Input > Output
တခါတလေ ကိုယ်လိုချင်နဲ့ output ရလဒ်တွေကိုအာရုံစိုက်သလိုနေ့စဉ် input တွေကို အာရုံစိုက်ဖို့လဲအရေးကြီးတယ်။ ပေါင် ၃၀ ချချင်တယ်ဆိုတာ Output. နေ့စဉ် လေ့ကျင့်ခန်းလုပ်၊အစားအသောက်ကောင်းကောင်းရွေးချယ် စားတယ်ဆိုတာ Input. Phyo Paing @ Derek
Mindset
အတိတ်က ကိုယ့်ကိုကိုယ် ပြန်မေ့ဖို့လိုတယ်။
လူတွေဒီနေ့ရောက်နေတဲ့နေရာကကိုယ့်ဘဝရဲ့ ရွေးချယ်မှုတွေရဲ့ရလဒ်ပဲ။ဒါကြောင့် ဘယ်သူမှ အပြစ်တင်နေလို့မရဘူး။ ပြီးခဲ့တာပြီးပြီ။ အတိတ်ကို အနာဂတ်အတွက်ဆုံးဖြတ်ခွင့်မပေးနဲ့။ လူတွေမမှတ်မိလောက်အောင် တိုးတက်ပြောင်းလဲချင်ရင်အတိတ်က ကိုယ့်ကိုကိုယ် ပြန်မေ့ဖို့လိုတယ်။ Phyo Paing @ Derek
အတိတ်က ကိုယ့်ကိုကိုယ် ပြန်မေ့ဖို့လိုတယ်။ Read More »
ငယ်ငယ်လေးကတည်းက
အတွေးအခေါ်တွေ အဆိပ်ခပ်ခံခဲ့ရတတ်တယ်။
တချိို့မိဘတွေက ဘဝဖြတ်သန်းမှုအလျောက်သူတို့ကိုယ်သူတို့အဆိပ်မိလို့မိမှန်းမသိပဲအဆိပ်ကို သကြားထင်ပြီးသားသမီးတွေကို သူတို့ရဲ့အတွေးအခေါ်၊ ယုံကြည်မှု၊တန်ဖိုးထားမှုတွေနဲ့ဘဝပိုကောင်းဖို့ဆိုတဲ့အကြောင်းပြချက်နဲ့ဘောင်ခတ်လွမ်းမိုးဖို့ ကြိုးစားတတ်ကြတယ်။ အသက်အရွယ်တစ်ခုရောက်လာတော့စာတွေဖတ်၊ ပြန်လည်သုံးသပ်ပြီးကိုယ့်ရဲ့ယုံကြည်မှုနဲ့ ပတ်ဝန်းကျင် အသိုင်းအဝိုင်းနေထိုင်တဲ့နေရာနဲ့လူမျိုးရဲ့ယုံကြည်မှုတွေကို ပြန်လည်ဆန်းစစ်ဖြစ်တယ်။ နောက်ဖြေဆေးရှာကြည့်တယ်။ တချို့လူတွေက အတွေးအခေါ်အဆိပ်ခပ်ခံခဲ့ရတယ်။အဆိပ်သင့်နေတုန်းပဲ။ဒီအဆိပ်ဒဏ်အတွက်အတွေးအခေါ် ဖြေဆေးလိုတယ်။ Phyo Paing @ Derek
ငယ်ငယ်လေးကတည်းက
အတွေးအခေါ်တွေ အဆိပ်ခပ်ခံခဲ့ရတတ်တယ်။ Read More »
ကိုယ့်ကိုကိုယ် human programmer လို့
စဥ်းစားကြည့်
