Personal Development

ဘဝကို အပြောင်းအလဲဖြစ်စေခဲ့တဲ့အရာက“အပြစ်မတင်ဘဲ အဖြေရှာ”တာပါပဲ။ပြဿနာအဖြေရှာဖို့ကိုယ့်ဥာဏ်ပညာနဲ့စဉ်းစားကြံဆရတယ်။ကိုယ့်ဥာဏ်ပညာနဲ့ မဖြေရှင်းနိုင်တဲ့အခါသင်ယူလေ့လာမှု ပြုလုပ်ရတယ်။ နည်းလည်မှု၊စဉ်းစားတွေးခေါ်ပုံ၊လုပ်ဆောင်ပုံဒါတွေကို အပြောင်းအလဲလုပ်ပြီးပြဿနာ အဖြေရှာရင်းတိုးတက်မှုရတယ်။ တိုးတက်ချင်ရင်အပြစ်မတင်ဘဲအဖြေရှာပါ။ Phyo Paing @ Derek

တခါတလေကိုယ့်ဘယ်လောက်မြင့်မြင့်ပျံနိုင်မလဲပျံမကြည့်ပဲ မသိနိုင်ဘူး။ပျံမယ်ဆို အတောင်စုံဖို့တော့လိုတာပေါ့။ Phyo Paing @ Derek

နေ့ရက်တိုင်းက ပါရမီဖြည့်ဖို့ အခွင့်အလမ်းပဲ။ ဆင်းရဲခြင်းက လွတ်ဖို့ပါရမီဖြည့်ဖို့လိုတယ်။ ပါရမီဆိုတာ ကြွက်သားလိုပဲ။နေ့စဥ် အထပ်ထပ်လေ့ကျင့်ရတဲ့အလေ့အကျင့်မျိုး။ လေ့ကျင့်လေ သန်မာလေ။ သန်မာလေ လောကဓံဆင်းရဲမှုကလွတ်ကင်းနိုင်လေလေ။ လောကီဘဝအတွက်ပါရမီဆယ်ပါးရှိတယ်။ ဒီလိုလုပ်ဖို့ ယူဖို့ထက် ပေးဖို့စဥ်းစားပါ။ဒါက ဒါန ပါရမီ။ပေးကမ်းစွန့်ကြဲလှူဒါန်းခြင်း (သို့) စွန့်လွှတ်ခြင်း။ ကိုယ့်ကိုမကြိုက်တာ သူများကိုလဲမလုပ်နဲ့။သီလ ပါရမီ၊ ကိုယ်ကျင့်တရားကောင်းခြင်း။ အလွန်အကျွံဆွဲလမ်းပြီးမရှိရမနေနိုင်ခြင်းကိုရှောင်ကျင်ပါ။ နေက္ခမ္မ ပါရမီ၊ တပ်မက်မှုကင်းခြင်း။ အမှန်ကို အမှန်၊ အရှိကိုအရှိအတိုင်းတွေးတောဆင်ခြင်မြင်ကြည့်ပါ။ပညာ ပါရမီ၊ အမှန်တိုင်းသိခြင်း။ အပျင်းမကြီးပါနဲ့။ အချိန်မဖြုန်းပါနဲ့။ကောင်းမွန်တဲ့ရည်မှန်းချက်အတွက် လက်လျော့တတ်တဲ့စိတ်ကိုဖျောက်ပါ။ဝီရိယ ပါရမီ၊ ဇွဲလုံ့လကြီးခြင်း။လောဘနဲ့ ရည်မှန်းချက်မတူပါ။ လောဘဆိုတာ ကိုယ်နဲ့မထိုက်တန်တာကိုရချင်စိတ်။ ရည်မှန်းချက်ပိုင်းတိုင်ဆိုတာ ကိုယ်ရည်ရွယ်တဲ့အရာကိုရဖို့ဝိရိယနဲ့ အားထုတ်မှု။ လေးပင်ပြီး ကလဲ့စားခြေဖို့ပဲမစဥ်းစားပါနဲ့။စိတ်ရှင်းရှင်းနဲ့ ခွင့်လွတ်သင့်တာခွင့်လွတ်ပါ။ ခန္တီ ပါရမီ = သည်းခံခွင့်လွှတ်ခြင်း။ ကတိတည်ပါ။ မလိမ်မညာပါနဲ့။သစ္စာ ပါရမီ၊ မှန်ကန်ခြင်း။

အသက်ရှင်နေသမျှကိုယ့်ကိုထားမသွားမည့်သူကကိုယ်ပဲ။ ကိုယ့်စီးပွားရေးလဲ အကြောင်းကြောင်းကြောင့် ပျက်စီးနိုင်တယ်။ကိုယ့်ကိုချစ်တဲ့သူတွေလဲအကြောင်းကြောင်းကြောင့် မုန်းသွားနိုင်တယ်။ ကိုယ်ပိုင်ဆိုင်ထားသမျှလဲ အကြောင်းကြောင်းကြောင့် ကုန်သွားနိုင်တယ်။ ကိုယ်နဲ့အတူအမြဲရှိနေတဲ့သူကကိုယ်တိုင်ပဲ။ ဒါကြောင့် လုပ်ဆောင်မှုအကုန်လုံးကပိုကောင်းတဲ့ ကိုယ့်ကိုကိုယ်တည်ဆောက်ရေးအတွက်အထောက်အကူပြုဖို့လိုတယ်။ Phyo Paing @ Derek

