Mindset

ထားပြီးအဝေးကို ထွက်ပြေးသွားလို့မရတဲ့သူက“ကိုယ်” ပဲ။ အသက်ရှင်နေသမျှ ဒီခန္ဓာကိုယ်ကြီးကိုပိုင်ဆိုင်ချင်ချင်၊ မပိုင်ဆိုင်ချင်ချင်ပိုင်ဆိုင်နေရမယ်။ ဒီိခန္ဓာကိုယ်ကြီးနဲ့အတူ စဉ်းစားတဲ့ပုံစံကဖြတ်သန်းလာတဲ့ ဘဝ၊ ယုံကြည်မှု၊ တန်ဖိုးထားမှု၊သင်ယူလေ့လာခဲ့မှု၊ ဘိုးဘေးတွေရဲ့ ဒီအန်အေဒီကတစ်ဆင့်လက်ဆင့်ကမ်းလာတယ်။ ဒီခန္ဓာနဲ့ စိတ်ကို အသက်ရှင်နေသမျှပိုင်ဆိုင်နေရမှာဖြစ်တဲ့အတွက် ပြုစုပျိုးထောင်နေဖို့လိုတယ်။ ကိုယ့်ရဲ့အရေပြားအောက်မှာကိုယ့်ဘဝနေပျော်နေဖို့လိုတယ်။ ဒီလိုနေပျော်ဖို့ ကိုယ့်ရဲ့ hardware ဟတ်ဝဲဖြစ်တဲ့ခန္ဓာကိုယ်ကို ကျန်းမာကြံ့ခိုင်အောင်၊ Software ဆော့ဝဲနဲ့တူတဲ့စိတ်ကို ဖြတ်လတ်နိုးကြားထက်မြက်ပြီးဗိုင်းရပ်ကပ်တာနည်းအောင်လေ့ကျင့်ပျိုးထောင်ဖို့လိုလာတယ်။ အသက်ရှင်နေသမျှကိုယ့်ကိုကိုယ်ဆီက ထွက်ပြေးသွားလို့မရဘူး။ ဒီတော့အကောင်းဆုံးနည်းကကိုယ့်ကိုကိုယ် ရန်မဖြစ်နဲ့။ အကောင်းဆုံးပြုစုပျိုးထောင်။ကိုယ့်အတွေး၊ အကြံအစီ၊ အလုပ်သုံးခုတစ်သားတည်းကျဖို့အလိုင်းမန့် alignment ချိန်နိုင်ဖို့လိုတယ်။ Phyo Paing @ Derek

ဘဝရဲ့အသက် ၃၀ လောက်ထိကအကောင်းဆုံးသူ့အလိုလိုဖြစ်လာတာဆိုတာမရှိသလောက်ပဲ။ ၃၀ နောက်ပိုင်းမှာ တစ်နှစ်တစ်ခါကိုsurprise တိုက်တာမျိုးဖြစ်လာတယ်။မထင်မှတ်ထားတဲ့ ကြိုတင်မစီမံထားတဲ့လောကကြီးကပေးတဲ့လက်ဆောင်တွေတစ်ခုမဟုတ်တစ်ခု ရောက်လာတတ်တယ်။ ကိုယ်ဖက်က ယူဖို့ပဲမစဉ်းစားပဲပြန်ပေးဖို့ကို အသားပေးလုပ်ဆောင်ကြည့်တဲ့အခါတော်တော်လေးအပြောင်းအလဲဖြစ်လာတယ်။ စိတ်ထားကောင်းကောင်းထား။ မှန်မှန်ထား။လောကကြီးက ကိုယ်ယူတာထက်ပိုပေး။ ကျေးဇူးတင်စိတ်နဲ့နေ။ ကိုယ့်ကိုလုပ်တာ မကြိုက်တာကိုတပါးသူကိုမလုပ်နဲ့။ ကိုယ့်မှာပိုနေပြီး မပန်းမကြီးတာတွေကိုလိုအပ်နေသူတွေကို မျှဝေပေး။ အတိုကောက်ကတော့ “ကယ”ပေါ့။ က – ကျေးဇူးတင်စိတ်နဲ့နေယ – ယူတာထက်ပိုပေး။ ကိုယ့်ကိုမွေးဖွားခဲ့တဲ့မိဘကိုယ်က ယူတာထက်ပိုပေး။ ကိုယ်မွေးဖွားခဲ့တဲ့နေရာအတွက်ယူတာထက် ပိုပေး။ နေ့စဉ်နေထိုင်ရတာလိပ်ပြာလဲလုံတယ်။ Phyo Paing @ Derek

ခေါင်းထဲထည့်ထားတဲ့ အတွေးအခေါ်မတူရင် (Philosophy) အထင်အမြင်မတူဘူး။ (Perception) အထင်အမြင်မတူရင်အယူအဆမတူဘူး။ (Concept) အယူအဆမတူရင်လောကအမြင်မတူဘူး။ (View) လောကအမြင်မတူရင်လုပ်ရပ်တွေလဲမတူဘူး။ (Action) လုပ်ရပ်မတူရင်ရလဒ်တွေလဲမတူဘူး။ (Result) Phyo Paing @ Derek