ကလေးပျက်ကျသွားတဲ့ လူတစ်ယောက်ကmiscarriage ဖြစ်တာကို ယူကြုံးမရဖြစ်တဲ့psycho ဝင်ပြီး ဆေးခန်းတွေပြဆေးတွေ သောက်နေရတတ်တယ်။ဒါက သူ့အတွေးကြောင့်ဖြစ်တတ်တယ်။ငါ့မမွေးသေးတဲ့သားလေး၊ သမီးလေးအမေ့ကြောင့်ဆို ယူကြုံးမရဖြစ်ရင်ဖြစ်မယ်။ဒါမှမဟုတ် ကိုယ့်ယောကျာ်းကိုအားနာစိတ်ကြောင့်ဝမ်းနည်းတာဖြစ်ရင်ဖြစ်မယ်။ တကယ်လို့ အဲ့ဒီကလေးလေးကသာကိုယ်လက်အင်္ဂါမစုံပဲ ဒုက္ခိတအနေနဲ့မမွေးခဲ့တာဥာဏ်ရည်မမီဖြစ်တဲ့ကလေးလေးအနေနဲ့မမွေးခဲ့တာ သူ့အတွက် ပိုကောင်းပါတယ်လေလို့reframe စဥ်းစားပုံပြောင်းလိုက်တာနဲ့အဓိပ္ပာယ်ဖွင့်ဆိုချက်ပြောင်းသွားနိုင်တယ်။ ဒီလို အဓိပ္ပာယ်ဖွင့်ဆိုချက်ပြောင်းတာကိုLogotherapy ဆိုပြီး Dr. Viktor Frankr ကတည်ထွင်ခဲ့တယ်။ ကိုယ့်ကိုကိုယ် human programmer လို့စဥ်းစားကြည့်။ လူတွေသာ ကွန်ပြူတာတွေဖြစ်မယ်ဆိုသူတို့အတွေးတွေက code ကုတ်တွေအဖြစ်အဆက်မပြတ် run နေတယ်။ တချို့အချိန်တွေမှာ အမှားတွေဖြစ်error တက်တဲ့အခါ ရှေ့မဆက်နိုင်ပဲတိုင်ပတ် looping လည်နေတတ်တယ်။ အဲ့အချိန်မှာ အတွေးအခေါ်တစ်ခုကဒီ looping အတွေးတိုင်ပတ်နေတာကိုဖြေရှင်းပေးလိုက်နိုင်တဲ့အခါအလင်းပွင့်သွားတာမျိုးဖြစ်တတ်တယ်။ ဘဝမှာ တိုင်ပတ်မှုအပေါင်း သရဖူမဆောင်းဖို့ကိုယ့်ရဲ့အတွေး code တွေကိုကိုယ်တိုင် fix လုပ်နိုင်ဖို့လိုတယ်။ Phyo Paing @ Derek
ကိုယ့်ကိုကိုယ် human programmer လို့
စဥ်းစားကြည့် Read More »
လူတွေဘဝ ပိုပျော်၊ ပိုတော်၊
ပိုသိ၊ ပိုလွယ်ကူ၊ ပိုချိတ်ဆက်နိုင်ဖို့လိုတယ်
ကိုယ်ဖန်တီးလိုက်တဲ့အရာတွေကြောင့်လူတွေဘဝ ပိုပျော်၊ ပိုတော်၊ပိုသိ၊ ပိုလွယ်ကူ၊ ပိုချိတ်ဆက်နိုင်ဖို့လိုတယ်လို့ခံယူထားတယ်။ Creators create ဆိုသလို၊ကိုယ့်ကိုကိုယ် ဖန်တီးသူတစ်ယောက်လို့သတ်မှတ်တဲ့အတွက် နေ့တိုင်းဖန်တီးမှုအသစ်တစ်ခု အနည်းဆုံးလုပ်တယ်။ ဖန်တီးမှုလုပ်တိုင်းမှာလူတွေ ကိုယ့်ကြောင့် အဆိပ်အတောက်မဖြစ်စေရဘူးလို့ အမြဲစဥ်းစားတယ်။ ကိုယ်ဖန်တီးလိုက်တဲ့ ကုန်ပစ္စည်းဝန်ဆောင်မှုတွေကြောင့်လူတွေ “မဒူ”၊ “မဘူ” စေရဘူးဆိုတဲ့အဆောင်ပုဒ်ထားထားတယ်။ ဥပမာ ကိုယ်က မူးယစ်စေတဲ့အရာရောင်းတယ်။လူတွေပိုဒူသွားမယ်။ဥာဏ်တွေထုံထိုင်းဒူသွားမယ်ဆို မလုပ်ဘူး။လူတွေရဲ့ သိမ်ငယ်တဲ့အငုံ့စိတ်inferiority complex ကိုအသုံးချပြီးnegative