တခြားသူတွေတော့မသိဘူး။ကျွန်တော့်ဘဝရဲ့အကောင်းဆုံးတွေကမကောင်းဆုံးတွေကလာတယ်။ ဘွဲ့ရတော့ ကုမ္ပဏီပေါင်းစုံအလုပ်တွေလိုက်လျှောက်တယ်။လိုချင်တဲ့အလုပ်မရသေးရင်ယူကေဘွဲ့လွန်ဒီပလိုမာတက်မယ်လို့စဥ်းစားတယ်။ အလုပ်တွေကအများကြီးလျှောက်တယ်။မရခဲ့ဘူး။ဒါနဲ့ စီးပွားရေးဘွဲ့လွန်ဒီပလိုမာတက်တယ်။စာမေးပွဲဖြေပြီးတဲ့နေ့ပဲ ထိပ်တန်းနိုင်ငံတကာကုမ္ပဏီတစ်ခုမှာအလုပ်ရတယ်။ ဘွဲ့လဲရ၊ အလုပ်လဲရ။ စိတ်ဒုက္ခပေးတဲ့ အနီးဆုံးလူတွေအများကြီးနဲ့ ဘဝကတော်တော်ခက်ခဲခဲ့တယ်။ စိတ်ဆင်းရဲမှုတွေကို ဖြေဖျောက်ဖို့နည်းလမ်းတွေရှာရင်းမှတ်စုတွေရေးရင်းလူပေါင်း ၁ သန်းလောက် follow လုပ်တဲ့page တစ်ခုဖြစ်သွားတယ်။ အုပ်ရေ ၅၀၀၀၀ ကျော်ရောင်းပြီးတဲ့စာအုပ်တစ်အုပ်ထွက်လာတယ်။ ကတိတစ်ခုနဲ့ ဘဝအခြေအနေတစ်ခုကြောင့်ကိုယ်စိတ်ဝင်စားတဲ့အလုပ်ကိုခြောက်နှစ်လောက်လုပ်ခဲ့ရတယ်။ခန္ဓီပါရမီ တော်တော်ကျင့်ယူခဲ့ရတယ်။ဒီအလုပ်လဲပြီးရော အချိန်တန်ဖိုးကိုကောင်းကောင်းနားလည်လာတယ်။ကိုယ်ဖြစ်ချင်တာတွေကို အချိန်မစောင့်မြန်နှုန်းမြင့်လုပ်ဆောင်ဖို့ဘဝပေးသင်ခန်းစာကြီးတစ်ခုရခဲ့တယ်။မြန်မြန်လုပ်၊ မြန်မြန်လေ့လာ၊ မြန်မြန်ကျရှုံး၊မြန်မြန်ပြန်ထ၊ မြန်မြန်ဖြစ်အောင်လုပ်။ဒီအတွေးအခေါ်က ဘဝမှာ အများကြီးအထောက်အကူဖြစ်စေခဲ့တယ်။ အဲ့လိုဖြစ်ရပ်တွေ ဘဝမှာအများကြီးရှိတယ်။ ဒါကြောင့် ဘဝမှာ ပြဿနာတွေဖြစ်လာတိုင်းပျော်နေတတ်ပြီ။ ဘာကြောင့်လဲဆိုတော့“အခက်အခဲရဲ့တစ်ဖက်ခြမ်းမှာအခွင့်အလမ်းတွေ စောင့်နေတယ်။” ဒါကို အမြဲယုံကြည်တယ်။ အခက်အခဲဖက်ခြမ်းမှာပဲမနေဘဲအခွင့်အလမ်းဖက်အခြမ်းသွားဖို့ မှန်ကန်တဲ့အတွေးအခေါ်အကြံအစည်အလုပ်အကိုင်လိုတယ်။ အခက်အခဲတိုင်းရဲ့နောက်တစ်ဖက်ခြမ်းမှာအခွင့်အလမ်းတွေရဲ့ခေါ်သံနားထောင်နိုင်ဖို့ အရေးကြီးတယ်။ Phyo Paing @ Derek

မတိုးတက်စေနဲ့။ တိုးတက်မှုရဲ့ အရသာကိုသိသွားရင်စွဲစွဲလမ်းလမ်းဖြစ်သွားလိမ့်မယ်။ဘဝကြီးက ရင်ခုန်ဖို့ကောင်းတယ်ဆိုတာသိလာလိမ့်မယ်။ ပိုက်ဆံရှိတဲ့သူတွေက ဘာကြောင့်ပိုက်ဆံပိုရှိချင်လာသလဲ။စာတော်တဲ့သူတွေက ဘာကြောင့်စာတော်အောင်အမြဲကြိုးစားကြသလဲ။ပညာတတ်တဲ့သူတွေကဘာကြောင့် ပညာပိုတတ်ချင်ကြသလဲ။ခန္ဓာကိုယ်လှပြီးတဲ့သူတွေကဘာကြောင့်ပိုလှဖို့ အားထုတ်ကြသလဲ။ ဘာကြောင့်လဲဆို သူတို့ကအရသာကိုသိသွားလို့။ ကိုယ့်ဘဝအပြောင်းအလဲဖြစ်ဖို့ကအရသာလေးကို စသိလိုက်ဖို့ပဲလိုတယ်။ တိုးတက်မှုကလဲ အဲ့လိုပဲ။အရသာကို သိသွားရင်စွဲလမ်းသွားလိမ့်မယ်။ Phyo Paing @ Derek