နေတတ်တယ်။ တစ်ကမ္ဘာလုံးက အဖြစ်အပျက်တွေပါ။ ပထမမူအခြေပြုစဥ်းစားခြင်းFirst Principle Thinking ကိုမကျင့်သုံးနိုင်ရင်ရည်ရွယ်ချက်နဲ့ ဖြစ်နေတာနဲ့လွတ်လွတ်သွားနိုင်တယ်။ ဒါကြောင့် တစ်ခုခုဆိုငါဒါကို ဘာကြောင့်လုပ်ရသလဲအမြဲပြန်မေးကြည့်မိတယ်။ Phyo Paing @ Derek

တစ်ခုခုဆိုငါဒါကို ဘာကြောင့်လုပ်ရသလဲအမြဲပြန်မေးကြည့်မိတယ်။ Read More »

စိတ်ဒဏ်ရာတွေရေတိုပျောက်ချင်ရင်Timeline Therapy ဆိုတာရှိတယ်။

Leave a Comment / mental health, Self control / Dr. Phyo Paing

စိတ်ဒဏ်ရာတွေရေတိုပျောက်ချင်ရင်Timeline Therapy ဆိုတာရှိတယ်။ဒါကတော့ ခဏတာချက်ချင်းသိသာတတ်တယ်။ သူ့ထက်မြန်ချင်ရင်David Synder ရဲ့General negativity နဲ့Specific negativityဖျောက်တဲ့ self-healing နည်းရှိတယ်။ ရေရှည်ဆိုရင်တော့အဘိဓမ္မာကိုသေချာအသုံးချနိုင်ရင်အမြစ်ပျောက်တယ်လို့ထင်တယ်။ Phyo Paing @ Derek

စိတ်ဒဏ်ရာတွေရေတိုပျောက်ချင်ရင်Timeline Therapy ဆိုတာရှိတယ်။ Read More »

လူတွေကို ခွင့်မလွတ်နိုင်တာလူတွေကို အပြည့်အဝနားမလည်သေးလို့။

Leave a Comment / Life, People / Dr. Phyo Paing

လူတွေကို ခွင့်မလွတ်နိုင်တာလူတွေကို အပြည့်အဝနားမလည်သေးလို့။ လူတစ်ယောက်အခြေအနေတစ်ရပ်ကိုသေချာနားမလည်တဲ့အခါ“သူဘာကြောင့် ဒီလိုလုပ်သလဲ”ဒီအဖြေကို ရှင်းရှင်းလင်းလင်းမရနိုင်ဘူး။ နားမလည်တဲ့အခါခွင့်မလွတ်နိုင်ဘူး။ ခွင့်မလွတ်နိုင်တဲ့အခါဒေါသတွေဖြစ်တယ်။နာကျင်မှုတွေဖြစ်တယ်။ဝမ်းနည်းမှုတွေဖြစ်တယ်။ပူဆွေးမှုတွေဖြစ်တယ်။ယူကျုံးမရဖြစ်တယ်။စိုးရိမ်သောကဗျာပါဒတွေများတယ်။ ဒီကနေ ဒဏ်ရာ Trauma တွေဖြစ်တယ်။ဒီ ဒဏ်ရာတွေကအနာကျက်သလိုလိုနဲ့ရံဖန်ရံခါဓားထက်ထက်နဲ့အရှင်လတ်လတ်လှီးထားသလိုအသားဖတ်ဗလပ်ဗလပ်နဲ့ပြန်ပြန်စပ်တယ်။ပြန်ပြန်နာတယ်။ တချို့ဒဏ်ရာတွေကိုမသိချင်ယောင်ဆောင်ရင်အကျဥ်းတန်ပုံစံနဲ့မျက်နှာဖုံးချွပ်လိုက်ရင်ပြန်ပြန်ပေါ်လာတတ်တယ်။ ဒီဒဏ်ရာတွေကို ကုစားဖို့လူတွေက therapy လုပ်တယ်။ဘုရားကိုရင်ဖွင့်တယ်။ဆေးဝါးတွေသောက်တယ်။ ဒီ ဒဏ်ရာ trauma တွေများလေလေဘဝရဲ့ ဒရာမာ drama တွေများလေလေ။ ဒီ ဘဝမှာ မလိုအပ်ပဲခံစားချက်အရှိန်တက်ဒရာမာတွေနည်းဖို့ကထရာမာ Trauma တွေ နည်းသွားဖို့လိုတယ်။ ဒီလိုလုပ်ဖို့ နားလည်ဖို့လိုတယ်။လူတွေ၊ အဖြစ်အပျက်တွေ၊သဘာဝတရားနဲ့ကိုယ့်ကိုကိုယ် သေချာနားလည်ဖို့လိုတယ်။ ဒီလို နားလည်ဖို့ ဥာဏ်လိုတယ်။ဆင်ခြင်နိုင်တဲ့ ပညာလိုတယ်။ဒီလို ဥာဏ်ပညာရှိပြီးနက်နဲစွာထိုးထွင်းသိမြင်အောင်လေ့ကျင့်တာကိုဝိပဿနာလို့ခေါ်တယ်။ နက်နဲစွာထိုးထွင်းသိမြင်သွားရင်ဒရာမာ drama တွေနဲ့ဒဏ်ရာ trauma တွေကြောင့်သံသရာဘယ်လိုဆက်နေလဲကွက်ကွက်ကွင်းကွင်းမြင်လာမယ်။ လူ့သဘော လူ့မနောသေချာသိလာမယ်။လူတွေ၊ အဖြစ်အပျက်တွေ၊သဘာဝတရားတွေကို နားလည်လာမယ်။ သမရိုးကျက သွေဖယ်တာကိုဖောက်ပြန်တယ်လို့ခေါ်တယ်။လောကသဘာဝအရပြောပြတာနဲ့မရနှလုံးသွင်းဖို့လိုတာအရာရာက သမရိုးကျကလွဲပြီးဖောက်ပြန်တတ်တယ်။မတည်မြဲဘူး။မတည်မြဲခြင်းကိုအနိစ္စလို့ခေါ်တယ်။ ကိုယ်သိထားတဲ့ ငါ၊ငါ့သား၊ ငါ့သမီး၊

လူတွေကို ခွင့်မလွတ်နိုင်တာလူတွေကို အပြည့်အဝနားမလည်သေးလို့။ Read More »