အဆိပ်အတောက်ဖြစ်စေတဲ့အကြောင်းအရာတွေပဲတင်ရင်လူတွေ ပိုဘူသွားမယ်။ဒီနှစ်ခုမဖြစ်အောင် ရှောင်ရမယ်လို့ကျွန်တော်တို့ Team YEC ခံယူထားတယ်။ ကျွန်တော်တို့ ဖန်တီးတဲ့ ကုန်ပစ္စည်း၊ဝန်ဆောင်မှုတိုင်း “မဒူ”၊ “မဘူ”စေဖို့ခံယူချက်ထားတယ်။ နောက်ကိုယ့်ဖန်တီးမှုတိုင်းက လူတွေကို“ပိုပျော်၊ ပိုတော်၊ ပိုသိ၊ ပိုလွယ်ကူ၊ပိုချိပ်ဆက်” ဘယ်အရာကိုလုပ်ပေးလဲအမြဲပြန်သုံးသပ်ကြည့်မိတယ်။ Phyo Paing @ Derek
လူတွေဘဝ ပိုပျော်၊ ပိုတော်၊
ပိုသိ၊ ပိုလွယ်ကူ၊ ပိုချိတ်ဆက်နိုင်ဖို့လိုတယ် Read More »
ဒီနေ့ဒါဖြစ်အောင်လုပ်မယ်ဆိုတာကို
ဖြစ်အောင်လုပ်တာ။
ကိုယ့်ကိုကိုယ် သတ်မှတ်ထားတဲ့စည်းကမ်းအတိုင်းနေရတဲ့ခံစားချက်က အရမ်းကောင်းတယ်။မလုပ်ဘူးဆိုတဲ့အရာကို လုံးဝမလုပ်တာ။ဒီနေ့ဒါဖြစ်အောင်လုပ်မယ်ဆိုတာကိုဖြစ်အောင်လုပ်တာ။ ကိုယ့်ကိုကိုယ် ကောင်းအောင်မလုပ်နိုင်ပဲ သူများတွေကိုထိုင်ဟားဖို့ အဆင့်မရှိသေးဘူးလို့ခံယူထားတာပဲ။ မှန်မမှန်တော့ သေချာမသိဘူး။ Phyo Paing @ Derek
ဒီနေ့ဒါဖြစ်အောင်လုပ်မယ်ဆိုတာကို
ဖြစ်အောင်လုပ်တာ။ Read More »
ဘယ်လိုသေမလဲဆိုတာ
ဒီနေ့လုပ်တဲ့အလုပ်ပေါ်မူတည်ပြီးနောက်သုံးလေးငါးနှစ်မှာရောက်နေတဲ့နေရာ အများကြီးကွာသွားလိမ့်မယ်။ ဘယ်လိုသေမလဲဆိုတာ ထိန်းချုပ်လို့မရဘူး။ဘယ်လိုနေမလဲဆိုတာကတော့ထိန်းချုပ်လို့ရတယ်။ Phyo Paing @ Derek
MIT ဆိုတာ
အတိတ်နဲ့ အနာဂတ်ဆိုတာအယူအဆတစ်ခုပဲ။အမှန်တော့ ပစ္စုပ္ပန်တစ်ခုပဲတကယ်ရှိနေတာ။ ပစ္စုပ္ပန်ကို သုံးပိုင်းခွဲလိုက်တယ်။ မနက်မှာ ကိုယ့်ကိုကိုယ် သိုင်းကျင့်တယ်။တနည်းအားဖြင့် train တယ်။စာဖတ်တာ၊ လေ့ကျင့်ခန်းလုပ်တာ၊ပြန်လည်သုံးသပ်ဖို့ ရေးမှတ် journaling လုပ်တာ၊စိတ်နဲ့ ခန္ဓာကို ပြန်ပြီးချိပ်ဆက်ဖို့ တရားထိုင်meditation လုပ်တာ။ ဆယ်နာရီဆိုတာနဲ့ work အလုပ်လုပ်တာ။တစ်နည်း ပိုက်ဆံဝင်တဲ့ အလုပ်လုပ်တာ။ ခြောက်နာရီနောက်ပိုင်းကျတော့ပြန်လည်အားဖြည့် recharge လုပ်တာ။ဝိုင်သောက်တာ၊ သူငယ်ချင်းတွေနဲ့တွေ့တာ၊ရုပ်ရှင်ကြည့်တာ၊ မနက်ဖြန်ဆက်ရမည့်အရာအတွက်အားဖြည့်တာ။ ဒါကို TWR နည်းစနစ်လို့ နာမည်ပေးထားတယ်။တစ်ရက်ကုန်ရင်တော့ သတ်မှတ်ထားတဲ့MIT သုံးခုပြီးရမယ်။ MIT ဆိုတာ တစ်ရက်တာအတွက်Most Important Task အရေးအကြီးဆုံးအလုပ်။ ကိုယ့်တစ်ရက်တာကို ဘယ်လိုဖြတ်သန်းလဲဆိုတာအင်မတန်အရေးကြီးတယ်။ ဘဝဆိုတာ ပိုက်ဆံရှာတာတစ်ခုတည်းထက်ပိုတယ်လို့ယူဆထားတယ်။ဘဝဆိုတာ ကိုယ့်ရဲ့ အကောင်းဆုံး versionတည်ဆောက်ဖို့ပဲ။ Phyo Paing @ Derek
ပြဿနာတွေအားလုံးရဲ့အစက
“အခြေခံအယူအဆ လွဲမှား” ရာကလာတယ်။ဒါကြောင့် ဗုဒ္ဓက အယူမှားရင်ဒိဋ္ဌိ လို့ဆိုတယ်။အမြင်မမှန်ရင် အမှန်မမြင်နိုင်ဘူး။ လောကကြီးကို တရားတယ်လို့ထင်တာအခြေခံအယူအဆအမှားတစ်ခုဖြစ်နိုင်တယ်။ ယုံကြည်တဲ့အရာကို ခေါင်းမာမာနဲ့လုပ်ရင် နောက်ဆုံးမှာ အောင်မြင်မှုရမယ်လို့ယူဆတာဒါကလဲ အခြေခံယူဆချက်အမှားတစ်ခုပဲဖြစ်နိုင်တယ်။ လမ်းမှားကို သွားနေပြီး ယုံကြည်မှုနောက်လိုက်ရင် လမ်းဆုံးရောက်မယ်ဆိုတာ မဟုတ်မှန်း အားလုံးအသိပဲ။ ကိုယ့်ရဲ့ ယုံကြည်မှုက မှန်မမှန်ပြန်လည်ဆန်းစစ်ဖို့အကောင်းဆုံးနည်းက သွားနေတဲ့လမ်းကအလုပ်ဖြစ်မဖြစ်ပဲ။ Phyo Paing @ Derek
ပြဿနာတွေအားလုံးရဲ့အစက Read More »
Trust, but verify
ဘဝမှာ အကောင်းမမြင်တတ်တာကြာပြီ။ငယ်ငယ်ကတော့ အကောင်းမြင်၊ကိုယ့်ကိုကိုယ် ယုံကြည်။ချသာချ။ယုံကြည်ရင် ဘာမဆိုဖြစ်တယ်။ အသက်ကြီးလာတော့ အခြေနေတစ်ခုကိုဓမ္မဓိဋ္ဌာန် ကျကျကြည့်တတ်ရမယ်ဆိုတာနားလည်လာတယ်။ကိုယ့်ကိုကိုယ် အယုံကြည်မလွယ်အောင်ငါယုံကြည်တာ တကယ်မှန်လားဆိုတဲ့မေးခွန်းအမြဲပြန်မေးကြည့်တယ်။Trust, but verify ဆိုသလိုပေါ့။ ဘဝမှာ အစွဲတွေရှိတတ်တယ်။အစွဲတွေ ချွတ်ဖို့ အမှန်မြင်ဖို့လိုတယ်။အမှန်မြင်မှ အမှန်မြင်မယ်။အမှန်မြင်ဖို့ ကိုယ်လောကကြီးကိုကြည့်တဲ့မျက်လုံးရှေ့က မှန်ဖြစ်တဲ့ယုံကြည်မှု၊ တန်ဖိုးထားမှု၊ စဥ်းစားမှုပုံစံ၊ခေါင်းထဲထည့်ထားတဲ့အရာတွေဟုတ်မဟုတ် ပြန်လည်ဆန်းစစ်ရတယ်။ Phyo Paing @ Derek