Choice

အတိတ်ကံကကျင်လည်ရမည့် ပတ်ဝန်းကျင်ကိုသတ်မှတ်ပေးတယ်။ ပစ္စုပ္ပန်ကံကဒီပတ်ဝန်းကျင်မှာ ဘယ်လိုရှင်သန်မလဲသတ်မှတ်ပေးတယ်။ လက်ရှိရဲ့ ပစ္စုပ္ပန်က ခဏနေရင် အတိတ်ဖြစ်တယ်။ ဒီတော့ ပစ္စုပ္ပန်ရဲ့ ရွေးချယ်မှုတိုင်းက အတိတ်ကံဖြစ်သွားတယ်။ လူတွေရဲ့ဘဝတွေကွာတာ ပစ္စုပ္ပန်ရွေးချယ်မှုတွေ ကွာလို့ဖြစ်တယ်။ ဘာကို အာရုံစိုက်မယ်။ဘယ်လိုတွေးမယ်။ဘယ်သူနဲ့တွေ့မယ်။ဘယ်အချိန်မှာဘယ်အရာကို လုပ်ဆောင်မယ်။ ဒီရွေးချယ်မှုတွေကြောင့် ဘဝတွေ ကွာသွားကြတယ်။ တော်တဲ့သူတွေနဲ့ တွေ့ဖန်များရင်တော်လာဖို့ အလားအလာများတယ်။ဘူကောင်တွေနဲ့ တွေ့ဖန်များတဲ့အခါဘူလာဖို့ အလားအလာများတယ်။ အတိတ်ကံကောင်းဖို့ပစ္စုပ္ပန်ကံသုံးပါးကာယကံဝဇီကံမနောကံကို ဂရုပြုဖို့လိုနိုင်တယ်။ Phyo Paing @ Derek

ရွေးချယ်မှုက ကြိုးစားမှုထက်ပိုအရေးကြီးတယ်။ လူရွေးမှန်ဖို့က လူကိုပြင်ပေးဖို့ထက်ပိုအရေးကြီးတယ်။ ကိုယ်ရွေးချယ်တဲ့အသက်မွေးဝမ်းကြောင်းအလုပ်ကအလုပ်မှာ ကြိုးစားတာထက်ပိုအရေးကြီးတယ်။ လမ်းမှားပြီး ပြေးနေလဲ ခရီးကရောက်မှာမဟုတ်ဘူး။ ရွေးချယ်မှုမှန်ဖို့၁။ ကိုယ်ဘာလိုချင်သလဲ သေချာသိရမယ်။၂။ ဘာတွေရွေးလို့ရသလဲ သေချာသိရမယ်။၃။ ပြတ်သားတဲ့ရွေးချယ်မှုကို သေချာလုပ်နိုင်ရမယ်။ Phyo Paing @ Derek

ရွေးချယ်မှုက ကြိုးစားမှုထက်ပိုအရေးကြီးတယ်။ ကြိုးစားပြီး အရာမရောက်တဲ့သူတွေအများကြီးတွေ့ဖူးလိမ့်မယ်။ ပိုကြိုးစားဖို့လိုတာမဟုတ်ဘူး။ရွေးချယ်မှုမှန်ကန်ဖို့လိုတာ။ အရှေ့အရပ်ကိုရောက်ချင်ပြီးအနောက်အရပ်ကိုပြေးနေလို့မရဘူး။ တချို့ရွေးချယ်မှုတွေက ပြန်ပြင်လို့ရတယ်။တချို့ရွေးချယ်မှုတွေက ပြန်ပြင်ရင် ရုပ်ဆိုးတတ်တယ်။တချို့ရွေးချယ်မှုတွေကပြန်ပြန်လို့မရဘူး။ ဥပမာ အလွယ်တကူပြင်လို့ရတဲ့ရွေးချယ်မှုတွေကကိုယ့်ရဲ့ပုံပန်းသဏ္ဏာန်ကိုမကြိုက်ရင် ပြန်ပြင်လို့ရတယ်။ ကိုယ့်ရဲ့လုပ်ငန်းလည်ပတ်ပုံကိုမကြိုက်ရင်ပြန်ပြင်လို့ရတယ်။ ပြင်ရင် ရုပ်ဆိုးတဲ့ရွေးချယ်မှုက လူတွေနဲ့ပတ်သက်တဲ့ ရွေးချယ်မှု။ ချစ်သူချင်းလမ်းခွဲတာ၊ divorce လုပ်တာ။ ဒါတွေက ငွေကြေးအပိုင်း၊ ဥပဒေပိုင်း၊ လူမှုရေးအပိုင်းတွေတစ်ခုမဟုတ် တစ်ခုပါလာပြီ။ ပြန်ရွေးချယ်လို့မရတာ။ သားသမီးမွေးပြီး ပြန်ရွေးချယ်လို့မရဘူး။သူ့ဖာသူ ဘာရောဂါရှိရှိပြန်ရွေးချယ်လို့မရဘူး။ ဘဝက ကိုယ့်ရွေးချယ်မှုရဲ့ရလဒ်ပဲ။ ရွေးချယ်မှုမှန်ကန်ဖို့ ကိုယ်လုပ်တဲ့ရွေးချယ်မှုက နောက်ကြောင်းပြန်လို့လွယ်လား၊ မလွယ်ဘူးလား၊ နောက်ကြောင်းပြန်လို့မရဘူးလားအရင်ဆုံးသိဖို့လိုတယ်ဆိုတာတဖြည်းဖြည်းပိုနားလည်လာတယ်။ နောက်ကိုယ့်ရဲ့ရွေးချယ်မှုမှားနေရင်ပြင်မယ်ဆိုရင် ကိုယ်ဆုံးရှုံးမည့်အရာနဲ့ပြန်ရမည့်အရာ ကိုက်လားပြန်စဥ်းစားဖို့လိုလာပြန်တယ်။ ဘဝမှာ ရွေးချယ်မှုအရေးကြီးတယ်။ နေ့စဥ် ဘာတွေတွေးမယ်၊ဘာတွေလုပ်မယ်။ဘယ်သူတွေနဲ့ဝန်းရံမယ်။ဘယ်လိုသူတွေနဲ့ စီးပွားရေးလုပ်မယ်။ဘယ်လိုနေရာမှာနေမယ်။ ဘယ်လိုလူတွေကိုရှောင်မယ်။ ဘယ်လိုဆုံးဖြတ်ချက်ချမယ်။ ဒီရွေးချယ်မှုတွေကကြိုးစားမှုထက် ပိုအရေးကြီးတယ်။ Phyo Paing @ Derek

သင့်အနေနဲ့ ဘယ်နေရာမှာနေနေဘာအလုပ် လုပ်လုပ်ထိပ်ဆုံး 1%ထိပ်ဆုံး 10%သာမာန်သာမာန်အောက်အောက်ခြေပိရစ်မစ်ကြီးရဲ့ တစ်နေရာရာမှာနေရမှာပဲ။ သေချာတာတစ်ခုက ကိုယ်ဘယ်နေရာမှာ နေမှာလဲကိုယ့်ရဲ့ ရွေးချယ်မှုပဲ။ No matter where you find yourself in life—whether at the very top, among the top 10%, in an average position, below average, or at the very bottom—the pyramid of life places us in various stages at different times. The most important thing to remember is